Aposolo 27:1 - Panake Pi La: Ula: Buka pita: Kine Pieke Buka

¹ Kutupa Ideli nane palai kawaso tiekena꞉ pomana꞉e laa hone wimiki pita꞉ Polo mandane dipula haliweki ame̱le̱ ami opisa hali homeke Diuliusi pa꞉ta꞉ halaaka꞉na꞉ ipikana꞉ma꞉ta꞉ Okasitani tapake hali hata꞉ handeteke haena꞉yeke pimime.

Aposolo 27:1 Mawu Ofanana

Kini Pieke 50:20

Ikana꞉ma꞉ta꞉ I̱ pa꞉ta꞉ hoke hau pimipate Koda꞉ma꞉ta꞉ koto paa topo pea epekeeki au lala꞉me. Kutupa mo koto hau pimi ekita꞉ mo ame pa do haleme wanda꞉hali paeyaona꞉ hao polu pelemeeki epeanoyeke pa꞉la꞉me.

Ma꞉tiu 27:54

Mo hande Yesuma꞉ pita꞉la꞉eki handuluekema꞉ handeteke hayeke ami you hali make ipiki ame̱le̱ haemeke ami haliwekima꞉ make mo hande yumomeni make mo pieke mandane hau tonka꞉na꞉ handaata꞉ ikana꞉ma꞉ paala꞉ tiekema꞉ homolo hata꞉ alota꞉ Ipikita꞉ ota꞉ Koda꞉na꞉ Eiyeke ya꞉ka꞉ta꞉me lemekeme.

Luku 23:47

Mo hande ami haliwekina꞉ you halima꞉ mo piekeeki hando haota꞉ Koda꞉na꞉ biki mea miniliaaso hata꞉ alota꞉ Ipikita꞉ ota꞉ epeke hali yekeme leekeme.

Luku 7:2

Koto pa꞉ta꞉ mo Loma꞉ ami haliwekina꞉ you hali ma꞉nda꞉ hayekeme. Koto halima꞉ ipika꞉ pukima꞉ ta꞉na꞉ tieke homeeke e pokao hayeke hali teke pa꞉ta꞉ homuluekema꞉ taapeekeme.

Aposolo 10:1

Mo Sesatia da nane ami opisa hali homeke hayekeme. Ipika꞉ bikita꞉ Koniliesie. Ipikana꞉ma꞉ta꞉ mo ami haliweki 100 handeteke hayekeme. Koto somema꞉ handeteke hayeke ami tapakena꞉ bikita꞉ Ideli tapakee.

Aposolo 10:22

Mo haliwekima꞉ alota꞉ Koniliesita꞉ ami opisa epeke halima꞉ tapaeya꞉me laa ipikana꞉ma꞉ Koda꞉ pa꞉ta꞉ paala꞉ma꞉ homa꞉la꞉ halie laata꞉ Diu wanda꞉hali paeyaoma꞉ epeke pi lo hala꞉ halie. Kutupa Koda꞉na꞉ yako piki enisolo homekema꞉ leeke handa naka꞉ pimanu tonka꞉na꞉ opuluekema꞉ neke handa꞉ mulu pupe leeke handa ipuluma꞉me lemekeme.

Aposolo 16:10

Kutupa hande upama꞉ piki nono pikieki handaata꞉ Koda꞉ma꞉ hande Pi Seliapo koto wanda꞉hali pa꞉ta꞉ walomono lea꞉me hone witolo hata꞉ mo Ma꞉sedonia nane poluekema꞉ kuta kone pota꞉ weimikime.

Aposolo 18:2

Diu hali homeke Akuila mo Pondasi da nane hali kone pua handeekeme. Koto halita꞉ ipika꞉ weteke Pisila yaapo mo Ideli nane mina꞉pa꞉lao panake a꞉pa haepekeme. Mo Sisa Kolodiusima꞉ Diu wanda꞉hali paeyaota꞉ Loma꞉ da mina꞉pa꞉lao pupe leeke handa epepekeme. Poloma꞉ta꞉ ipiliki handuluekema꞉ ipilika꞉ da pa꞉ta꞉ peekepate

Aposolo 19:21

Kutupa hande pimiki ekimanu paeyeketa꞉ Poloma꞉ Diutuseleme da nane poluekema꞉ Ma꞉sedonia Akaya yaapo nanema꞉ lopa꞉la꞉ poluekema꞉ hone wia alota꞉ Kutupa pua Loma꞉ da nane make handolo pua꞉peke ya꞉la꞉me leekeme.

