Aposolo 6:3 - Panake Pi La: Ula: Buka pita: Kine Pieke Buka

³ Koto ekina꞉ kame titio. Hali paeyao watake hata꞉ hali Holi Sipitidima꞉ tumbula꞉ hali hone wopu u hala꞉ hali kutupa koto hali manuma꞉ do ne telipatiki pina꞉ mimika꞉na꞉ta꞉ nikana꞉ma꞉ mea haena꞉ lolumeke lemekeme.

Aposolo 6:3 Mawu Ofanana

Ma꞉tiu 23:8

Mo haliwekima꞉ta꞉ kutu pu halemepate pa ikana꞉ma꞉ta꞉ wanda꞉halima꞉ iki pa꞉ta꞉ Disao pi na lena꞉ lapa꞉peke. Pa ekipeke. Ika꞉ Disata꞉ homeke haena꞉ iki paeyaota꞉ hama̱la̱꞉ hama̱la̱꞉ halememe loa꞉me.

Dioni 21:23

Koto leeke ekina꞉ Yesuna꞉ hoki nane telimiki haliwekima꞉ dupiki pi lo haemekeme. Mo hande disaipolo halita꞉ na homilieke laa lo haemekepate Yesuma꞉ mo hande hali na homilieke pi na leke ipikana꞉ma꞉ alota꞉ Do halita꞉ pa hatiki puoopu hao I̱ paa eponoyeke ya hone wia loa꞉ka꞉na꞉ta꞉ kota꞉ naka꞉eki dia꞉me leekeme.

Aposolo 1:15

Yeni pu pitaata꞉ pa hosiki hao hao peaata꞉ mo Ketisona꞉ pi mina꞉la꞉ wanda꞉halima꞉ pi hotuluekema꞉ mombelemekeme. Iki paeyaota꞉ 120 wanda꞉hali tupa꞉ momba꞉la pitina꞉ Pidama꞉ pi loluekema꞉ tiaeyekeme.

Aposolo 1:21

Koto ekina꞉ta꞉ hali ma꞉nda꞉ta꞉ niki ame̱le̱ ta꞉ma꞉ni pea haluekema꞉ mo Tekehali Yesu paa mea tiaeya꞉eki handea꞉ hali kone ana꞉ pa꞉la꞉me. Koto halita꞉ niki ame̱le̱ hata꞉ hoto paeyao Tekehali Yesu ame̱le̱ mandakena꞉ pomu haoma꞉ halie. Hande Dionima꞉ bapitaisi hau walea꞉ dina꞉ kini pu mea a꞉pa Yesu niki ame̱le̱ mandakena꞉ hamono kone ipiki hatuku mea hepeni nane a꞉meiyeke handoma꞉ pita꞉ pomu haoma꞉ hali koto hali homeke ma꞉nda꞉ta꞉ ana꞉ pa꞉la꞉me leekeme.

Aposolo 10:22

Mo haliwekima꞉ alota꞉ Koniliesita꞉ ami opisa epeke halima꞉ tapaeya꞉me laa ipikana꞉ma꞉ Koda꞉ pa꞉ta꞉ paala꞉ma꞉ homa꞉la꞉ halie laata꞉ Diu wanda꞉hali paeyaoma꞉ epeke pi lo hala꞉ halie. Kutupa Koda꞉na꞉ yako piki enisolo homekema꞉ leeke handa naka꞉ pimanu tonka꞉na꞉ opuluekema꞉ neke handa꞉ mulu pupe leeke handa ipuluma꞉me lemekeme.

Aposolo 15:23

Kutupa do wapeta꞉ mo haliwekima꞉ mea pena꞉ lemekeme. Koto pase tukiki pa꞉ta꞉ do pi wiekeme. Nikita꞉ aposolo haliwekima꞉ mo siosina꞉ handeteke haloma꞉ tondiki haliwekima꞉ tonka꞉na꞉ ika꞉ kametonu hata꞉ do wapema꞉ nika꞉ oli A꞉ndioko Sitia Silisia nane haleme Diendaili kametiti pa꞉ta꞉ keiyae aloma꞉me.

Aposolo 16:2

Mo Lisita Aikoniomo da yaapona꞉ Ketiso wanda꞉halima꞉ Timodi ipika꞉ pi lao haemekeme.

Aposolo 2:4

Kutupa mo Holi Sipitidima꞉ iki paeyao tumba pitina꞉ mo wanda꞉hali paeyaoma꞉ pi ta꞉ta꞉ ta꞉ta꞉ lena꞉ leekeme.

Aposolo 22:12

Kutupa hali ma꞉nda꞉ A꞉na꞉naisita꞉ hande Lo Pimanu wotu opu hayeke hali make koto pa꞉ta꞉ haemeke Diu haliweki paeyaoma꞉ ipika꞉ pi lao hatiki pimiki hali I̱ pa꞉ta꞉ epoa꞉me.

