Dia꞉mesi 1:22 - Panake Pi La: Ula: Buka pita: Kine Pieke Buka

²² Hande pi ale manuta꞉ pa katakema꞉ homeke opitolo hata꞉ ika꞉ kone makeaasememe. Kotoeki na pikita꞉ pi opuata꞉ ota꞉ pea꞉pa꞉peke.

Dia꞉mesi 1:22 Mawu Ofanana

Ma꞉tiu 12:50

Mo ya hepeni nane hala꞉ Apa꞉na꞉ hone pa꞉la꞉ haumanu peao haleme wanda꞉halita꞉ ikita꞉ ya ana꞉ ama꞉ kametonue leekeme.

Ma꞉tiu 28:20

Kutaa make hande I̱ma꞉ iki pa꞉ta꞉ la kua꞉ pimanu paeyaota꞉ mo wanda꞉halima꞉ miniki hata꞉ tolu haena꞉ iki pa꞉ta꞉ wala꞉tiki pu hapa꞉peke. I̱ta꞉ mo paelo pa꞉la꞉ nate epea꞉ka꞉na꞉ kia꞉ naluekema꞉ iki ame̱le̱ nate paeyao mandake hao halumeke leekeme.

Luku 11:28

Koto leeke Yesuma꞉ alota꞉ Dia꞉me. Koda꞉na꞉ pi opua pu haleme wanda꞉hali ikana꞉ma꞉ta꞉ ta꞉na꞉ma꞉ wotu homa꞉peke ya꞉la꞉me leekeme.

Dioni 13:17

Do walo ekita꞉ hone wimika꞉na꞉ta꞉ kota꞉ pitolo hata꞉ kone ta꞉na꞉ma꞉ homilimikie.

Loma꞉ 2:13

Koda꞉ma꞉ta꞉ wanda꞉hali ipiki yaapo tikitiki yao haena꞉ ala꞉ ekita꞉ mo wanda꞉halima꞉ hande Lo Pimanu pa katakema꞉ homeke opiteleme ekina꞉ na pikita꞉ hande Lo Pimanu opua piteleme ekina꞉ haena꞉ lelieke.

1 Kotindi 15:33

Makeaasa꞉eki na opua꞉pa꞉peke. Hoke wanda꞉hali ame̱le̱ pomuma꞉ka꞉na꞉ta꞉ kota꞉ nika꞉ epeke hau pitoloma꞉eki hoeyaapeke ya꞉la꞉me.

1 Kotindi 3:18

Ikana꞉ma꞉ iki kone na makeaapa꞉peke. Iki ame̱le̱ hali homeke a꞉nda꞉ma꞉ tiaota꞉ kenke haliwekima꞉ hone witeleme tupa꞉ alota꞉ I̱ta꞉ hone wotu ulu hali halome laa lea꞉ka꞉na꞉ta꞉ kota꞉ koto halima꞉ta꞉ mo ota꞉ hone wotu wita꞉la꞉eki handa꞉ uluekema꞉ I̱ta꞉ hone na wiki hali halome laa amba꞉la lapeke aleo.

1 Kotindi 6:9

Hande hoke hau pu haleme wanda꞉halima꞉ Koda꞉na꞉ Kilu Tombuao Hala꞉ ekina꞉ pua꞉peke na ya꞉la꞉ ekita꞉ hone na witelemepe. Ika꞉ kone na makeaapa꞉peke. Mo wanda꞉halina꞉ loke hoeyao haleme wanda꞉hali make toopi tima꞉ wepia ula꞉ ale pa꞉ta꞉ panda꞉ puniao haleme wanda꞉hali make tooli ka꞉tao haleme wanda꞉hali make mo wanda꞉ pa꞉ta꞉ pita꞉la꞉eki hali ma꞉nda꞉ pa꞉ta꞉ kone pu haleme haliweki make kutupu haleme wanda꞉weki make

Ka꞉leisia 6:3

Iki tukiki pa꞉ta꞉ ma꞉nda꞉ma꞉ ipikita꞉ biki na wilia꞉ some haliepate kone I̱ta꞉ biki ula꞉me hone wia꞉ka꞉na꞉ta꞉ koto somema꞉ ipika꞉ kone makeaasa꞉me.

