Dia꞉mesi 1:12 - Panake Pi La: Ula: Buka pita: Kine Pieke Buka

¹² Hali epima꞉ mo la handa꞉la꞉ ekimanu epena꞉ kone da̱o̱la haya꞉ka꞉na꞉ta꞉ ta꞉na꞉ma꞉ homilieke. Do ekina꞉yeke loa꞉me. Mo halima꞉ta꞉ mo la handa꞉la꞉ ekimanu paeyao bepolaeya꞉ka꞉na꞉ta꞉ Koda꞉ma꞉ ipiki pa꞉ta꞉ yenki halolo hata꞉ta꞉ deto hala꞉eki kone halieke. Koto yenkita꞉ Koda꞉ma꞉ amba꞉ pi la꞉ witolo hata꞉ I̱ pa꞉ta꞉ pukima꞉ homa꞉la꞉ wanda꞉hali pa꞉ta꞉ deto hala꞉eki halueke laa pi la꞉ ula꞉me.

Dia꞉mesi 1:12 Mawu Ofanana

Kini Pieke 22:1

Nate ma꞉nda꞉na꞉ Koda꞉ma꞉ Eipoloha꞉ma꞉ la handuluekema꞉ wi alota꞉ Eipoloha꞉ma꞉o leeke Eipoloha꞉ma꞉ma꞉ hombo peaasota꞉ Wae laa alota꞉ I̱ do handa꞉e leekeme.

Ma꞉tiu 10:22

Ikana꞉ma꞉ ya e pokaaseme haliweki hata꞉ ya biki miniki haleme ekina꞉ta꞉ wanda꞉hali paeyaoma꞉ iki hoki wala kialimikie. Kutu pilimipate kone mo haumanu ipulu haena꞉ kone mo paelo pa꞉la꞉ nate opolo epena꞉ yu wia hata꞉ honkopu hao bepolatiki pu halia꞉ someta꞉ da꞉taa haena꞉ lelieke.

Ma꞉tiu 25:34

Kutu pu paeya꞉ka꞉na꞉ta꞉ mo Kini Halima꞉ ipika꞉ popeke nanema꞉ halimi wanda꞉hali pa꞉ta꞉ alota꞉ Ikita꞉ Koda꞉na꞉ wamo pa꞉la꞉eki mimiki wanda꞉hali yeleme ekina꞉ ika꞉ Apa꞉ Koda꞉ma꞉ do kenke kini pea wepieke toma꞉na꞉ kone tikitiki yao wina꞉ la꞉la꞉ kilu tumbuao hala꞉ kenke a꞉pa mipee lelieke.

Luku 6:22

Ikita꞉ mo Wanda꞉halina꞉ Eiyeke tolu halemeke handaa mandane wanda꞉halima꞉ iki pa꞉ta꞉ yaala꞉ma꞉ homao make tanda ku make ika꞉ biki hoeyaaluekema꞉ hoke ba꞉sa꞉ pitolo yayapiki pimanu sa꞉mba꞉lao pitolo haena꞉ kone

Loma꞉ 5:4

Kutupa nikita꞉ la handa꞉la꞉eki epena꞉ kone da̱o̱la haoma꞉ka꞉na꞉ta꞉ Koda꞉ma꞉ ota꞉ halie laa lelieke. Kotoeki lolo pa꞉la꞉ ekina꞉ nikana꞉ma꞉ hone ti lao halumeke.

Loma꞉ 8:28

Koda꞉ma꞉ta꞉ ipiki pa꞉ta꞉ pukima꞉ homoloma꞉ wanda꞉hali niki ame̱le̱ hata꞉ wetepe pulu pa꞉la꞉ ekimanu epekeeki wina꞉yeke pu hala꞉me. Koto wanda꞉hali nikita꞉ Koda꞉ma꞉ ipika꞉ hone wita꞉la꞉eki peaaluekema꞉ niki wi la꞉la꞉me. Koto pa꞉la꞉ ekita꞉ nikana꞉ma꞉ handoloma꞉me.

1 Kotindi 2:9

Koto pa꞉la꞉pate hande Baibolo bukana꞉ wape pa꞉la꞉ tupa꞉ta꞉ Wanda꞉hali homeke a꞉nda꞉ma꞉ na handeekeeki make na opiekeeki make honema꞉ na niminaeyekeeki make kotoeki kone Koda꞉ma꞉ mo ipiki pa꞉ta꞉ pukima꞉ homa꞉la꞉ wanda꞉hali pa꞉ta꞉ peaeyekeme laa wape pa꞉la꞉me.

1 Kotindi 8:3

Koto pa꞉la꞉pate hali epima꞉ Koda꞉ pa꞉ta꞉ pukima꞉ homea꞉ka꞉na꞉ta꞉ kota꞉ Koda꞉ma꞉ koto hali ota꞉ handa꞉la꞉me.

