Aposolo 7:51 - Panake Pi La: Ula: Buka pita: Kine Pieke Buka

⁵¹ Iki make hoi pea hao haleme haliwekio. Ika꞉ puki manuta꞉ pi na opita꞉la꞉ wanda꞉halina꞉ pukima꞉ handelememe. Koda꞉na꞉ pi ale opua꞉peke ekita꞉ katake pokeeke hali leke hao halememe. Hande ika꞉ apa꞉mei amedama꞉ mo Holi Sipitidi kiayeke tupa꞉ ikana꞉ma꞉ make kiatiki pitelememe.

Aposolo 7:51 Mawu Ofanana

Aposolo 6:10

Kutu pimikipate Holi Sipitidima꞉ wele peaaso haena꞉ ipika꞉ hone epekeeki wia hata꞉ pi la꞉tiki pieke ekita꞉ ma꞉nda꞉ma꞉ bepolaapeke na yekeme.

Aposolo 7:27

Koto leekepate mo hali ma꞉nda꞉ yumbieke halima꞉ Mosesi pendulu baaso alota꞉ Neketa꞉ nika꞉ you hali hata꞉ pi yokaalu peaalo pa꞉la꞉ halita꞉ epima꞉ neke mea haena꞉ lea꞉pe.

Aposolo 7:35

Hande Isulai wanda꞉halima꞉ta꞉ Mosesi kiaemekeme. Neketa꞉ nika꞉ you hali hata꞉ pi yokaalu peaalo pa꞉la꞉ hali halena꞉ neketa꞉ epima꞉ mea haena꞉ lea꞉pe laa lota꞉ pimikime. Koto hali koneta꞉ you hali hata꞉ tamba꞉ mina꞉la꞉ hali haena꞉ Koda꞉ma꞉ mea tapaeyekeme. Mo enisoloma꞉ handeteke haena꞉ Koda꞉ma꞉ tapaeyekeme. Hande ti to hayeke ale pa꞉ta꞉ hata꞉ Mosesi pa꞉ta꞉ peneme yao waleeke ekima꞉ tapaaso piekeme.

Aposolo 7:39

Kutu piekepate nika꞉ apa꞉mei amedama꞉ Mosesima꞉ leeke pi opua꞉peke ekita꞉ kiaemekeme. Idiepi nane paa la꞉ka꞉la polumeke hone witolo hata꞉ Mosesi pa nane pendilaemekeme.

Aposolo 7:9

Mo hande tapake tapake kini pieke haliwekima꞉ta꞉ Diosepe pa꞉ta꞉ honditi pitolo hata꞉ ipikita꞉ Idiepi nane hata꞉ pa hameke e pokaasa꞉ hali halo pena꞉yeke mani muluekema꞉ ma꞉nda꞉ma꞉ hambena꞉ lemekeme. Kutu pimikipate Koda꞉ ipiki yaapo hata꞉ta꞉

Loma꞉ 2:25

Nakana꞉ma꞉ta꞉ hande Lo Pimanu opua miniki hata꞉ pu haeka꞉na꞉ta꞉ kota꞉ naka꞉ sekemesaisi hau peaala꞉ ekita꞉ a꞉pa꞉la꞉pate pa nakana꞉ma꞉ hande Lo Pimanu opua na pu haeka꞉na꞉ta꞉ kota꞉ naka꞉ sekemesaisi hau peaala꞉ ekita꞉ pa ekie.

Epesese 4:30

Koda꞉ ipika꞉ Holi Sipitidi make ka꞉nda꞉ma꞉ na homaapa꞉peke. Do ekina꞉yeke loa꞉me. Koda꞉ma꞉ iki ota꞉ ka꞉la꞉pa꞉ tapaaluekema꞉ ipikana꞉ma꞉ mo Holi Sipitidi pitaala꞉ ekima꞉ tombo amba꞉ wiaala꞉me.

Pilipai 3:3

Mo hau pu haleme haliweki dia꞉ya꞉la꞉ pateta꞉ nikita꞉ mo ota꞉ sekemesaisi hauta꞉ mea haloma꞉me. Pa ekipape. Nikita꞉ Koda꞉na꞉ yakopiki temokoma꞉ tamba꞉ minolo haena꞉ Koda꞉ pa꞉ta꞉ yeni pu haloma꞉me. Kutupata꞉ Yesu Ketiso pa꞉ta꞉ tunao hata꞉ paleke na hao haloma꞉me. Kutupa make mo nika꞉ manda loke nina꞉ peaaseme haumanu pa꞉ta꞉ hone ota꞉ homeke a꞉nda꞉ ti lao na haloma꞉me.

Kolosi 2:11

Ketiso yaapo tunaaleme ekima꞉ta꞉ ikita꞉ sekemesaisi hau pelememe. Kenke halima꞉ peaasa꞉ sekemesaisi hauna꞉ dia꞉ya꞉la꞉pate pa Ketisoma꞉ peala꞉ sekemesaisi haue. Koto hauta꞉ mo niki tukiki pa꞉ta꞉ ula꞉ hoke hau teke yoko baasa꞉ haue.