Aposolo 28:14

Koto pa꞉ta꞉ mandane Ketiso tapake wanda꞉hali handa꞉ uma꞉pate pula homekena꞉ niki ame̱le̱ hamana꞉e laa honke lememe. Koto ekina꞉ puata꞉ Loma꞉ da pa꞉ta꞉ opolo poma꞉me.

Aposolo 6:2

Mo 12 haliwekima꞉ mo Ketiso haliweki paeyao wi la alota꞉ Nikana꞉ma꞉ Koda꞉na꞉ pi waloloma꞉eki mina꞉pa꞉lao ne telipaoma꞉ka꞉na꞉ta꞉ ana꞉ na pa꞉la꞉me lemekeme.

Aposolo 6:5

Koto lemeke ekina꞉ mo Ketiso hali paeyao ta꞉na꞉ma꞉ wopu homa mimiki haliwekita꞉ Sidipeni Koda꞉na꞉ pi wopu miniki hata꞉ make Holi Sipitidima꞉ tumba hayeke halie. Kutupa Pilipi Polokotasi Nikano Timono Pamenasi Nikolasi make A꞉ndioko hali kone Diu haliwekina꞉ hau mieke halie.

Aposolo 6:6

Do haliwekita꞉ hatuku pua mo aposolo haliwekina꞉ leke popelekena꞉ a꞉pa yeni pitolo hata꞉ ika꞉ kiki mo haliwekina꞉ youna꞉ wimikime.

Aposolo 9:30

Mo hameke titima꞉ kotoeki opu haota꞉ Solota꞉ Sesatia nane hatuku pua Tasa꞉si nane pena꞉ tapaemekeme.

1 Kotindi 12:8

Hande Sipitidima꞉ hali homeke pa꞉ta꞉ epeke hone wiki pi ala꞉eki halolo hata꞉ mo homeke Sipitidima꞉ kone hali ma꞉nda꞉ pa꞉ta꞉ make epeke handaasa꞉eki hala꞉la꞉me.

1 Kotindi 16:3

I̱ opolo epoa꞉ka꞉na꞉ta꞉ mo ikana꞉ma꞉ tiki tiki yao wimi manita꞉ mo talopu mea haena꞉ leleme haliwekima꞉ta꞉ Diutuseleme nane mea puaena꞉yeke I̱ma꞉ pasemanu wape pea halaata꞉ tapaalueke.

Epesese 5:18

Kutupa hoke ikali naa keaasa꞉ ekima꞉ iki hoeyaapa꞉na꞉ kotoeki na piki Koda꞉na꞉ Holi Sipitidima꞉ iki tumbaatiki pita꞉la꞉eki muemena꞉ ota꞉ pea꞉pa꞉peke.

1 Timodi 5:10

wanda꞉halima꞉ epeke hau pia꞉ wanda꞉e aleme wanda꞉ make ipika꞉ wekiwandiki epeke tupa꞉ handeteke haya꞉ wanda꞉ make na handeke da ma꞉nda꞉ wanda꞉hali epemeke handa꞉mea wamo pia꞉tiki pieke wanda꞉ make Ketiso yankeketonu oto nane hata꞉ tamba꞉ mieke wanda꞉ make ka꞉nda꞉ mina꞉la꞉ wanda꞉hali petelea꞉ wanda꞉ make epeke haumanu puluekema꞉ hone wopu u hayeke wanda꞉ make kosa꞉piki wanda꞉ homekema꞉ koto hau paeyao tonka꞉na꞉ apa꞉tao pea꞉tiki pieki handemeka꞉na꞉ta꞉ kota꞉ ipika꞉ biki wape pea꞉peke.

Dia꞉mesi 1:17

Mo epeke tupa꞉ kita꞉la꞉ ekimanu paeyao make mo epeke alemanu kita꞉la꞉eki paeyao make oli hepeni nanema꞉ ipulu hata꞉ pita꞉la꞉me. Hande ya nane haleme pa̱a̱ piki ale manuna꞉ Ateke pa꞉ta꞉ hola꞉pa꞉niao ipulu hata꞉ pita꞉la꞉me. Ipikana꞉ma꞉ hau ta꞉ta꞉ ta꞉ta꞉ pikieki topo na pealieke. Kutupa paa la꞉ka꞉lea꞉ka꞉na꞉ta꞉ tu na pilieke.

3 Dioni 1:12

Paeyaoma꞉ta꞉ Dimiditiasita꞉ a꞉pa꞉la꞉me lo halememe. Ipikita꞉ Koda꞉na꞉ ota꞉ pima꞉ kone a꞉pa꞉la꞉me lo hala꞉me. Kutupa nikana꞉ma꞉ make homeke pi kone lo haloma꞉me. Kutupa nakana꞉ma꞉ta꞉ nikana꞉ma꞉ aloma꞉ ekita꞉ ota꞉ ekie hone wilime.