Aposolo 5:12 - Panake Pi La: Ula: Buka pita: Kine Pieke Buka

¹² Mo aposolo haliwekima꞉ wanda꞉hali pa꞉ta꞉ na hando haemeke ekimanu wotu pimikime. Kutupa paeyaoma꞉ mo tembolona꞉ kalale ma꞉nda꞉ biki Solomonona꞉ Kapu pa꞉ta꞉ mombela꞉tiki pimikime.

Aposolo 5:12 Mawu Ofanana

Maka 16:20

Yesuta꞉ oli hepeni nane pua hata꞉ disaipolo wanda꞉halima꞉ kenke paeyaona꞉ do pi seliapo wala꞉tiki pu hayekeme. Kutupa Tekehalima꞉ mandakena꞉ e pokolo hata꞉ wanda꞉halima꞉ ika꞉ pi ota꞉ pie lena꞉yeke wele pieke ekimanu pimikime. Kutu pimikime.]

Dioni 10:23

Koto dina꞉ta꞉ Yesuta꞉ mo tembolo da pa꞉ta꞉ hata꞉ mo Solomonona꞉ da mineke pa꞉ta꞉ pomiekeme.

Dioni 4:48

Yesuma꞉ mo hali pa꞉ta꞉ alota꞉ Ikana꞉ma꞉ hau tieke ipula꞉eki handolo homeke pa hone tulaasememe leekeme.

Aposolo 1:14

Koto haliweki paeyao mo wanda꞉weki tonka꞉na꞉ Yesuna꞉ ama꞉ Meti make ipika꞉ hameketiti make mandake pa꞉ta꞉ momba꞉la pita꞉ yeni pu pitimikime.

Aposolo 14:3

Kutupa Polo Banabasi yaapoma꞉ koto pa꞉ta꞉ hao hata꞉ paala꞉ma꞉ na homeke Tekehali Koda꞉na꞉ pi wala꞉tiki pipikime. Kutupa Tekehalima꞉ ipika꞉ pa a꞉ta꞉ma꞉ homa꞉la꞉ pi wanda꞉hali pa꞉ta꞉ peneme yaaluekema꞉ mo hali yaapoma꞉ wele peaaso hata꞉ na hando haemeke ekimanu pina꞉ leekeme.

Aposolo 16:18

Kutupa nate paeyao kutu pia꞉tiki pu haya꞉pate Poloma꞉ ipika꞉ pukima꞉ ka꞉nda꞉ma꞉ homolo hata꞉ la꞉ka꞉la mo temoko pa꞉ta꞉ alota꞉ Yesu Ketisona꞉ bikina꞉ neke pa꞉ta꞉ aloma꞉ mo wandiki mina꞉pa꞉lao opolu bao yopuma lea꞉me. Kutupa koto kone opolu baeya꞉me.

Aposolo 19:11

Koda꞉ma꞉ Polo pa꞉ta꞉ wele peaaso hata꞉ na hando haemeke wele pita꞉la꞉ ekimanu peaena꞉ la꞉tiki piekeme.

Aposolo 2:46

Nate paeyao mo tembolo da tukiki pa꞉ta꞉ homeke alena꞉ momba꞉la꞉tiki peaata꞉ ika꞉ da pa꞉ta꞉manu make mandake pa꞉ta꞉ pita꞉ ne na꞉tiki pimikime. Homu pea hata꞉

Aposolo 28:9

Kutu pieke handa mo hokina꞉ yeni haeme wanda꞉hali paeyao epemepate ika꞉ yeni make tandelena꞉ lea꞉me.

Aposolo 3:11

Mo hande halima꞉ Pida Dioni yaapona꞉ kiki pa wia haena꞉ iki tepota꞉ mo tembolona꞉ kalale ma꞉nda꞉ biki Solomonona꞉ Kaputa꞉ haemekeme. Kutupa mo wanda꞉hali paeyao leke opo handa꞉hake witolo hata꞉ koto pa꞉ta꞉ anke hao pua mombelemekeme.

Aposolo 4:30

Wanda꞉halina꞉ yenimanu tande laluekema꞉ naka꞉ kiki tindipao hata꞉ka꞉na꞉ wele pita꞉la꞉ ekimanu make na hando haloma꞉ ekimanu make naka꞉ yakopiki E Pokaasa꞉ Hali Yesu ipika꞉ bikina꞉ pina꞉ lapeke laa lemekeme.

Aposolo 9:33

Koto da pa꞉ta꞉ta꞉ hali homeke Iniasi handeekeme. Koto halita꞉ kiki anke homa pa wieke hali pita꞉ bapi ketepo hata꞉ ipika꞉ da panda꞉ pa꞉ta꞉ u pita꞉tiki pu hayekeme.

Aposolo 9:40

Pidama꞉ mo wanda꞉sunu paeyao hama꞉ nane pupe laata꞉ tumiki yotuao yeni peaata꞉ mo wanda꞉ toko handa꞉moneaaso alota꞉ Ta꞉bida. Tiae laa leekeme. Mo wanda꞉ma꞉ leke kila Pida handaata꞉ tiao pitiekeme.

Loma꞉ 15:19

wele wotu pa꞉la꞉ ekimanu make na hando haeme ekimanu make ipika꞉ Sipitidima꞉ wele wotu pia꞉eki make koto ekimanu paeyao handaata꞉ pimikime. Koto ekina꞉ I̱ma꞉ta꞉ mo Diutuseleme da pa꞉ta꞉ kini pu mea wala꞉tiki pua mo Ilitikumi nane kone mo hande Ketiso pa꞉ta꞉ ipula꞉ Pi Seliapo paeyao pa꞉ta꞉ wala꞉niaowa꞉me.

2 Kotindi 12:12

Mo hande na handeke haumanu make ta꞉ta꞉piki haumanu make iki tukikina꞉ peneme yaasota꞉ I̱ta꞉ ota꞉ aposolo hali wala꞉la꞉me. Kutupiki haumanu pua꞉ ekita꞉ homuma꞉ pua꞉ ekina꞉ loa꞉me.

Hibulu 2:4

Kutaa make koto ikana꞉ma꞉ la kimi pi manuta꞉ ota꞉ pie hone wiomono yeketa꞉ Koda꞉ma꞉ na handeke haumanu make ta꞉ta꞉ piki haumanu make piekeme. Kutupa make ipika꞉ hone pieke ekina꞉ mo Holi Sipitidina꞉ peaasa꞉ haumanu pa hameke haka꞉ta꞉pao telipatiki pu hayekeme.