1 Kotindi 9:25

Anke taline̱li pulu pa꞉la꞉ halima꞉ta꞉ titina꞉ amba꞉la moka꞉la hande hande pitolo hata꞉ ipika꞉ lokena꞉ hone pa꞉la꞉ ekimanu homao taka꞉lao haena꞉yeke pita꞉la꞉me. Kutu piki halima꞉ta꞉ mo kukutu pea꞉peke yenki ale muluekema꞉ do haumanu pita꞉la꞉pate nikana꞉ma꞉ta꞉ ota꞉ kukutu na pea꞉peke yenki ale muluekema꞉ pitoloma꞉me.

2 Timodi 2:15

Nakana꞉ma꞉ ota꞉ epeke e poka꞉la꞉ hali haluekema꞉ta꞉ neke yala꞉ peaama꞉na꞉ naka꞉ titina꞉ honeta꞉ Koda꞉ma꞉ I̱ pa꞉ta꞉ ta꞉na꞉ma꞉ homena꞉e hone witolo hata꞉ e poko hapeke. Koda꞉na꞉ ota꞉ pi tikitiki wala꞉la꞉ hali hata꞉ta꞉ koto hau pu hapeke.

2 Timodi 4:8

Koto ekina꞉ mo tikitiki pea haeme wanda꞉halima꞉ ika꞉ lombei pimiki ekina꞉ mea꞉peke yenki tieketa꞉ I̱ma꞉ putupiliki miono yeke pa ula꞉me. Do koto ya lombei polo ekina꞉ yenkita꞉ mo Tekehali nika꞉ tikitiki teli peaasa꞉ halima꞉ mo epolo pa꞉la꞉ nate tiekena꞉ I̱ pa꞉ta꞉ kilieke. Koto yenkita꞉ I̱ pa꞉ta꞉ homeke na kulu pa꞉la꞉pate pa mo mandane ipiki peneme yaena꞉ yeke pukima꞉ homolo handeteke hao haleme wanda꞉hali pa꞉ta꞉ tonka꞉na꞉ halieke.

Hibulu 10:32

Mo hande iki amba꞉ haeme ekimanu niminaapa꞉peke. Koto pita꞉ma꞉ta꞉ mo Koda꞉na꞉ pa̱a̱ma꞉ ika꞉ puki pa꞉ta꞉ pa̱a̱ peaya꞉ hoki naneta꞉ ka꞉nda꞉manu wopu mimipate pa koto hau manuma꞉ iki bepolaena꞉ na leke ota꞉ honkopu hao haememe.

Hibulu 11:17

Koda꞉ma꞉ Eipoloha꞉ma꞉ makea handeeke dina꞉ta꞉ Eipoloha꞉ma꞉ma꞉ hone tulaaso hata꞉ ipika꞉ eiyeke Aisa꞉ke lia haluekema꞉ peekeme. Koda꞉ma꞉ ipiki pa꞉ta꞉ weki wandiki wopu kuluekee laa pi la꞉ wieke pi miniki hayekepate kone Eipoloha꞉ma꞉ ipika꞉ weki siki homeke kone Koda꞉ pa꞉ta꞉ lia haluekema꞉ tikitiki yaeyekeme.

Hibulu 12:5

Ikita꞉ Koda꞉ma꞉ ipika꞉ wekiwandiki hamena꞉ laata꞉ do hone u tiaasa꞉ pimanu la ku hala꞉ ekita꞉ na niminake yonka꞉lalemepe. Ipikana꞉ma꞉ dupa la꞉la꞉me. Ya wekio. Mo Tekehalima꞉ neke tikitiki yaena꞉ pita꞉la꞉ ekita꞉ hone wopu wia꞉peke. Kutupa ipikana꞉ma꞉ neke hando lea꞉ka꞉na꞉ta꞉ kota꞉ kima꞉ na homa꞉peke.

Hibulu 6:15

Eipoloha꞉ma꞉ mo pi la꞉ wieke ale muluekema꞉ yu wia hayeke handaata꞉ koto pi la꞉ wieke ekita꞉ ota꞉ miekeme.

Dia꞉mesi 2:5

Ya kametitio. Opua꞉pe. Kenke wanda꞉halima꞉ta꞉ aleta꞉ ma꞉nda꞉ na wiki natehali wanda꞉halio laa alemepateta꞉ Koda꞉ma꞉ koto wanda꞉hali talopu meata꞉ ika꞉ hone tulaaleme ekina꞉ta꞉ iki hamoko mea yaasa꞉me. Kutupa make ipiki pa꞉ta꞉ pukima꞉ homeleme wanda꞉hali pa꞉ta꞉ pi la꞉ wieke tupa꞉ koto wanda꞉hali ipika꞉ Kilu Tombuao Hala꞉ ekina꞉ mea haena꞉ lelieke.

