Aposolo 27:3 - Panake Pi La: Ula: Buka pita: Kine Pieke Buka

³ Da kelepeeke handa mo Saidoni da opolo poma꞉me. Kutupa Diuliusima꞉ Polo pa꞉ta꞉ a꞉ta꞉ma꞉ homolo hata꞉ ipika꞉ yankeke titima꞉ handeteke haena꞉yeke handolo pena꞉ lea꞉me.

Aposolo 27:3 Mawu Ofanana

Kini Pieke 10:15

Mo hande Keinanina꞉ eiyeke tonuta꞉ mupeke weki Saidoni make Hedi makee. Ipilikita꞉ mo ipilika꞉ biki yano loma꞉ loma꞉ pimiki da wanda꞉halina꞉ apa꞉meie.

Kini Pieke 49:13

Sebulonita꞉ dawala tea꞉na꞉ pelia haliekee. Ipika꞉ dawala tea꞉na꞉ta꞉ mo kawasomanu epeke tupa꞉ a꞉pa pitina꞉ epeke alena꞉ yelieke. Ipika꞉ kilu tumbuao halo pa꞉la꞉ ekita꞉ ota꞉ mo Saidoni da kenkena꞉ pua tombo pilieke.

Ma꞉tiu 11:21

ipikana꞉ma꞉ koto da teke pa꞉ta꞉manu haemeke wanda꞉hali hando alo alota꞉ A꞉ta꞉e. Kotaasini daoni neke pa꞉ta꞉ ka꞉nda꞉ tieke ma꞉nda꞉ ipuluekema꞉ pila꞉me. Betesaidao. Neke pa꞉ta꞉ make kutu piki hau kone ipuluekema꞉ pila꞉me. I̱ma꞉ mo ipiliki pa꞉ta꞉ pua꞉ na handeke haumanu a꞉nda꞉ mo hande daoni yaapo Taiya Saidoni pa꞉ta꞉ pua꞉ka꞉na꞉ yoluta꞉ kota꞉ koto da yaapo pa꞉ta꞉ haleme wanda꞉hali ika꞉ puki la꞉ka꞉la꞉meka꞉ta꞉me laa Koda꞉ma꞉ handena꞉ta꞉ busa꞉ pitikimanu wepia yamaata꞉ lanka꞉ apolo kitulu pimime.

Aposolo 12:20

Hetodima꞉ Taiya Saidoni da yaapo pa꞉ta꞉ haemeke wanda꞉hali pa꞉ta꞉ mineke tieke wopu pankeekeme. Koto ekina꞉ mo da yaapo pa꞉ta꞉ haemeke mandane haliwekima꞉ apa꞉tao Hetodi handolo pemekeme. Titina꞉ amba꞉la mo kini halina꞉ da handeteke hayeke hali Ba꞉lasitusita꞉ ika꞉ a꞉nda꞉ liaena꞉yeke ipiki ame̱le̱ pi lolo pemekeme. Mo halima꞉ ika꞉ pi opiekeme. Kotoeki pea꞉ta꞉ a꞉nda꞉ polumana꞉e laa Hetodi pa꞉ta꞉ honke lolo pemekeme. Ika꞉ wanda꞉halina꞉ neta꞉ Hetodima꞉ handeteke hayeke kenke pa꞉ta꞉ mu haemeke ekina꞉yeke lemekeme.

Aposolo 24:23

Koto laata꞉ mo Polo handeteke hayeke ami opisa pa꞉ta꞉ alota꞉ Polo handeteke hata꞉ta꞉ ota꞉ dipula pila꞉ hali tupa꞉ na handeteke hake ipika꞉ yankeke titima꞉ ota꞉ mea꞉peke alemanu mea epemeka꞉na꞉ta꞉ sa꞉sa꞉ na pea꞉peke laa leekeme.

Aposolo 27:1

Kutupa Ideli nane palai kawaso tiekena꞉ pomana꞉e laa hone wimiki pita꞉ Polo mandane dipula haliweki ame̱le̱ ami opisa hali homeke Diuliusi pa꞉ta꞉ halaaka꞉na꞉ ipikana꞉ma꞉ta꞉ Okasitani tapake hali hata꞉ handeteke haena꞉yeke pimime.

Aposolo 27:43

pa ika꞉ opisa halima꞉ Polo tamba꞉ muluekema꞉ mo haliweki hone wimieki tunkula sa꞉sa꞉ pia꞉me. Ipikana꞉ma꞉ pi la alota꞉ Kiki moka꞉lapeke ya꞉la꞉ haliweki amba꞉la dawala pa꞉ta꞉ ponkaniao kenke nane pua꞉pa꞉peke lea꞉me.

Aposolo 28:16

Kutupa mo Loma꞉ daoni pa꞉ta꞉ opolo poma꞉pate pa Polota꞉ ipika꞉ kone honumake haena꞉ mo ami hali homekema꞉ ipiki handeteke haena꞉ lememe.