Aposolo 8:9 - Panake Pi La: Ula: Buka pita: Kine Pieke Buka

⁹ Kutu piekepate hali ma꞉nda꞉na꞉ bikita꞉ Saimonota꞉ oni da amba꞉ yopua hata꞉ ti̱o̱ haumanu moka꞉la꞉ hande hande pitolo hata꞉ mo Sametia wanda꞉halina꞉ leke mea opaaso hata꞉ta꞉ ipika꞉ kutu pita꞉la꞉ ekima꞉ Tieke halueke hone wiekeme.

Aposolo 8:9 Mawu Ofanana

Dioni 7:18

Hali epima꞉ ipika꞉ hone wia pi lea꞉ka꞉na꞉ta꞉ kota꞉ ipika꞉ biki kone a꞉meiyaasa꞉me. Koto pa꞉la꞉pate hali epima꞉ ipika꞉ biki kone na a꞉meiyaake ipiki tapaala꞉ halina꞉ biki a꞉meiyaluekema꞉ pia꞉ka꞉na꞉ta꞉ kota꞉ koto halita꞉ yayapiki hau pita꞉la꞉ hali dia꞉me. Ota꞉ hau pita꞉la꞉ halie.

Aposolo 13:6

Mo hoki paeyao pa꞉ta꞉ waloendi pu haota꞉ mo Peiposi da nane puaata꞉ ti̱o̱ hali homeke bikita꞉ Ba Yesu handepekeme. Ipikita꞉ Diu hali hata꞉ pa yayapiki potopede hayekeme.

Aposolo 13:8

Hali yaapo pepekepate mo ti̱o̱ hali Elimasima꞉ mo Kitiki pi laa koto ti̱o̱ halina꞉ bikita꞉ Elimasie ipikana꞉ma꞉ta꞉ Banabasi Solo yaapo sa꞉sa꞉ puluekema꞉ taapeekeme. Mo kapomanina꞉ you halima꞉ Tekehali pa꞉ta꞉ hone tulaasa꞉eki pao la꞉ka꞉la mina haena꞉ loluekema꞉ taapeekeme.

Aposolo 5:36

Amba꞉ta꞉ Teudasi tiaota꞉ ipika꞉ honema꞉ I̱ta꞉ hali tiekee hone wiekeme. Koto ekina꞉ 400 haliweki ipiki ame̱le̱ ta̱lemekeme. Kutupa haemekepate mo hande hali lieke handaata꞉ ipiki ame̱le̱ ta̱la̱ haemeke haliwekita꞉ ta꞉ta꞉ ta꞉ta꞉ pea tankulupu alu alu pea pulu hata꞉ ika꞉ tumiki haemekeeki alu piekeme.

Aposolo 8:11

Mo haliwekima꞉ta꞉ mo ti̱o̱ halima꞉ nate paeyao pia꞉tiki pieke ekima꞉ ika꞉ leke opo handake wia꞉tiki pitolo hata꞉ make ipika꞉ pi opua꞉tiki pimikime.

2 Desalonaika 2:4

Epea꞉ka꞉na꞉ta꞉ wanda꞉halina꞉ yeni hau pu haleme alemanu paeyao make Koda꞉na꞉ alemanu hone u haleme ekimanu sa꞉sa꞉ puluekema꞉ taapilieke. Ipikita꞉ do alo alemanu paeyaota꞉ oto nane yao manda halieke. Kutupa make Koda꞉na꞉ tembolo da pa꞉ta꞉ kone pua pita꞉ I̱ta꞉ Koda꞉ halome lo halieke.

2 Timodi 3:2

Koto paelia꞉ dina꞉ta꞉ wanda꞉halima꞉ do haumanu pu halimikie. Ikita꞉ I̱ I̱ alo hata꞉ make pasa꞉tei hau wopu pita꞉la꞉eki make hakoko liki pimanu lo make handaena꞉ honemanu u make yala꞉ peaaso hata꞉ make kikama꞉ handeke some ala꞉ hoke pimanu make lo halimikie. Kutaa make ateke inkikina꞉ kakena꞉ na homo make keiyae loluekema꞉ hone na u make yeni hau pita꞉la꞉ haumanu hone na wiki wanda꞉hali make halimikie.

2 Timodi 3:5

Ikana꞉ma꞉ mo Koda꞉ pa꞉ta꞉ yeni pita꞉la꞉ hauta꞉ pa pea꞉tiki pea꞉tiki pu halemepate mo yenina꞉ wele pita꞉la꞉ ekita꞉ hoki walaa kiaaso halememe. Kutu piki wanda꞉hali ame̱le̱ apa꞉tao na hapeke.

2 Pida 2:18

Ikana꞉ma꞉ta꞉ hakoko lia teke na wiki pimanu wepu halememe. Kutupa make mo hokeeki pa꞉ta꞉ haleme wanda꞉hali paka꞉lao poluekema꞉ kini piteleme wanda꞉hali tamuluekema꞉ta꞉ ika꞉ lokena꞉ na꞉na꞉ma꞉ homa꞉la꞉ ekima꞉ pu halememe.

Peneme Yaeyekeeki 22:15

Pate mo ata꞉ka꞉ peaaseme tapake make ti̱o̱ hau pu haleme tapake make pake nalo loke apa꞉taaseme tapake make honema꞉ kone hali lu homaaseme tapake make toopi ti wepia꞉ ula꞉ ale pa꞉ta꞉ yeni hau pu haleme tapake make yayapiki ekina꞉ ta꞉na꞉ma꞉ homa pu haleme tapake make paeyao sikita꞉ mo daoni tea꞉na꞉ hama꞉ nane halememe.