Ka꞉leisia 6:7

Ika꞉ ika꞉ kone na makeaapa꞉peke. Koda꞉ makeake hau pea꞉peke ya꞉la꞉ some ma꞉nda꞉ ota꞉ na hala꞉me. Wae noka꞉pa꞉la꞉ somema꞉ ota꞉ mo ipika꞉ noka꞉pa꞉la꞉ waena꞉ kiliki kone tala꞉peke yelieke.

Pilipai 4:8

Ya yankeke tonuo. Ya paeyaaso pita꞉ dupa alome. Ika꞉ honema꞉ mo epeke hau pita꞉la꞉ haumanu make mo yeiya꞉ lapeke ya꞉la꞉ haumanu make kota꞉ haumanu homeke hone u moneao hapa꞉peke. Dupiki hauna꞉ loa꞉me. Ota꞉ hau pita꞉la꞉eki leke tendepiki hau pita꞉la꞉eki tikitiki hau pita꞉la꞉eki aleta꞉ ma꞉nda꞉ na ta̱leke hau pita꞉la꞉eki hau seliapo seliapo pita꞉la꞉eki yole hau pita꞉la꞉ ekimanu make koto haumanu paeyao homeke hone u hamena꞉ alome.

Kolosi 3:17

Ika꞉ piteleme haumanu make aleme pimanu make paeyaota꞉ mo Tekehali Yesuna꞉ bikina꞉ pitolo hata꞉ ipiki pa꞉ta꞉ yama꞉ Apa꞉ Koda꞉ pa꞉ta꞉ keiyae pi lo hapa꞉peke.

2 Timodi 3:13

Hoke hau pu hala꞉ haliweki make yayapiki hau pita꞉la꞉ haliweki make ika꞉ ika꞉ kone makea alu alu pitolo hata꞉ ika꞉ hoke hau manuta꞉ ota꞉ mea daeyalimikie.

Taitasi 3:3

Amba꞉ niki make hone wopu na wiki pi tunkulu make pu ata꞉ka꞉ peaoma꞉me. Nika꞉ lokena꞉ hone pa꞉la꞉ hau manuma꞉ make nika꞉ lokena꞉ ta꞉na꞉ma꞉ homaasa꞉ haumanu make koto hau paeyaoma꞉ nika꞉ hone handeteke haena꞉ loma꞉me. Kutupa nate paeyao mineke panka꞉ tiake pimanu lo make ma꞉nda꞉ma꞉ epeke ale pa꞉ta꞉ make leke polopao haoma꞉me. Mandane wanda꞉halima꞉ niki honditi pimikita꞉ iki make honditi pu haoma꞉me.

Dia꞉mesi 1:26

Kutupa hali epima꞉ I̱ta꞉ ota꞉ Ketiso halie la ala꞉pate ipika꞉ kekeke na handeteke haya꞉ka꞉na꞉ta꞉ kota꞉ koto halita꞉ ipika꞉ kone makeao hao ipika꞉ Ketiso hala꞉ ekita꞉ ota꞉eki dia꞉me paekie.

Dia꞉mesi 4:11

Ya kametitio. Ikana꞉ma꞉ ika꞉ kame ma꞉nda꞉ pa꞉ta꞉ hoke hone witolo hata꞉ la la pita꞉la꞉ pi na lapa꞉peke. Hali epima꞉ ipika꞉ kame pa꞉ta꞉ hoke hone witolo hata꞉ pi lao pi yokaalu pita꞉la꞉ halima꞉ handa haya꞉ka꞉na꞉ta꞉ mo hali homeke pa꞉ta꞉ na pita꞉la꞉pate mo hande Lo pimanu pa꞉ta꞉ kone pita꞉la꞉me. Nakana꞉ma꞉ kutu pika꞉na꞉ta꞉ mo hande Lo Pimanu hone na wiki neketa꞉ mo Lo Pi manuna꞉ pi yokaalu pitele hali halipikie.

