Aposolo 27:4 - Panake Pi La: Ula: Buka pita: Kine Pieke Buka

⁴ Kutupa koto pa꞉ta꞉ mina꞉pa꞉lao dawala tukiki pa꞉ta꞉ pua po tilipumanu wenoko nanema꞉ epeeke handa mo Saipotasi nanema꞉ oto pa꞉ta꞉ yapoma꞉me.

Aposolo 27:4 Mawu Ofanana

Ma꞉tiu 14:24

Koto nate lekena꞉ta꞉ mo hande kawasota꞉ mo ikali leke tukikina꞉ pulu haena꞉ po tiekema꞉ ika꞉ wenoko nanema꞉ a꞉pa ambulaaso hata꞉ ika꞉ kawaso wopu mea a꞉meiyaaso lopaaso piekeme.

Maka 6:48

Yesuma꞉ handaata꞉ ipika꞉ disaipolo haliwekima꞉ deli awolo hata꞉ po tieke wenoko nane epeeke handaa weleke we pimikieki handeekeme. Koto ekina꞉ da ka꞉la꞉puluekema꞉ okona꞉ Yesuta꞉ mo haliweki haemeke alena꞉ poluekema꞉ ikali manda ankena꞉ peekeme. Lombei pu pa poluekema꞉ hone wiekepate

Luku 8:22

Nate ma꞉nda꞉na꞉ Yesu ipika꞉ disaipolo haliweki ame̱le̱ pua kawaso ma꞉nda꞉na꞉ pitulu pemekeme. Yesuma꞉ iki pa꞉ta꞉ alota꞉ Nikita꞉ do ikali tunkula mone tea꞉na꞉ bape leekeme. Kutupata꞉ iki kini pea puluta꞉

Aposolo 13:4

Koto ekina꞉ hande hali yaapota꞉ mo Holi Sipitidima꞉ tapaaso haena꞉ oni Selusia nane pepekeme. Koto pa꞉ta꞉ opolo pua Saipotasi nane palai kawaso tiekena꞉ pita pepekeme.

Aposolo 15:39

Kutupa ipilika꞉ pi ta꞉ta꞉ ta꞉ta꞉ pea ka꞉nda꞉ma꞉ homepeke handa pota꞉ ma꞉nda꞉na꞉ ma꞉nda꞉ pea pota꞉ ma꞉nda꞉na꞉ ma꞉nda꞉ pea pepekeme. Banabasima꞉ Maka ame̱le̱ pita palai kawasona꞉ Saipotasi nane pepekepate

Aposolo 21:16

Kutupa mandane Sesatia Ketiso wanda꞉halima꞉ niki ame̱le̱ puata꞉ mo Saipotasi hali Menasonita꞉ titina꞉ pi mieke hali ipika꞉ da pa꞉ta꞉ hamonoyeke niki hatuku pememe.

Aposolo 21:3

Koto pulu hata꞉ta꞉ Saipotasi hoki handoma꞉pate koto hoki nepoko nane pua mo Sitia nane poma꞉me. Taiya da pa꞉ta꞉ opolo puata꞉ kenkena꞉ hola꞉pa poma꞉me. Koto Taiya da pa꞉ta꞉ mo kawasona꞉ mea wia pemeke alemanu londolo wimime.

Aposolo 27:7

Nate mandaneeki manuna꞉ta꞉ yopusiki pua꞉tiki pea ka꞉nda꞉ taapuna꞉ mo Sinaidasi da pa꞉ta꞉ opolo poma꞉me. Kutupa mo po tilipu nika꞉ wenoko nanema꞉ ipulu hata꞉ sa꞉sa꞉ pieke handa mo Kotiti hoki oto pa꞉ta꞉ mo Sa꞉lomono da teke pa꞉ta꞉ poma꞉me.

Aposolo 4:36

Kutupu haemekepate hali ma꞉nda꞉ta꞉ Diosepe hayekeme. Koto halita꞉ Lipae tapake hali hayekepate ipiki mendiki hauta꞉ Saipotasi nane mendieke halie. Aposolo haliwekima꞉ mo halina꞉ biki ma꞉nda꞉ Banabasi lemekeme. Mo biki lemeke ekina꞉ pi napeketa꞉ dupae. Honkopu haena꞉ Sutiaasa꞉ Halie la kone lemekeme.