Aposolo 3:4 - Panake Pi La: Ula: Buka pita: Kine Pieke Buka

⁴ Koto leeke Pida Dioni yaapoma꞉ mo hande hali handa꞉moneaaso hata꞉ Pidama꞉ alota꞉ Diki handa꞉e leekeme.

Aposolo 3:4 Mawu Ofanana

Luku 4:20

Yesuma꞉ mo buka yata꞉paata꞉ amba꞉ bukamanu handeteke hayeke hali pa꞉ta꞉ paa hala꞉ moneao pitiniaeyekeme. Kota꞉ mo Koda꞉na꞉ pi hotu haemeke da pa꞉ta꞉ pitimiki wanda꞉hali paeyao sikima꞉ Yesu handolo hata꞉ yola꞉ pambemekeme.

Dioni 11:40

Yesuma꞉ ipiki pa꞉ta꞉ alota꞉ Nakana꞉ma꞉ hone tulao haeka꞉na꞉ta꞉ Koda꞉na꞉ pa̱a̱ pa꞉la꞉eki handilipikie pita꞉ na loa꞉pe leekeme.

Dioni 5:6

Yesuma꞉ koto pa꞉ta꞉ mo hali pelia hake wiekeeki handaata꞉ ipika꞉ yeni hapa wina꞉ bapi wopu yapeekeeki make hone wiekeme. Koto ekina꞉ ipikana꞉ma꞉ mo hali pa꞉ta꞉ alota꞉ Naka꞉ honema꞉ta꞉ naka꞉ yeni tandelena꞉ hone witelepe leekeme.

Aposolo 10:4

Koniliesima꞉ mo enisolo pa꞉ta꞉ paala꞉ tieke homa handake witolo hata꞉ alota꞉ Tekehalio. Aleke ka꞉ta꞉pe leekeme. Kutupa ipiki pa꞉ta꞉ alota꞉ Naka꞉ yeni pu haleeki make naka꞉ mani halo haleeki make oli hepeni da nane pua Koda꞉ pa꞉ta꞉ naka꞉ pi laasa꞉me leekeme.

Aposolo 11:6

Kutu pia꞉ ekita꞉ I̱ma꞉ mo dau tukiki nane weni weni naa wotu handoa꞉me. Da ma꞉na꞉sunu make sayale ma꞉na꞉ yeti ala꞉ta꞉ ala꞉ta꞉sunu make ti katakena꞉ ula꞉ keto ala꞉ta꞉ ala꞉ta꞉manu make ya pa꞉ta꞉ pomina꞉la꞉ basunu make paeyao handoa꞉me.

Aposolo 3:1

Kutupa Pida Dioni yaapota꞉ ipilika꞉ yeni pu haepeke nate lekena꞉ 3 okoloko nate oni pambolo pulu haena꞉ oli tembolo da pa꞉ta꞉ yeni puluekema꞉ pepekeme.

Aposolo 3:11

Mo hande halima꞉ Pida Dioni yaapona꞉ kiki pa wia haena꞉ iki tepota꞉ mo tembolona꞉ kalale ma꞉nda꞉ biki Solomonona꞉ Kaputa꞉ haemekeme. Kutupa mo wanda꞉hali paeyao leke opo handa꞉hake witolo hata꞉ koto pa꞉ta꞉ anke hao pua mombelemekeme.

Aposolo 3:12

Pidama꞉ doeki handa mo haliweki pa꞉ta꞉ alota꞉ Isulai haliwekio. Do ekina꞉ ekipeke leke opo handa꞉hake wia yopilimipe o diki make ekipeke handa꞉hake witemepe. Dikana꞉ma꞉ dika꞉ wele pita꞉la꞉ ekina꞉ o nika꞉ yakopiki hauma꞉ do hali mea pota꞉ pena꞉ lolopa꞉pe leekeme.

Aposolo 3:3

Mo hande pota꞉ pua꞉peke na yeke halima꞉ta꞉ Pida Dioni yaapo mo tembolo da pa꞉ta꞉ honda꞉ pambuluekema꞉ haena꞉ alota꞉ Mani ma꞉nda꞉ kipee laa honke leekeme.

Aposolo 3:5

Mo hande pota꞉ pomua꞉peke na yeke halima꞉ hone witolota꞉ do hali yaapoma꞉ ala꞉ta꞉ ma꞉nda꞉ ota꞉ kilieke hone witolo hata꞉ mo hali yaapo ota꞉ wopu handa꞉hake wiekepate