Aposolo 8:5 - Panake Pi La: Ula: Buka pita: Kine Pieke Buka

⁵ Pilipima꞉ mo Sametia daoni nane pua Ketisona꞉ pi mo wanda꞉hali pa꞉ta꞉ waleekeme.

Aposolo 8:5 Mawu Ofanana

Aposolo 1:8

Koto pa꞉la꞉pate ikita꞉ wele pita꞉la꞉eki milimikie leekeme. Mo Holi Sipitidi epea꞉ka꞉na꞉ta꞉ ikita꞉ yaka wekitisi haliweki Diutuseleme pa꞉ta꞉ make Sametia pa꞉ta꞉ make Diudia paeyao pa꞉ta꞉ make hama hama pea kenke honiki honiki paeyao pa꞉ta꞉manu make la halimikie leekeme.

Aposolo 21:8

Da ka꞉la꞉paota꞉ mina꞉pa꞉lao mo Sesatia da nane opolo puata꞉ kutupa hande pi walo haya꞉ hali Pilipina꞉ da pa꞉ta꞉ honda꞉ pamboma꞉me. Mo Diutuseleme da nane amba꞉ hande ma̱leke limi 7 dikoni haliweki kone homeketa꞉ ipikie.

Aposolo 5:42

Kutupa tembolo da pa꞉ta꞉ make wanda꞉halina꞉ da pa꞉ta꞉manu make mo haliwekima꞉ hande Yesuta꞉ ota꞉ Ketiso hala꞉me laa mo Pi Seliapo nate paeyao wala꞉tiki pu haemekeme.

Aposolo 6:5

Koto lemeke ekina꞉ mo Ketiso hali paeyao ta꞉na꞉ma꞉ wopu homa mimiki haliwekita꞉ Sidipeni Koda꞉na꞉ pi wopu miniki hata꞉ make Holi Sipitidima꞉ tumba hayeke halie. Kutupa Pilipi Polokotasi Nikano Timono Pamenasi Nikolasi make A꞉ndioko hali kone Diu haliwekina꞉ hau mieke halie.

Aposolo 8:1

Sidipeni limiki ekita꞉ Soloma꞉ lina꞉e hone wiekeme. Koto limiki pita꞉ kone mo Diutuseleme nane haemeke siosi wanda꞉halita꞉ tanda wotu mulu pimikieki kini pea mimikime. Kutu pieke handa Ketiso wanda꞉hali paeyaota꞉ mo Diudia Sametia koto potopinisi yaapo pa꞉ta꞉manu haloendi pimikipate mo aposolo haliwekita꞉ Diutuseleme nane pa ha pelia haemekeme.

Aposolo 8:26

Tekehalina꞉ enisoloma꞉ Pilipi pa꞉ta꞉ alota꞉ Tiao. Oni Diutuseleme kini pea Kasa nane pula꞉ pota꞉ teli mea pue leekeme. Koto pota꞉ta꞉ ota꞉ hapu hayeke ale tukiki pa꞉ta꞉ peeke pota꞉e.

Aposolo 8:30

Koto ekina꞉ Pilipi a̱i̱ya pua mo hali pa꞉ta꞉ peekepate mo halima꞉ mo Aisayama꞉ wape pa꞉la꞉ buka yata꞉polo pitiekeeki opua alota꞉ Naka꞉ koto yata꞉pele ekita꞉ hone witelepe leekeme.

Aposolo 8:40

Kutu piekepate Pilipita꞉ A꞉sidoti da pa꞉ta꞉ hao pulu hata꞉ mandane damanu pa꞉ta꞉ mo Pi Seliapo waloma꞉ waloma꞉ putialo hata꞉ Sesatia nane peekeme.

Aposolo 8:6

Kutupa mo wanda꞉halima꞉ ipikana꞉ma꞉ leeke pi opuaata꞉ ipika꞉ wele pieke ekimanu hando pitolo hata꞉ta꞉ pea꞉ma꞉ homeke hone witolo hata꞉ Pilipima꞉ leeke pi opimikime.

Aposolo 9:20

Ipikana꞉ma꞉ koto kone Yesu Ketisona꞉ pi mo pi hotu haemeke da pa꞉ta꞉ walolo hata꞉ alota꞉ Yesuta꞉ Koda꞉na꞉ Eiyekee leekeme.

1 Kotindi 1:23

Kutu pelemepateta꞉ nikana꞉ma꞉ hande a꞉ka꞉tei wape piki tina꞉ Ketiso endiaemekeme laa pi walo haloma꞉me. Do waloma꞉ pina꞉ta꞉ mo Diu wanda꞉halima꞉ta꞉ ya handa꞉olu bepi pu halememe. Kutupa mo Kitiki wanda꞉halima꞉ta꞉ Pa ekie lo halememe.

1 Kotindi 2:2

Kutupa iki ame̱le̱ hata꞉ hone dupa ua꞉me. Mo ala꞉ta꞉ ala꞉ta꞉ paeyao hone yonka꞉laaso hata꞉ pa mo Yesu Ketiso pita꞉ mo hande ipiki a꞉ka꞉tei wape piki tina꞉ endiaemekeeki yaapo homeke waluekema꞉ hone witolo hata꞉ haowa꞉me.

1 Kotindi 3:11

Do alo pita꞉ do ekina꞉yeke loa꞉me. Mo hande da pinkimanu nokopa꞉la꞉ ekita꞉ Koda꞉ma꞉ Yesu Ketiso homeke amba꞉ mea haena꞉ la꞉la꞉me. Kutupa mandane pinki manuta꞉ noka꞉pea꞉peke na ya꞉la꞉me.