Aposolo 5:4 - Panake Pi La: Ula: Buka pita: Kine Pieke Buka

⁴ Amba꞉ nakana꞉ma꞉ wia hae dina꞉ta꞉ naka꞉eki na yekepe leekeme. Kutupa mo hambena꞉ le dina꞉ make mo manita꞉ naka꞉ honkopuna꞉ kone na pelepe leekeme. Nakana꞉ma꞉ hali pa꞉ta꞉ yayapiki hau na pelepate Koda꞉ pa꞉ta꞉ kone peleme. Do hauta꞉ ekipa handa꞉ wia pelepe leekeme.

Aposolo 5:4 Mawu Ofanana

Luku 10:16

Yesuma꞉ ipika꞉ disaipolo haliweki pa꞉ta꞉ alota꞉ Ma꞉nda꞉ epima꞉ ika꞉ pi opia꞉ka꞉na꞉ta꞉ kota꞉ yaka pi kone opita꞉la꞉me. Ma꞉nda꞉ epima꞉ iki kiaeya꞉ka꞉na꞉ta꞉ ota꞉ I̱ kone kiaasa꞉me. Kutupa make hali epima꞉ I̱ kiaeya꞉ka꞉na꞉ta꞉ mo I̱ tapaeya꞉ hali kone kiaasa꞉me leekeme.

Aposolo 5:3

Kutu piekepate Pidama꞉ alota꞉ A꞉na꞉naisio. Ekipeke Holi Sipitidi pa꞉ta꞉ yayapiki pi alepe leekeme. Sadani naka꞉ you pa꞉ta꞉ a꞉pa pita꞉ka꞉na꞉ mo naka꞉ kenkena꞉ mele manita꞉ pa ekipeke mandaneeki panka꞉ wina꞉ laa pipe leekeme.

Aposolo 5:9

Pidama꞉ mo wanda꞉ pa꞉ta꞉ alota꞉ Ipiliki yaapoma꞉ ipilika꞉ honema꞉ mo Tekehalina꞉ Holi Sipitidi pa꞉ta꞉ hoke hone mea wialuekema꞉ ekipeke pipipe leekeme. Handa꞉e. Naka꞉ haliki mea hoilu pa꞉la꞉ haliwekita꞉ neke mea hoilu puluekema꞉ amba꞉ do pota꞉ kake pa꞉ta꞉ do a꞉pa haleme handa꞉e leekeme.

1 Kotindi 8:8

Koto tupa꞉ hone witelemepate pa mo ne naloma꞉ ekima꞉ta꞉ niki hatuku Koda꞉ teke pa꞉ta꞉ pu hamono lapeke na ya꞉la꞉me. Kutupa mo ne na neke haoma꞉ka꞉na꞉ta꞉ kota꞉ koto ekima꞉ nika꞉ hau ma꞉nda꞉ yonka꞉lamono alu na pealieke. Kutupa ne nolo poloma꞉ ekima꞉ make mandane haumanu apa꞉tao na mulumeke.

1 Desalonaika 4:8

Koto ekina꞉ta꞉ hali epima꞉ do walolo pi kiaeya꞉ka꞉na꞉ta꞉ kota꞉ koto somema꞉ mo kenke hali na kiaasa꞉pate hande Holi Sipitidi ku hala꞉ Koda꞉ kone kiaaso pila꞉me.

Pailimono 1:14

Kotota꞉ ya hone pa꞉la꞉eki ya꞉la꞉pate nakana꞉ma꞉ I̱ tamba꞉ muelena꞉ yeke ti wopu na lolueke. Pa nakana꞉ma꞉ naka꞉ hone pa꞉la꞉ tupa꞉ puelena꞉ yeke waleke kitolo yu wia halome. Pa naka꞉ hone pa꞉la꞉eki na handeke hata꞉ I̱ma꞉ hau ma꞉nda꞉ na pulueke.

Dia꞉mesi 1:15

Pa wanda꞉wekina꞉ weleke pa꞉ta꞉ weki pitao mendia꞉la꞉ tupa꞉ hande ipika꞉ hoke hone pa꞉la꞉eki pia꞉ka꞉na꞉ta꞉ kota꞉ hoke hau pita꞉la꞉me. Kutupa mo weki daeta꞉la꞉ tupa꞉ mo hoke hau pita꞉la꞉eki daeyatia puaata꞉ hande some ota꞉ homaalieke.