Dia꞉mesi 5:11

Kutupa mo hande puki hana꞉ noka꞉pa haemeke haliweki pa꞉ta꞉ nikana꞉ma꞉ta꞉ Koda꞉ma꞉ mo haliweki amba꞉ epeaala꞉me lo haloma꞉eki hone wia꞉pa꞉peke. Hande Tekehalima꞉ honkopu hao handeteke hayekeeki make mo paelo pieke dina꞉ Koda꞉ma꞉ ipiki epeaeyekeeki make amba꞉ opuelememe. Tekehalima꞉ niki pa꞉ta꞉ a꞉ta꞉ma꞉ homa꞉la꞉eki make hone wopu wita꞉la꞉eki make amba꞉ handelememe.

1 Pida 3:14

Kutu pa꞉la꞉pate epeke hau pitolo hata꞉ kone ka꞉nda꞉ mimika꞉na꞉ta꞉ kota꞉ ta꞉na꞉ma꞉ wotu homa꞉pa꞉peke ya꞉la꞉me. Wanda꞉hali pa꞉ta꞉ paala꞉ma꞉ na homeke hone baapa꞉peke.

1 Pida 4:13

Kotoeki na pikita꞉ Ketisona꞉ ka꞉nda꞉ putu piliki minoloma꞉me laa ta꞉na꞉ma꞉ homa꞉pa꞉peke. Kota꞉ ipika꞉ pa̱a̱ pita꞉la꞉eki opolo ipilie pita꞉ma꞉ iki pa꞉ta꞉ ta꞉na꞉ma꞉ homa꞉la꞉ ekita꞉ tumbalieke.

1 Pida 4:14

Ikita꞉ Ketisona꞉ telia꞉la꞉ wanda꞉hali haleme ekina꞉ ma꞉nda꞉ma꞉ iki pa꞉ta꞉ hoke pi lemeka꞉na꞉ta꞉ ta꞉na꞉ma꞉ homa꞉pa꞉peke ya꞉la꞉me. Koto lemeka꞉na꞉ta꞉ kota꞉ mo pa̱a̱ piki temokota꞉ Koda꞉na꞉ temoko kone iki pa꞉ta꞉ pitia꞉ka꞉ta꞉me.

1 Pida 5:10

Koda꞉ma꞉ta꞉ pa a꞉ta꞉ma꞉ homa꞉la꞉ Tekehali hata꞉ iki Ketiso ame̱le̱ ta꞉ma꞉ni pea hamena꞉ ipika꞉ nate paeyao pa̱a̱ pu hala꞉eki muemena꞉yeke iki amba꞉ wi la꞉la꞉me. Kutupa iki pa꞉ta꞉ tanda peaasa꞉eki hosiki hao paeya꞉ka꞉na꞉ta꞉ Koda꞉ma꞉ kone wetepe iki epeaota꞉ ota꞉ honkopu hao da̱o̱la hamena꞉ lelieke.

1 Pida 5:4

Kutupa mo sipisipi ma꞉na꞉ handeteke hala꞉ Titina꞉ Hali opolo epea꞉ka꞉na꞉ta꞉ ipikana꞉ma꞉ iki pa꞉ta꞉ mo pa̱a̱ na alu pulu pa꞉la꞉ namba ota꞉ seliapo pikieki kia꞉ka꞉na꞉ milimikie.

1 Dioni 4:19

Koda꞉ma꞉ta꞉ niki amba꞉la pukima꞉ homeeke handaa nikana꞉ma꞉ make pukima꞉ homo haloma꞉me.

Peneme Yaeyekeeki 2:10

Mo mulu peleme tanda manuna꞉ paala꞉ma꞉ na homa꞉pa꞉peke. Opia꞉pe. Mo Sadanima꞉ta꞉ iki la handolo hata꞉ iki ma꞉nda꞉ hondo dipula mea lopaalieke. Kutupa ika꞉ ka꞉nda꞉ma꞉ homelemeeki manuta꞉ kiki yaapo natena꞉ pua paelieke. Homa꞉la꞉eki epena꞉ kone I̱ pa꞉ta꞉ hone tulaa pelia hapa꞉peke. Kutu pimika꞉na꞉ta꞉ ika꞉ a꞉nda꞉ pea bepolaaseme ekina꞉ ta꞉na꞉ma꞉ homolo peleme yenkita꞉ da꞉ta꞉la꞉eki kulueke.

Peneme Yaeyekeeki 3:19

I̱ma꞉ta꞉ yaka pukima꞉ homolo wanda꞉hali paeyaota꞉ pima꞉ hando laa panisi peao halome. Koto ekina꞉ ika꞉ hoke hau manuta꞉ ota꞉ hone witolo hata꞉ hoki wala꞉pe.

Peneme Yaeyekeeki 3:21

Ma꞉nda꞉ epima꞉ a꞉nda꞉ pea bepolaeya꞉ka꞉na꞉ta꞉ I̱ ame̱le̱ mo yaka kini seana꞉ lopulao pitulupeke. I̱ma꞉ta꞉ bepolaota꞉ ameta꞉ yaka Apa꞉na꞉ kini seana꞉ lopulao pilupa꞉ tupa꞉ loa꞉me lea꞉me.