Aposolo 3:6 - Panake Pi La: Ula: Buka pita: Kine Pieke Buka

⁶ Pidama꞉ alota꞉ I̱ta꞉ kolo o silipamanu make ma꞉nda꞉ dia꞉ya꞉la꞉pate I̱ma꞉ wia halo aleta꞉ kionoe. Mo Na꞉sa꞉tete hali Yesu Ketisona꞉ bikina꞉ loa꞉ma꞉ pota꞉ pue leekeme.

Aposolo 3:6 Mawu Ofanana

Ma꞉tiu 10:9

Ika꞉ pausa pa꞉ta꞉ kolo mani o silipa mani o wepiki toeamanu make na mendia꞉pa꞉peke.

Ma꞉tiu 7:22

Mo hande wanda꞉hali paeyao momba꞉lalo pa꞉la꞉ Koda꞉na꞉ nate opolo epea꞉ka꞉na꞉ta꞉ wanda꞉hali wopuma꞉ dupiki pimanu I̱ pa꞉ta꞉ lelimikie. Tekehalio. Tekehalio. Naka꞉ biki alo hata꞉ Koda꞉na꞉ pimanu walao haloma꞉me. O Naka꞉ biki loma꞉ ekima꞉ hoke temokomanu wopu tolu lu make ta꞉ta꞉ piki na handeke haumanu tonka꞉na꞉ wopu puma꞉me lelimikie.

Maka 14:8

Do wanda꞉ma꞉ ipika꞉ pia꞉peke ya꞉la꞉eki pia꞉me. Yaka loke a̱i̱ na hoitelemepate ipikana꞉ma꞉ senisi amba꞉la꞉ holaeya꞉me leekeme.

Maka 16:17

Kutupa pi mulu peleme wanda꞉halima꞉ do wele pita꞉la꞉ ekimanu handilimikie leekeme. Ya bikina꞉ hoke temokomanu tolu limikie. Panake pimanu lelimikie.

Dioni 19:19

Pailedima꞉ pi siki wape pea mo a꞉ka꞉tei wapepiki tina꞉ talaena꞉ leekeme. Koto wape pieke ekita꞉ dupae. Na꞉sa꞉tete Hali Yesuta꞉ Diu wanda꞉halina꞉ Kini halie laa wape piekeme.

Aposolo 10:38

Hande Na꞉sa꞉tete da halita꞉ Yesue. Ipikita꞉ Koda꞉ma꞉ wele peaaso hata꞉ mo Holi Sipitidima꞉ make suta꞉pe wiaeyekeeki opimika꞉ta꞉me. Kutupa ipikana꞉ma꞉ Koda꞉ ame̱le̱ hata꞉ epeke hau pea꞉tiki pu hao Sadanima꞉ hoeyaeyeke wanda꞉hali mea tiatiki pu hao pomu hayekeme.

Aposolo 16:18

Kutupa nate paeyao kutu pia꞉tiki pu haya꞉pate Poloma꞉ ipika꞉ pukima꞉ ka꞉nda꞉ma꞉ homolo hata꞉ la꞉ka꞉la mo temoko pa꞉ta꞉ alota꞉ Yesu Ketisona꞉ bikina꞉ neke pa꞉ta꞉ aloma꞉ mo wandiki mina꞉pa꞉lao opolu bao yopuma lea꞉me. Kutupa koto kone opolu baeya꞉me.

Aposolo 2:22

Isulai haliwekio. I̱ma꞉ do alo pi opua꞉pa꞉peke. Hande Na꞉sa꞉tete hali Yesuta꞉ iki ame̱le̱ a꞉pa hata꞉ta꞉ Koda꞉ma꞉ wele peaaso haena꞉ Yesuma꞉ na hando haloma꞉ ekimanu make wele pita꞉la꞉ ekimanu make ipikana꞉ma꞉ pitolo haena꞉ Koda꞉ma꞉ ipikita꞉ I̱ma꞉ tapaalo halie laa peneme yatiki pia꞉me. Kutupa do haumanu paeyao ika꞉ hone wilimime leekeme.

Aposolo 2:36

Koto ekina꞉ Isulai wanda꞉hali paeyao do hande ikana꞉ma꞉ a꞉ka꞉tei wapepiki tina꞉ tamendiao limiki hali Yesuta꞉ Koda꞉ma꞉ ipikita꞉ Tekehali make Ketiso make mea haena꞉ la꞉la꞉ ekita꞉ ikana꞉ma꞉ hone ota꞉ wopu wia꞉pa꞉peke laa leekeme.

Aposolo 3:16

Mo hande ipika꞉ bikina꞉ wele pita꞉la꞉ ekima꞉ mo pota꞉ pomua꞉peke na yeke hali honkopu haena꞉ lopa꞉me. Ame do handeleme ekita꞉ mo hande ipika꞉ hone tulaasa꞉ ekima꞉ pita꞉la꞉me. Ame do handeleme ekita꞉ Yesu pa꞉ta꞉ hone tulaasa꞉ ekima꞉ ipiki epeaala꞉me leekeme.

