Aposolo 8:1 - Panake Pi La: Ula: Buka pita: Kine Pieke Buka

¹ Sidipeni limiki ekita꞉ Soloma꞉ lina꞉e hone wiekeme. Koto limiki pita꞉ kone mo Diutuseleme nane haemeke siosi wanda꞉halita꞉ tanda wotu mulu pimikieki kini pea mimikime. Kutu pieke handa Ketiso wanda꞉hali paeyaota꞉ mo Diudia Sametia koto potopinisi yaapo pa꞉ta꞉manu haloendi pimikipate mo aposolo haliwekita꞉ Diutuseleme nane pa ha pelia haemekeme.

Aposolo 8:1 Mawu Ofanana

Ma꞉tiu 22:6

Kutaa make mandane haliwekima꞉ta꞉ mo hande tapaeyeke haliweki da꞉ka꞉pa꞉ minaata꞉ luma꞉ luma꞉ pimikime.

Ma꞉tiu 23:34

Koto ekina꞉ta꞉ I̱ma꞉ iki pa꞉ta꞉ dupiki pi alome. I̱ma꞉ta꞉ mo mandane potopede haliweki make mandane hone wotu ula꞉ haliweki make mo yaka pi wala꞉la꞉ haliwekimanu make iki ame̱le̱ haena꞉ tapaalo polopate mandane haliwekita꞉ ikana꞉ma꞉ lu bao make mandane haliwekita꞉ a꞉ka꞉tei wapepiki tina꞉ lu endialimikie. Kutaata꞉ mandane haliwekita꞉ mo ika꞉ yeni pu haleme da tukiki pa꞉ta꞉ hata꞉ yombua baalimikie. Kutupa mandane haliwekita꞉ da teke homeke pa꞉ta꞉ yokaata꞉ da teke ma꞉nda꞉ pa꞉ta꞉ yoka pa꞉na꞉ tolu lia꞉tiki pilimikie.

Ma꞉tiu 5:13

Ikita꞉ do kenke wanda꞉halina꞉ epi halememe. Koto pelemepate mo epina꞉ tende pa꞉la꞉eki a꞉nda꞉ alu pia꞉ka꞉na꞉ta꞉ kota꞉ ikana꞉ma꞉ mo epina꞉ tende paa peaapeke na ya꞉la꞉me. Mo tende alu pa꞉la꞉ epita꞉ pa alema꞉ handa꞉la꞉me. Kutu pia꞉ka꞉na꞉ta꞉ bao wanda꞉hali ankema꞉ tumba tumba pea pomu halimikie.

Dioni 15:20

I̱ma꞉ alo pina꞉ hone wia꞉pa꞉peke. E pokaasa꞉ halima꞉ta꞉ ipika꞉ teke hali na ankulalieke laa loa꞉me. I̱ pa꞉ta꞉ a꞉nda꞉ lilimi ekima꞉ta꞉ iki pa꞉ta꞉ make a꞉nda꞉ lilimikie. I̱ma꞉ walolo pi opueleme ekima꞉ta꞉ ikana꞉ma꞉ walo pelemeeki make opilimikie.

Dioni 16:2

Mo hande pi hotu haleme da pa꞉ta꞉manu iki poemena꞉yeke iki yokilimikie. Kutupa wetepena꞉ mandane haliwekima꞉ta꞉ iki litolo hata꞉ta꞉ Koda꞉na꞉ e pokaasoma꞉me laa hone wilimikie.

Aposolo 1:8

Koto pa꞉la꞉pate ikita꞉ wele pita꞉la꞉eki milimikie leekeme. Mo Holi Sipitidi epea꞉ka꞉na꞉ta꞉ ikita꞉ yaka wekitisi haliweki Diutuseleme pa꞉ta꞉ make Sametia pa꞉ta꞉ make Diudia paeyao pa꞉ta꞉ make hama hama pea kenke honiki honiki paeyao pa꞉ta꞉manu make la halimikie leekeme.

Aposolo 13:1

Mo A꞉ndioko siosi tapake pa꞉ta꞉ mandane potopede haliweki make pi walo haemeke haliweki make haemekeme. Koda꞉na꞉ pi lao hayeke Banabasi make Simioni biki ma꞉nda꞉ Naidia make Saitini hali Lusiasi make hande you hali Hetodina꞉ yankeke hali homeke Maneini make Solo make haemekeme.

Aposolo 13:36

Deipidi ipika꞉ hayeke pita꞉ta꞉ Koda꞉na꞉ hone pa꞉la꞉ ekimanu pia꞉tiki pu hao wetepena꞉ homeekeme. Ipika꞉ apa꞉mei ameda lapa꞉ pimiki alena꞉ ipiki make koto pa꞉ta꞉ lapa꞉ pimikipate ipika꞉ loke make tandepeekeme.

Aposolo 2:47

Koda꞉na꞉ pi laaso hata꞉ kutu pimikime. Kutupa wanda꞉hali paeyaoma꞉ make iki pa꞉ta꞉ ta꞉na꞉ma꞉ homa꞉tiki pimikime. Koto ekina꞉ nate paeyao Tekehalima꞉ mo da꞉taena꞉yeke pi mimiki wanda꞉hali iki ame̱le̱ haena꞉yeke mea ta꞉ma꞉ni peao haena꞉ la꞉tiki piekeme.

Aposolo 22:20

Kutupa naka꞉ la halawaeya꞉ hali Sidipenina꞉ we lopaeme pita꞉ I̱ make koto pa꞉ta꞉ hata꞉ I̱ma꞉ make a꞉pa꞉la꞉me lipe laa ipiki limi haliwekina꞉ daumanu miniki haowa꞉me loa꞉me.

