Aposolo 4:13 - Panake Pi La: Ula: Buka pita: Kine Pieke Buka

¹³ Mo haliwekima꞉ Pida Dioni yaapoma꞉ paala꞉ na homepekeeki handolo hata꞉ koto hali yaapoma꞉ sukuluna꞉ make na pepeke ota꞉ pa da haepeke hali yaapoe laata꞉ kota꞉ ikana꞉ma꞉ leke opa꞉ alu alu pea kutupa hone witolota꞉ Yesu ame̱le̱ pomu hata꞉ pa꞉la꞉ma꞉ hone wimikime.

Aposolo 4:13 Mawu Ofanana

Ma꞉tiu 11:25

Koto toma꞉na꞉ Yesuma꞉ Koda꞉ pa꞉ta꞉ alota꞉ Apa꞉o. Neketa꞉ do kenke oli hepeni yaapona꞉ Tekehalio. Keiyae tieke aloe. Pa ekipeke. Nakana꞉ma꞉ mo hande handa꞉wiki wanda꞉hali pa꞉ta꞉ a꞉mbao wina꞉ le hau manuta꞉ pa mo hone wopu na wiki wanda꞉hali pa꞉ta꞉ peneme yaaleme.

Ma꞉tiu 26:71

Koto laata꞉ ipikana꞉ma꞉ mo pota꞉ kake pa꞉ta꞉ peekepate wandiki ma꞉nda꞉ma꞉ ipiki handaa mo haemeke haliweki pa꞉ta꞉ alota꞉ Do halita꞉ mo hande Na꞉sa꞉tete halina꞉ ta꞉ma꞉ni halie laa leekeme.

Ma꞉tiu 26:73

Hosiki hao hoki nanema꞉ mo pa꞉ta꞉ haemeke haliwekima꞉ Pida pa꞉ta꞉ alota꞉ Neketa꞉ ota꞉ ipika꞉ tapake halie. Ota꞉ alome. Mo naka꞉ ale pi makema꞉ kone niki pa꞉ta꞉ peneme yaasa꞉me lemekeme.

Luku 22:8

Yesuma꞉ Pida pita꞉ Dioni yaapo pa꞉ta꞉ dupiki pi mea pena꞉ lo tapaaso alota꞉ Pua nika꞉ Lombei Pupa Yapeeke Natena꞉ ne nolo polome alena꞉ tikitiki yaalo pupa꞉e leekeme.

Dioni 19:26

Yesuma꞉ta꞉ ipika꞉ inkiki make ipika꞉ hande pukima꞉ homeeke disaipolo hali make ipiki teke pa꞉ta꞉ haepekeeki handaata꞉ ipika꞉ inkiki pa꞉ta꞉ alota꞉ Wanda꞉o. Naka꞉ weki koto handa꞉e laata꞉

Dioni 7:15

Mo Diu haliwekima꞉ penkilipitolo hata꞉ alota꞉ Do halita꞉ sukulu na piki halima꞉ kone wopu handa ula꞉ ekita꞉ ekipa pa꞉la꞉pe lemekeme.

Dioni 7:49

Do da wanda꞉halita꞉ Koda꞉na꞉ Lo Pimanu na handeleme ekina꞉ Koda꞉ma꞉ hoeyaaluekema꞉ hone amba꞉ wiekeme.

Aposolo 4:14

Kutupa mo hande mea tiao hayeke halita꞉ koto hali yaapo ame̱le̱ hayeke eki handolo hata꞉ pi ma꞉nda꞉ laapeke na yeekeme.

Aposolo 4:19

Koto leeke Pidama꞉ alota꞉ Koda꞉na꞉ leke popelekena꞉ hata꞉ ikana꞉ma꞉ aleme pi opua pita꞉la꞉ ekita꞉ a꞉pa꞉la꞉pe o Koda꞉na꞉ pi opua pita꞉la꞉ ekita꞉ a꞉pa꞉la꞉pe. Ika꞉ hone wia pi hotia꞉pa꞉peke lepekeme.

Aposolo 4:29

Kutupa Tekehalio. Ameta꞉ niki paala꞉ma꞉ homomono alemeeki nakana꞉ma꞉ opuaata꞉ niki naka꞉ e pokaasoma꞉ haliwekima꞉ naka꞉ pita꞉ puki taka꞉lao hata꞉ lamono lapeke laata꞉

Aposolo 4:31

Yeni pu paeyeketa꞉ ika꞉ mo hande mombelemeke da kone la꞉ma꞉ la꞉ma꞉ piekeme. Koto pa꞉ta꞉ pitimiki wanda꞉hali paeyaota꞉ Holi Sipitidi tumba pituma꞉ pituma꞉ piekeme. Kutupa Koda꞉na꞉ pita꞉ ikana꞉ma꞉ puki taka꞉lao hata꞉ lemekeme.

Aposolo 9:27

Kutupa Banabasima꞉ Solota꞉ mo aposolo haliweki pa꞉ta꞉ hatuku pua mo Tekehalima꞉ pota꞉na꞉ Solo pa꞉ta꞉ peneme yaeya꞉eki make pi leekeeki make la haleekeme. Kutupa oli Damasikasi da hata꞉ Soloma꞉ Yesuna꞉ biki a꞉mbao na leke pi waleekeeki make mo haliweki pa꞉ta꞉ la haleekeme.

Aposolo 9:28

Koto ekina꞉ mo haliweki ame̱le̱ hata꞉ da pa꞉ta꞉ honda꞉ pamba꞉tiki opolu batiki piekeme.

1 Kotindi 1:27

Koda꞉ma꞉ mo hone wotu wiki haliweki yaala꞉ mea peaaluekema꞉ ika꞉ pa pi aleme ekimanu ipikana꞉ma꞉ ka꞉na꞉ hone wia miekeme. Kutupa make mo hamoko haliweki yaala꞉ mea peaaluekema꞉ mo ikana꞉ma꞉ damakopiki ekie alemeeki kone ipikana꞉ma꞉ ka꞉na꞉ hone wia miekeme.

1 Kotindi 14:25

Koto ekina꞉ ipika꞉ a꞉mbao ula꞉ honemanu peneme yaeyeke handaata꞉ ipikana꞉ma꞉ panda꞉puniao Koda꞉ pa꞉ta꞉ yeni pitolo hata꞉ Ota꞉ alememe. Koda꞉ta꞉ iki ame̱le̱ do pa꞉ta꞉ hala꞉me laa lelieke.

2 Kotindi 3:12

Nikita꞉ do hone tulao handeteke haloma꞉eki wia haloma꞉ ekima꞉ta꞉ nikita꞉ honkopu wopu haloma꞉me.