Aposolo 3:5

Mo hande pota꞉ pomua꞉peke na yeke halima꞉ hone witolota꞉ do hali yaapoma꞉ ala꞉ta꞉ ma꞉nda꞉ ota꞉ kilieke hone witolo hata꞉ mo hali yaapo ota꞉ wopu handa꞉hake wiekepate

Aposolo 3:7

Kutupa Pidama꞉ popeke nane kiki mina mea a꞉meiyaeyekeme. Kutupa koto kone mo halina꞉ anke ma̱lekemanu honkopu honkopu hao hayekeme.

Aposolo 4:10

Iki paeyao mo Isulai wanda꞉hali make doeki opua꞉pe. Na꞉sa꞉tete hali Yesu Ketisota꞉ ikana꞉ma꞉ limipate Koda꞉ma꞉ paa mea tiaeyeke hali ipika꞉ bikina꞉ do hali epeke tupa꞉ tiao honkopu hao do hala꞉ handa꞉e leekeme.

Aposolo 4:7

Mo haliwekima꞉ mo aposolo haliweki pa꞉ta꞉ alota꞉ Eki wele pita꞉la꞉ ekima꞉ o eki bikina꞉ doeki pitelepepe lemekeme.

Aposolo 9:34

Pidama꞉ ipiki pa꞉ta꞉ alota꞉ Iniasio. Yesu Ketisoma꞉ neke epeaasa꞉me. Naka꞉ yapa꞉ta꞉ oko pea mina tiae laa leekeme. Koto leeke pita꞉ kone Iniasita꞉ tiaeyekeme.

1 Kotindi 4:11

Amba꞉ make ame make nikita꞉ ne ikali tea꞉ma꞉ homa꞉tiki pu hata꞉ mo dau make wotu dia꞉ya꞉la꞉ haliweki haloma꞉me. Haliwekima꞉ niki pa litolo ombu haena꞉ make kutupa ota꞉ nika꞉ da pa꞉ta꞉ na hake pa pominolo hata꞉ta꞉

2 Kotindi 6:10

Nikita꞉ puki hoeyao halemepate hoto paeyao ta꞉na꞉ma꞉ homoloma꞉me. Nikita꞉ nate hali hake nono poloma꞉pate nikana꞉ma꞉ta꞉ mandane wanda꞉hali wopu hamoko haena꞉ aloma꞉me. Nikita꞉ ala꞉ta꞉ ma꞉nda꞉ na wia hake nono poloma꞉pate nikita꞉ ala꞉ta꞉ ala꞉ta꞉ paeyao ana꞉na꞉ kone wia haloma꞉me.

2 Kotindi 8:12

Ikita꞉ ta꞉na꞉ma꞉ homolo a̱i̱ haluekema꞉ hone wimika꞉na꞉ta꞉ kota꞉ Koda꞉ma꞉ta꞉ mo ika꞉ pa haluekema꞉ wia haleme aleta꞉ milieke. Pate mo na wia haleme alena꞉ dia꞉me.

2 Kotindi 8:9

Ikana꞉ma꞉ta꞉ nika꞉ Tekehali Yesu Ketisona꞉ a꞉ta꞉ma꞉ homa tamba꞉ mina꞉la꞉ ekita꞉ hone wilimime. Ipikita꞉ hamoko tieke hayekepate iki tamba꞉ muluekema꞉ yeke ipikita꞉ nate hali au leekeme. Kotota꞉ ipika꞉ natehali au leeke ekima꞉ iki hamoko hawaluekema꞉ pa꞉la꞉me.

Dia꞉mesi 2:5

Ya kametitio. Opua꞉pe. Kenke wanda꞉halima꞉ta꞉ aleta꞉ ma꞉nda꞉ na wiki natehali wanda꞉halio laa alemepateta꞉ Koda꞉ma꞉ koto wanda꞉hali talopu meata꞉ ika꞉ hone tulaaleme ekina꞉ta꞉ iki hamoko mea yaasa꞉me. Kutupa make ipiki pa꞉ta꞉ pukima꞉ homeleme wanda꞉hali pa꞉ta꞉ pi la꞉ wieke tupa꞉ koto wanda꞉hali ipika꞉ Kilu Tombuao Hala꞉ ekina꞉ mea haena꞉ lelieke.

1 Pida 4:10

Iki homeke homekema꞉ Koda꞉na꞉ ta ka꞉la꞉ ta꞉ta꞉ ta꞉ta꞉ pikieki manuta꞉ epeke tupa꞉ handeteke hata꞉ mo Koda꞉ma꞉ kieke ta꞉ta꞉ piki ekima꞉ta꞉ ika꞉ hameke epeaaluekema꞉ pu alualu hapa꞉peke.