Aposolo 4:1 - Panake Pi La: Ula: Buka pita: Kine Pieke Buka

¹ Pida Dioni yaapoma꞉ mo wanda꞉hali pa꞉ta꞉ pi alo haena꞉ yeni peao haemeke haliweki make mo tembolo da handeteke hayeke you hali make Sa꞉dusi haliweki make mo hali tepo pa꞉ta꞉ epemekeme.

Aposolo 4:1 Mawu Ofanana

Ma꞉tiu 16:12

Koto pi opitolota꞉ mo disaipolo haliwekima꞉ Yesuma꞉ leeke kinki pita꞉la꞉ pita꞉ mo palaowa pa꞉ta꞉ ula꞉ yisitina꞉ na leekepate ota꞉ mo Pa꞉tisi Sa꞉dusi tapake yaapona꞉ waleme mana꞉ pimanu pa꞉ta꞉ lea꞉ka꞉ta꞉me hone wimikime.

Ma꞉tiu 22:16

Mo hone pambao wimiki lota꞉ pita꞉la꞉ pi manuma꞉ ipiki tamuluekema꞉ ika꞉ disaipolo haliweki make Hetodi ame̱le̱ ta꞉ma꞉ni pieke haliweki make Yesu pa꞉ta꞉ tapaemekeme. Koto haliweki a꞉pa ipiki pa꞉ta꞉ alota꞉ Wala꞉la꞉ Halio. Neketa꞉ ota꞉ pimanu lo hala꞉ halie. Kutaa nakana꞉ma꞉ wanda꞉hali pa꞉ta꞉ hone ma꞉nda꞉ ma꞉nda꞉ na u hake iki paeyao pa꞉ta꞉ mandake hau piki wanda꞉halie laaka꞉na꞉ Koda꞉na꞉ ota꞉ hau pita꞉la꞉ pi homeke walo haleme la alota꞉

Ma꞉tiu 27:20

Mo yeni peao haemeke you haliweki pita꞉ tondiki haliweki ikana꞉ma꞉ wanda꞉halima꞉ Pailedi pa꞉ta꞉ honke alo hata꞉ Batabasita꞉ tapaaso hata꞉ Yesuta꞉ lina꞉e lena꞉ ika꞉ hone u tiao haemekeme.

Ma꞉tiu 27:41

Koto mandake tupa꞉ kone mo yeni peao hayeke you haliwekima꞉ make pi ula꞉eki walo haemeke haliwekima꞉ make tondiki haliwekima꞉ make Yesu ki ta ta pitolo hata꞉ ikana꞉ma꞉ alota꞉

Ma꞉tiu 3:7

Mo hande Pa꞉tisi tapake make Sa꞉dusi tapake make koto tapake yaapona꞉ haliweki wopu Dionima꞉ bapitaisi peaena꞉ epemekeeki handaa ipikana꞉ma꞉ iki pa꞉ta꞉ alota꞉ Ketoma꞉ handeke some hombo iki pa꞉ta꞉ mo Koda꞉ma꞉ a̱i̱ taapolo pa꞉la꞉ panisi tieke wendia꞉pekee pita꞉ epima꞉ lakia꞉pe.

Luku 20:1

Nate ma꞉nda꞉na꞉ Yesuta꞉ tembolo da pa꞉ta꞉ pita꞉ wanda꞉hali Koda꞉na꞉ mana꞉ pi alo make mo Pi Seliapo walo hayekeme. Kutupa mo yeni peao haemeke haliwekina꞉ you haliweki make mo Lo Pi walo haemeke haliwekima꞉ make mandane da handeteke haemeke you haliweki paeyao a꞉pa

Luku 22:4

Koto ekina꞉ Diudasima꞉ mo yeni peao haemeke teke haliweki make mo tembolo da handeteke haemeke you haliweki ame̱le̱ ipikana꞉ma꞉ Yesuta꞉ ekipa iki pa꞉ta꞉ mea hala꞉ monealua꞉pe laa hotulu peekeme.

Dioni 15:20

I̱ma꞉ alo pina꞉ hone wia꞉pa꞉peke. E pokaasa꞉ halima꞉ta꞉ ipika꞉ teke hali na ankulalieke laa loa꞉me. I̱ pa꞉ta꞉ a꞉nda꞉ lilimi ekima꞉ta꞉ iki pa꞉ta꞉ make a꞉nda꞉ lilimikie. I̱ma꞉ walolo pi opueleme ekima꞉ta꞉ ikana꞉ma꞉ walo pelemeeki make opilimikie.

Dioni 18:3

Koto ekina꞉ Diudasima꞉ta꞉ mandane ami haliweki make mo yeni peao haemeke you haliweki mo Pa꞉tisi haliweki yaapoma꞉ tapaemeke tembolo da handeteke haemeke haliweki make hande e pa꞉ta꞉ hatuku peekeme. Mo haliwekima꞉ ola꞉pake make a꞉ndelimanu make mutia pemekeme.

Aposolo 4:6

Wanda꞉halina꞉ yeni peao haemeke you haliwekina꞉ you hali A꞉nasi kutupa Kaiya꞉pasi Dioni make A꞉lekesa꞉nda kutupa yeni peao haemeke you haliwekina꞉ you halina꞉ tapake haliweki make mombelemekeme.

Aposolo 5:17

Kutu pieke handaata꞉ mo yeni peao haemeke you haliwekina꞉ you halima꞉ ipiki ame̱le̱ mandakena꞉ haemeke haliweki tonka꞉na꞉ mo Sa꞉dusi tapake mandane haliweki kone ikana꞉ma꞉ta꞉ mo aposolo haliweki pa꞉ta꞉ hoke hone witolo hata꞉ soka꞉la꞉ma꞉ homemekeme. Hau ma꞉nda꞉ pulumeke hone wimikime.

Aposolo 5:24

Mo tembolo da handeteke hayeke you halima꞉ make mo yeni peao haemeke you haliwekima꞉ make koto lemeke pi opuaata꞉ koto hau pa꞉la꞉ ekita꞉ ekipa pa꞉la꞉pe laa hone elekeeleke wimikime.

Aposolo 5:26

Koto ekina꞉ mo hande tembolo da handeteke hayeke you halima꞉ ipika꞉ haliweki ame̱le̱ puaata꞉ mo aposolo haliweki hatuku mulu pua epemekeme. Wanda꞉halima꞉ toopima꞉ iki liaama꞉na꞉yeke mo haliweki yopu hatuku mea epemekeme.

Aposolo 6:12

Kutupa mo haliwekima꞉ wanda꞉hali make tondiki haliweki make wape pea wala꞉tiki pu haemeke haliweki make sutiaemeke handaata꞉ Sidipeni pua minata꞉ ka̱le̱sete haliweki pa꞉ta꞉ yola꞉ mea pemekeme.

Aposolo 6:7

Koto ekina꞉ mo Koda꞉na꞉ pi paa mea a꞉meiyao kutupa Diutuseleme da nane mo disaipolo wanda꞉hali make aneke hapu daeyao kutupa mandane yeni peao haemeke haliweki wopu make mo Koda꞉na꞉ pi opua Ketiso pa꞉ta꞉ hone tulao haemekeme.