Dia꞉mesi 1:24 - Panake Pi La: Ula: Buka pita: Kine Pieke Buka

²⁴ Kutu pita꞉la꞉ halita꞉ ipika꞉ leke popeleke handa꞉la꞉pate la꞉ka꞉la pulu hata꞉ta꞉ ipika꞉ handea꞉ ekita꞉ kutaa kone hone yonka꞉laota꞉ hone paa nimina wia꞉peke na ya꞉la꞉me.

Dia꞉mesi 1:24 Mawu Ofanana

Ma꞉tiu 8:27

Kutu piekeeki handolo hata꞉ paeyaoma꞉ penkilipa꞉tia pomimikime. Mo ikali pita꞉ po tilipu yaapoma꞉ ipika꞉ pi ota꞉ opita꞉la꞉ ekita꞉ do someta꞉ eki piki some yekea lemekeme.

Luku 1:66

Mo pi opimiki wanda꞉hali paeyaoma꞉ opua hone witolo alota꞉ Do wekita꞉ ekipiki hali halia꞉pe laa lota꞉ lota꞉ pimikime. Tekehalina꞉ wele pita꞉la꞉eki mo weki pa꞉ta꞉ peneme yao pitiekeeki handolo hata꞉ lemekeme.

Luku 7:39

Mo hande Pa꞉tisi halima꞉ kotoeki handaata꞉ ipika꞉ honema꞉ kone alota꞉ Do halita꞉ Koda꞉na꞉ potopede hali ya꞉ka꞉na꞉ yoluta꞉ ipikana꞉ma꞉ ipikita꞉ do wanda꞉ma꞉ wataasa꞉me laa peneme handolo pia꞉me. Ipikana꞉ma꞉ koto wanda꞉na꞉ pa꞉la꞉ hoke hauta꞉ hone ulu pia꞉me laa hone wiekeme.

1 Desalonaika 1:5

Hande Pi Seliapota꞉ nikana꞉ma꞉ iki pa꞉ta꞉ mea epoma꞉pate pa pahameke ala꞉ pimanu na mea epeketa꞉ ota꞉ wele tonka꞉na꞉ Holi Sipitidi tonka꞉na꞉ do pita꞉ ota꞉eki laa hone wotu wia mea epoma꞉me. Iki ame̱le̱ hata꞉ pia꞉tiki puma꞉ haumanu make ikana꞉ma꞉ handememe. Iki epeaalo pieki pitolo puma꞉me.

Dia꞉mesi 1:23

Do ekina꞉yeke loa꞉me. Hande pi alemanu pa opua kone na pita꞉la꞉ halita꞉ mo su̱a̱na꞉ leke popeleke handa꞉la꞉ halima꞉ handa꞉la꞉me.

Dia꞉mesi 1:25

Kutu pita꞉la꞉pate hali epima꞉ mo hande seliapopiki pi ula꞉ ekimanu hande wanda꞉hali ka꞉la꞉pao hala꞉ pi ula꞉ ekimanu pa꞉ta꞉ loa꞉me. Hali epima꞉ kotoeki manuna꞉ hando haota꞉ pa katakema꞉ homeke na opiki opua ota꞉ pia꞉ka꞉na꞉ta꞉ koto halita꞉ pitolo haena꞉ kone Koda꞉ma꞉ epeaalieke.

2 Pida 3:11

Do ala꞉ta꞉ ala꞉ta꞉ paeyao dupa hoeyaalo pa꞉la꞉eki ya꞉leke loa꞉ma꞉ ikita꞉ ekipiki wanda꞉hali hapa꞉peke ya꞉la꞉pe. Ikana꞉ma꞉ta꞉ Koda꞉na꞉ Nate epolo pa꞉la꞉ dita꞉ honema꞉ kimaaso hata꞉ a̱i̱ epena꞉e laa honkopu hao hapa꞉peke. Kutu pitolota꞉ ika꞉ haleme ekita꞉ yako pina꞉ laa Koda꞉na꞉ hau leke pu hapa꞉peke ya꞉la꞉me. Koto dina꞉ta꞉ mo yata꞉ ta꞉ta꞉ pao hoeyao mo yana꞉ hala꞉ ale manuta꞉ mo titipuma꞉ taa o̱ la꞉ palieke.