Dia꞉mesi 1:10 - Panake Pi La: Ula: Buka pita: Kine Pieke Buka

¹⁰ Kutupa make mo hamoko kamema꞉ Koda꞉ma꞉ ipiki mininiaasa꞉ ekina꞉ ta꞉na꞉ma꞉ homa꞉peke ya꞉la꞉me. Mo hande ambu palapalamanu paeyo hala꞉ tupa꞉ mo halita꞉ paelieke laa loa꞉me.

Dia꞉mesi 1:10 Mawu Ofanana

Ma꞉tiu 5:3

Mandane wanda꞉hali epi ikana꞉ma꞉ ika꞉ pukima꞉ Ya temoko teketa꞉ natehali halome hone u haemeka꞉na꞉ta꞉ kota꞉ koto wanda꞉halita꞉ ta꞉na꞉ma꞉ homo halememe. Mo hepenina꞉ Kilu Tombuao Hala꞉ ekita꞉ ika꞉ ekie.

Ma꞉tiu 6:30

Mo ame homeke opa haena꞉ laa tunkula hapuao beliata꞉ tina꞉ yanka꞉peke yeke moma manuna꞉ auta꞉ Koda꞉ma꞉ lawao haya꞉ka꞉na꞉ta꞉ a꞉pee kota꞉ ika꞉ hone tulaaseme ekita꞉ ota꞉ hodikale siki ya꞉ka꞉ta꞉me. Koto alemanu pa꞉ta꞉ kone Koda꞉ma꞉ kutu pu haya꞉ka꞉na꞉ta꞉ kota꞉ ipikana꞉ma꞉ iki make ota꞉ ana꞉na꞉ kone handeteke halieke.

1 Kotindi 7:31

Kutupa kenkena꞉ ale manuma꞉ e pokeleme wanda꞉halima꞉ta꞉ mo kenkena꞉ alemanu pa꞉ta꞉ hone wopu na wiki wanda꞉hali leke hapa꞉peke. Do ekina꞉yeke loa꞉me. Do hande kenketa꞉ ame ula꞉ tupa꞉ pa na u halieke.

Pilipai 3:8

Koto alemanu homeke dia꞉ya꞉la꞉pate pa ya pu haowa꞉ hau paeyao tapaota꞉ ota꞉ pa alee hone witolome. Pa ekipeke. Mo ota꞉ titina꞉ hauta꞉ ya Tekehali Yesu Ketiso handuluekema꞉ yeke alome. I̱ta꞉ ipika꞉ e pokaasa꞉ hali homeke haluekema꞉ yeke ya pu haowa꞉ hau paeyao kiao baowa꞉me. Ketiso ya Tekehali haena꞉ ta꞉ma꞉ni pea haluekema꞉ yeke mo hande hau paeyaota꞉ pa mo pa tana baasa꞉ punku piki alemanue hone witolome.

1 Timodi 6:17

Mo kenke ala꞉ta꞉ ala꞉ta꞉na꞉ hamoko haseme wanda꞉hali pa꞉ta꞉ta꞉ dupiki pi la wia꞉peke. Ika꞉ hakoko na lu make mo a̱i̱ paelo pa꞉la꞉ kenke ale manuna꞉ hone na ti lao hao hapa꞉peke. Kotoeki na pikita꞉ niki ta꞉na꞉ma꞉ homomono epeke alemanu ku hala꞉ Koda꞉ pa꞉ta꞉ hone ti lao hapa꞉peke lapeke.

Dia꞉mesi 4:14

Belia a꞉nda꞉ epolo pa꞉la꞉ hauta꞉ iki hone na wilimime. Ika꞉ da꞉ta꞉la꞉ ekita꞉ ekipape. Ika꞉ haleme ekita꞉ mo hande koa a꞉pa pamba hosiki hao kila꞉pa pula꞉ tupa꞉ halememe.

1 Pida 1:24

Kota꞉ mo Baiboloma꞉ alota꞉ Wanda꞉hali paeyaota꞉ pa opa꞉la꞉ ambu tupa꞉ halememe. Kutupa ika꞉ au lo hala꞉ ekita꞉ ambuna꞉ moma opa꞉la꞉ tupa꞉ma꞉ handa꞉la꞉me. Mo ambu hapitolota꞉ ipika꞉ moma make alupilieke.

1 Dioni 2:17

Kutupa do kenke make do kenkena꞉ ula꞉ wanda꞉halina꞉ hone pa꞉la꞉ alemanu paeyao make koto alemanu paeyao sikita꞉ paeta꞉la꞉me. Pate ma꞉nda꞉ epima꞉ Koda꞉na꞉ hone pa꞉la꞉eki peaasa꞉ someta꞉ hoto paeyao da꞉ta hao halieke.