Aposolo 3:1 - Panake Pi La: Ula: Buka pita: Kine Pieke Buka

¹ Kutupa Pida Dioni yaapota꞉ ipilika꞉ yeni pu haepeke nate lekena꞉ 3 okoloko nate oni pambolo pulu haena꞉ oli tembolo da pa꞉ta꞉ yeni puluekema꞉ pepekeme.

Aposolo 3:1 Mawu Ofanana

Ma꞉tiu 17:1

Hoto yunki mindiki hata꞉ hao Yesuma꞉ Pida pita꞉ Dia꞉mesi Dioni hama̱la̱꞉ handa꞉ meata꞉ pote tumiki pa꞉ta꞉ pua ika꞉siki haemekeme.

Ma꞉tiu 26:37

Koto laata꞉ ipikana꞉ma꞉ Pida make Sepedina꞉ eiyeke yaapo iki tepo hoeya꞉ nane hatuku peekeme. Kutu polo hata꞉ta꞉ ipika꞉ pukima꞉ tanda tieke minolo hata꞉ ka꞉nda꞉ tiekema꞉ homeekeme.

Ma꞉tiu 27:45

Nate you tikekena꞉ haena꞉ mo kenke paeyao timba꞉ la꞉ pambaa puaata꞉ nate leke tepo minolo hata꞉ nate lekelo yopula꞉ dina꞉ta꞉ nateta꞉ paa pa̱a̱ piekeme.

Luku 1:10

Koto ekina꞉ mo hande totopo piki ale yankeeke pita꞉ mo wanda꞉hali paeyaoma꞉ hama꞉ nane hata꞉ yeni pitolo haena꞉ Sekataiyata꞉ mo Tekehalina꞉ tembolo da pa꞉ta꞉ honda꞉ pamba peekepate

Luku 18:10

Amba꞉ a꞉nda꞉ hali yaapo oli tembolo da pa꞉ta꞉ yeni pulupeke alo pepekeme. Mo hali ma꞉nda꞉ta꞉ Pa꞉tisi halie. Ma꞉nda꞉ta꞉ dakisi mu hayeke hali yeekeme.

Luku 22:8

Yesuma꞉ Pida pita꞉ Dioni yaapo pa꞉ta꞉ dupiki pi mea pena꞉ lo tapaaso alota꞉ Pua nika꞉ Lombei Pupa Yapeeke Natena꞉ ne nolo polome alena꞉ tikitiki yaalo pupa꞉e leekeme.

Luku 24:53

Kutupa ikana꞉ma꞉ mo tembolo da pa꞉ta꞉ Koda꞉ pa꞉ta꞉ keiyae alo hata꞉ ika꞉ nate lekemanu paeyaemekeme.

Dioni 21:7

Hande Yesuma꞉ pukima꞉ homeeke disaipolo hali homekema꞉ Pida pa꞉ta꞉ alota꞉ Dota꞉ Tekehalie leekeme. Saimono Pidama꞉ Dota꞉ Tekehalie leekeeki opuata꞉ amba꞉ ipika꞉ dau hola wieke handaa ipika꞉ manda tonkaeyekeeki paa mea tonkao ikali pa꞉ta꞉ ponkaeyekeme.

Aposolo 10:3

Nate ma꞉nda꞉na꞉ nate toke nane haena꞉ Koda꞉na꞉ enisolo homeke epeekeeki upama꞉ ota꞉ peneme yao handeke nono piekeme. Mo enisoloma꞉ ipiki pa꞉ta꞉ alota꞉ Koniliesio leekeme.

Aposolo 10:30

Kutupa Koniliesima꞉ alota꞉ Hoto tonkopu amba꞉ yopua nate dupitolo haena꞉ I̱ma꞉ta꞉ do da pa꞉ta꞉ hata꞉ welealo nane yeni pitolo hano hakepiki dau pambaake hali kuta kone a꞉pa I̱ teke pa꞉ta꞉ haya꞉me leekeme.

Aposolo 2:46

Nate paeyao mo tembolo da tukiki pa꞉ta꞉ homeke alena꞉ momba꞉la꞉tiki peaata꞉ ika꞉ da pa꞉ta꞉manu make mandake pa꞉ta꞉ pita꞉ ne na꞉tiki pimikime. Homu pea hata꞉

Aposolo 3:3

Mo hande pota꞉ pua꞉peke na yeke halima꞉ta꞉ Pida Dioni yaapo mo tembolo da pa꞉ta꞉ honda꞉ pambuluekema꞉ haena꞉ alota꞉ Mani ma꞉nda꞉ kipee laa honke leekeme.

Aposolo 3:4

Koto leeke Pida Dioni yaapoma꞉ mo hande hali handa꞉moneaaso hata꞉ Pidama꞉ alota꞉ Diki handa꞉e leekeme.

Aposolo 4:13

Mo haliwekima꞉ Pida Dioni yaapoma꞉ paala꞉ na homepekeeki handolo hata꞉ koto hali yaapoma꞉ sukuluna꞉ make na pepeke ota꞉ pa da haepeke hali yaapoe laata꞉ kota꞉ ikana꞉ma꞉ leke opa꞉ alu alu pea kutupa hone witolota꞉ Yesu ame̱le̱ pomu hata꞉ pa꞉la꞉ma꞉ hone wimikime.

Aposolo 5:25

Kutu pimikipate hali ma꞉nda꞉ honda꞉ pamba a꞉pa iki pa꞉ta꞉ alota꞉ Opua꞉pe. Hande ikana꞉ma꞉ dipula mea lopaeme haliwekima꞉ta꞉ mo tembolo da tukiki pa꞉ta꞉ hata꞉ wanda꞉hali pa꞉ta꞉ pi walolo pitelememe laa leekeme.

Aposolo 8:14

Kutupa mo Diutuseleme da haemeke aposolo haliwekima꞉ Sametia wanda꞉halima꞉ Koda꞉na꞉ pi mineleme pi opu haota꞉ Pida Dioni yaapo pupa꞉ laa tapaemekeme.

Ka꞉leisia 2:9

Dia꞉mesi Pida make Dioni ikita꞉ you haliweki hake nono piki haliweki hata꞉ mo Koda꞉ma꞉ do I̱ pa꞉ta꞉ ka꞉la꞉ ta꞉ta꞉piki e handolota꞉ niki paeyao homeke tapake haloma꞉me laa handena꞉ walolo Banabasi yaapo kiki mina꞉ alualu puma꞉me. Kutupa nikana꞉ma꞉ homeke pi laata꞉ Banabasi make I̱ dikana꞉ma꞉ta꞉ Diendaili tapake ame̱le̱ hapono ikita꞉ Diu tapake ame̱le̱ hamena꞉e loma꞉me.