Dia꞉mesi 4:17

Koto ekina꞉ hali epima꞉ tikitiki hau pea꞉pekeeki hone wia hata꞉ kone ota꞉ na pia꞉ka꞉na꞉ta꞉ koto halima꞉ta꞉ hoke hau pita꞉la꞉me.

2 Pida 2:13

Kutupa ikana꞉ma꞉ ma꞉nda꞉ pa꞉ta꞉ tanda piki haumanu peleme ekina꞉ iki make koto tupa꞉ kone tanda piki yenki kilieke. Ika꞉ ta꞉na꞉ma꞉ homa꞉la꞉ ekita꞉ ika꞉ lokena꞉ na꞉na꞉ pa꞉la꞉eki tumbaaluekema꞉ mo pa̱a̱na꞉ hata꞉ yaala꞉ma꞉ na homeke anemone hau pu halememe. Ika꞉ yayapiki pota꞉ manuna꞉ ta꞉na꞉ma꞉ homo hata꞉ iki ame̱le̱ ne mandakena꞉ apa꞉tao nalemeketa꞉ iki tukiki pa꞉ta꞉ ha̱i̱ peao hondo pilake nono pelememe.

1 Dioni 1:8

Nikana꞉ma꞉ alo hata꞉ Nikita꞉ hokeeki na ula꞉me loma꞉ka꞉na꞉ta꞉ kota꞉ nikana꞉ma꞉ta꞉ nika꞉ kone makeaasoma꞉me. Kutupa niki pa꞉ta꞉ta꞉ ota꞉eki na ula꞉me.

1 Dioni 2:3

Kutupa nikana꞉ma꞉ Koda꞉na꞉ pi ula꞉ ekimanu opua puma꞉ka꞉na꞉ta꞉ kota꞉ ipiki handoloma꞉me laa nika꞉ hone uluma꞉me.

1 Dioni 3:7

Yaka wekiwandikio. Ma꞉nda꞉ma꞉ iki na makeaena꞉ lapa꞉peke. Ma꞉nda꞉ epima꞉ ota꞉ hau pia꞉ka꞉na꞉ta꞉ kota꞉ koto someta꞉ mo Ketiso pa꞉la꞉ tupa꞉ tikitiki piki some hala꞉me.

3 Dioni 1:11

Yaka yankekeo. Mo hokeeki na moka꞉la handeketa꞉ mo epekeeki homeke moka꞉la handa꞉peke. Ma꞉nda꞉ epima꞉ epekeeki pia꞉ka꞉na꞉ta꞉ ipikita꞉ Koda꞉na꞉ ekie. Ma꞉nda꞉ epima꞉ hokeeki pia꞉ka꞉na꞉ta꞉ ipikita꞉ Koda꞉ na handeke some hala꞉me.

Peneme Yaeyekeeki 12:9

Mo popake itiki hake si tieke hombeleketa꞉ tolu lopaeya꞉me. Ipikita꞉ mo hande amba꞉ kiake hayeke keto biki Sadani la꞉la꞉ alee. Ipikana꞉ma꞉ta꞉ mo kenke wanda꞉hali paeyao makeaeyeke halie. Ipikita꞉ ipika꞉ enisolo titi ame̱le̱ oni kenkena꞉ tolu lopaeya꞉me.

Peneme Yaeyekeeki 22:7

Yesuma꞉ alota꞉ Opie. I̱ta꞉ teke pa꞉ta꞉ ipulume. Do buka pa꞉ta꞉ ula꞉ wetepena꞉ pulu pa꞉la꞉ pimanu pa꞉ta꞉ opua pu haleme wanda꞉halita꞉ ta꞉na꞉ma꞉ homilimikie.