Aposolo 26:10

Diutuseleme da pa꞉ta꞉ kutu pua꞉me. Mo yeni peao haleme you haliwekima꞉ pea꞉peke lemeke handaata꞉ I̱ma꞉ mo Koda꞉na꞉ yakopiki wanda꞉hali woputa꞉ dipula homeke na pitaake ota꞉ litolo haena꞉ make I̱ma꞉ make kiki mea a꞉meiyaowa꞉me lea꞉me.

Aposolo 5:18

Kutupa mo aposolo haliweki da꞉ka꞉pa꞉ minina꞉ laata꞉ dipula mea lopaemekeme.

Aposolo 5:20

Mo tembolo da tukiki pa꞉ta꞉ honda꞉ pamba pua hata꞉ do panake da꞉ta꞉la꞉ pi wanda꞉halima꞉ opina꞉ wala꞉pa꞉peke leekeme.

Aposolo 5:33

Koto lemekeeki ka̱le̱sete haliwekima꞉ opuaata꞉ mineke wotu pankolo hata꞉ mo aposolo haliweki lia homaalumeke hone wimikipate

Aposolo 5:40

Mo aposolo haliweki epena꞉ wi la꞉ mepi peaata꞉ yombua bao alota꞉ Pa hoto ma꞉nda꞉ a꞉nda꞉ Yesuna꞉ bikina꞉ pi ma꞉nda꞉ na lapa꞉peke laa ta꞉e ta꞉e lo laata꞉ pao da tapaemekeme.

Aposolo 7:38

Ipiki make mo Isulai wanda꞉hali ame̱le̱ mo hapu hayeke alena꞉ momba꞉la haemekeme. Ipikita꞉ nika꞉ apa꞉mei ameda ame̱le̱ koto pa꞉ta꞉ hayeke halie. Mo Sainai Pote pa꞉ta꞉ hande ipiki pa꞉ta꞉ pi leeke enisolo yaapo hayeke halie. Koda꞉ma꞉ ipika꞉ da꞉ta꞉la꞉ pi niki pa꞉ta꞉ la kina꞉yeke Koda꞉ma꞉ ipiki pa꞉ta꞉ la haleekeme.

Aposolo 7:54

Koto leekeeki opua mo haliwekima꞉ ipiki pa꞉ta꞉ soka꞉la꞉ma꞉ wotu homolo hata꞉ kake noka꞉pa haemekepate

Aposolo 7:58

da mina꞉pa꞉lao pua toopima꞉ limikime. Kutupa mo wekitisi haliwekina꞉ dau manuta꞉ wekihali ma꞉nda꞉ bikita꞉ Solo koto halina꞉ anke teke pa꞉ta꞉ holo pambaata꞉

Aposolo 8:14

Kutupa mo Diutuseleme da haemeke aposolo haliwekima꞉ Sametia wanda꞉halima꞉ Koda꞉na꞉ pi mineleme pi opu haota꞉ Pida Dioni yaapo pupa꞉ laa tapaemekeme.

Aposolo 8:2

Koda꞉ pa꞉ta꞉ panda꞉puniao yeni pu haemeke mandane haliwekima꞉ Sidipeni toko mea pua hoitolo hata꞉ e̱ tieke lemekeme.

Aposolo 8:4

Koto ekina꞉ mo hande pindipa ta꞉ta꞉ ta꞉ta꞉ pea pemeke wanda꞉halima꞉ mo hande Koda꞉na꞉ Pi Seliapo latia tia pomimikime.

Aposolo 8:5

Pilipima꞉ mo Sametia daoni nane pua Ketisona꞉ pi mo wanda꞉hali pa꞉ta꞉ waleekeme.

Aposolo 9:31

Kutu pieketa꞉ mo Diudia nane make Ka꞉lili nane make Sametia nane make koto kenke paeyao pa꞉ta꞉ haemeke siosi wanda꞉halita꞉ a꞉nda꞉ pelia haemekeme. Koto siosi wanda꞉halita꞉ Holi Sipitidima꞉ tamba꞉ minolo haena꞉ honkopu hao hata꞉ daeyatiki pimikime. Tekehali pa꞉ta꞉ panda꞉puniao hata꞉ pimikime.

Loma꞉ 1:32

Koda꞉na꞉ pi ula꞉ ekima꞉ alota꞉ Mo kutu piki haumanu pu haleme wanda꞉halita꞉ homa꞉la꞉eki mea꞉pa꞉peke ya꞉la꞉me laa la꞉la꞉me. Koto la꞉la꞉ pi mo wanda꞉halima꞉ opitelemepate ika꞉ hande hoke ekimanu paa pia꞉tiki pu hao kutupa make mandane wanda꞉halima꞉ koto hande hoke ekimanu pimika꞉na꞉ta꞉ a꞉pa꞉la꞉ma꞉ pa pipe laa lo halememe.

Pilipai 1:12

Ya Ketiso yankeke tonuo I̱ma꞉ ya hone pa꞉la꞉ ekita꞉ iki paeyaoma꞉ mo hande I̱ pa꞉ta꞉ a꞉pa pia꞉ ekimanu hone uemena꞉e. Koto hande hau manuma꞉ta꞉ mo Koda꞉na꞉ Pi Seliapo sa꞉sa꞉ na pita꞉la꞉pate ota꞉ kende tupa꞉ wina꞉ ala꞉me.

Hibulu 11:27

Mosesima꞉ ipika꞉ hone tulao hayeke ekima꞉ta꞉ mo kini halina꞉ mineke pankekeeki pa꞉ta꞉ paala꞉ma꞉ na homeke Idiepi kenke mina꞉pa꞉layekeme. Ipikana꞉ma꞉ mo handa꞉peke na yeke Koda꞉ handeke nono pea pa hone ma꞉nda꞉ na wiki da̱o̱la hayekeme.