Aposolo 7:5 - Panake Pi La: Ula: Buka pita: Kine Pieke Buka

⁵ Koto pita꞉ta꞉ Koda꞉ma꞉ Eipoloha꞉ma꞉ ota꞉ ipika꞉ kenke wina꞉yeke kenke hosiki alesiki kone ma꞉nda꞉ na haleekepate Koda꞉ma꞉ pi la꞉ witolo Eipoloha꞉ma꞉ pa꞉ta꞉ make ipika꞉ hoki nane hatiki polo peleme wanda꞉hali pa꞉ta꞉ make ota꞉ kulueke laa leekeme. Koda꞉ma꞉ do pi la꞉ wieke natena꞉ta꞉ Eipoloha꞉ma꞉ma꞉ta꞉ weki ma꞉nda꞉ make na mendiki hayeke dina꞉ leekeme.

Aposolo 7:5 Mawu Ofanana

Kini Pieke 12:7

Mo Tekehalima꞉ Eipola꞉ma꞉ pa꞉ta꞉ opolo a꞉pa alota꞉ Do kenke tieke paeyaota꞉ I̱ma꞉ naka꞉ monduma꞉ monduma꞉ pilipi wekiwandikina꞉ wekiwandiki pa꞉ta꞉ halo polo kenkee leekeme. Kutu piekena꞉ Eipola꞉ma꞉ma꞉ta꞉ mo ipiki pa꞉ta꞉ opolo peeke Tekehali Koda꞉ pa꞉ta꞉ koto pate oloda a꞉eyekeme.

Kini Pieke 13:15

Koto handeleeki paeyaota꞉ neke pa꞉ta꞉ make naka꞉ monduma꞉ monduma꞉ pilipi wanda꞉wekina꞉ wanda꞉weki pa꞉ta꞉ make I̱ma꞉ kulu polo kenkee. Kutupa koto kenketa꞉ hoto paeyao naka꞉eki utia pu halieke.

Kini Pieke 15:18

Kutupa koto pate koneta꞉ Tekehalima꞉ Eipola꞉ma꞉ yaapo pi la꞉ witolo alota꞉ I̱ma꞉ do yata꞉polo kenke paeyaota꞉ naka꞉ monduma꞉ monduma꞉ pilipi wekiwandikina꞉ wekiwandiki pa꞉ta꞉ halueke laa pi la꞉ witolome. Oni Idiepi yu tombona꞉ kini pea pua mo Yupoteitisi ikali puata꞉

Kini Pieke 16:2

Koto ekina꞉ Sa꞉taima꞉ Eipola꞉ma꞉ pa꞉ta꞉ alota꞉ Mo Tekehalima꞉ I̱ weki na mendiono ala꞉ ekina꞉ mo yaka pa hameke e pokaasa꞉ wandiki yaapo pelia꞉peke na ya꞉la꞉pe. Kutu pika꞉na꞉ta꞉ ipikana꞉ma꞉ yaka weki mendiaena꞉ loa꞉me leekeme. Koto leeke Eipola꞉ma꞉ma꞉ta꞉ Sa꞉taima꞉ leeke pina꞉ta꞉ a꞉pa꞉la꞉me leekeme.

Kini Pieke 17:8

Ame do neketa꞉ da ma꞉nda꞉ hali leke hale kenketa꞉ neke pa꞉ta꞉ make kia naka꞉ monduma꞉ monduma꞉ pilipi wekiwandikina꞉ wekiwandiki pa꞉ta꞉ make halueke. Do Keinani kenke paeyaota꞉ naka꞉ monduma꞉ monduma꞉ pilipi wekiwandikina꞉ wekiwandiki pa꞉ta꞉ ota꞉ hoto paeyao ika꞉ ekie la halaata꞉ I̱ta꞉ ika꞉ Koda꞉ halueke.

Kini Pieke 23:4

I̱ta꞉ da ma꞉nda꞉ hali kone iki ame̱le̱ mandakena꞉ do haloma꞉ma꞉ yaka wanda꞉ hoilu polo kenke ma꞉nda꞉ hambono tapapee leekeme.

Kini Pieke 26:3

I̱ma꞉ neke yaapo hata꞉ neke epealuekema꞉ do pate hapeke. I̱ma꞉ta꞉ do kenke paeyaota꞉ neke pa꞉ta꞉ make kia naka꞉ monduma꞉ monduma꞉ pilipi wekiwandikina꞉ wekiwandiki pa꞉ta꞉ make halueke. Kutupa I̱ma꞉ta꞉ naka꞉ apa꞉ Eipoloha꞉ma꞉ yaapo la꞉ upa꞉ pita꞉ paa wilieke.