Aposolo 21:32

Koto pi opuata꞉ mo tumiki halima꞉ a̱i̱ koto kone ipika꞉ ami mandane haliweki ika꞉ opisa haliweki tonka꞉na꞉ oni wanda꞉hali pa꞉ta꞉ anke hao hatuku peekeme. Kutupa wanda꞉halima꞉ mo ami tumiki hali ipika꞉ ami haliweki ame̱le̱ epemekeeki handaata꞉ Polo litolo haemeke ekita꞉ mina꞉pa꞉laemekeme.

Aposolo 22:26

Koto pi opuaata꞉ mo opisa halima꞉ hande a꞉nda꞉ tumiki hali pa꞉ta꞉ pua alota꞉ Eki puluekema꞉ pitelee laa do halita꞉ Loma꞉ pamodi wia hala꞉ halie leekeme.

Aposolo 23:11

Kutupa nate ma꞉nda꞉na꞉ timba Tekehalima꞉ Polo teke pa꞉ta꞉ a꞉pa hata꞉ alota꞉ Honkopu hapeke. Do Diutuseleme da pa꞉ta꞉ yaka pi la halawaeye tupa꞉ mo Loma꞉ da pa꞉ta꞉ make pi la halawaalena꞉e leekeme.

Aposolo 23:17

Kutupa Poloma꞉ opisa hali homeke epena꞉ wi la꞉ mea alota꞉ Do wekihalita꞉ mo a꞉nda꞉ tumiki hali pa꞉ta꞉ la halena꞉yeke hatuku pua꞉peke leekeme.

Aposolo 24:23

Koto laata꞉ mo Polo handeteke hayeke ami opisa pa꞉ta꞉ alota꞉ Polo handeteke hata꞉ta꞉ ota꞉ dipula pila꞉ hali tupa꞉ na handeteke hake ipika꞉ yankeke titima꞉ ota꞉ mea꞉peke alemanu mea epemeka꞉na꞉ta꞉ sa꞉sa꞉ na pea꞉peke laa leekeme.

Aposolo 25:12

Koto leeketa꞉ Pesitasima꞉ ipika꞉ pota꞉ epeaaseme haliweki ame̱le̱ pi pi amba꞉la laa Poloma꞉ pi hombo peaaso alota꞉ Nakana꞉ma꞉ta꞉ Sisama꞉ naka꞉ pi yokaalu peaena꞉ honke le ekina꞉ kota꞉ Sisa pa꞉ta꞉ pelipikie laa leekeme.

Aposolo 25:25

Koto alemepate do halima꞉ta꞉ ipika꞉ homolo pa꞉la꞉ hau ma꞉nda꞉ pa꞉la꞉ ekita꞉ I̱ma꞉ na handa꞉ witolome. Ipikana꞉ma꞉ kone Sisama꞉ ipika꞉ pi yokaalu peaena꞉ honke lea꞉ ekina꞉ Sisa pa꞉ta꞉ tapaalueke hone ua꞉me.

Aposolo 27:11

Koto leekepate mo opisa halima꞉ Poloma꞉ lea꞉ pi na opiki mo palai kawaso teke halina꞉ pi pita꞉ mo teke handeteke hayeke hali yaapona꞉ pi homeke opia꞉me.

Aposolo 27:43

pa ika꞉ opisa halima꞉ Polo tamba꞉ muluekema꞉ mo haliweki hone wimieki tunkula sa꞉sa꞉ pia꞉me. Ipikana꞉ma꞉ pi la alota꞉ Kiki moka꞉lapeke ya꞉la꞉ haliweki amba꞉la dawala pa꞉ta꞉ ponkaniao kenke nane pua꞉pa꞉peke lea꞉me.

Aposolo 27:6

Koto da pa꞉ta꞉ mo opisa halima꞉ palai kawaso homeke A꞉lekesa꞉ndia da nane hao Ideli nane poluekema꞉ haena꞉ handa꞉ wiaata꞉ niki koto palai kawasona꞉ pitaeya꞉me.

Aposolo 28:1

Kutupa kenke nane epeke opolo pua hata꞉ koto hokina꞉ bikita꞉ Molota lemeeki opuma꞉me.

Aposolo 28:16

Kutupa mo Loma꞉ daoni pa꞉ta꞉ opolo poma꞉pate pa Polota꞉ ipika꞉ kone honumake haena꞉ mo ami hali homekema꞉ ipiki handeteke haena꞉ lememe.

Hibulu 13:24

Nika꞉ a꞉taloe pi manuta꞉ ika꞉ you haliweki paeyao pa꞉ta꞉ make mo Koda꞉na꞉ wanda꞉hali paeyao pa꞉ta꞉ make la halawapa꞉peke. Do Ideli haleme Ketiso yankeke tonuma꞉ ika꞉ a꞉talo pi iki pa꞉ta꞉ tapaasememe.