Aposolo 26:9 - Panake Pi La: Ula: Buka pita: Kine Pieke Buka

⁹ Mo hande Na꞉sa꞉tete hali Yesuna꞉ bikina꞉ pita꞉la꞉ ekimanu sa꞉sa꞉ puluekema꞉ I̱ma꞉ta꞉ hau ma꞉nda꞉ wotu puluekema꞉ hone wopu wiaata꞉

Aposolo 26:9 Mawu Ofanana

Dioni 15:21

Ikita꞉ yakaeki halemeke handaa do haumanu paeyao iki pa꞉ta꞉ pilimikie. Kutupa make I̱ tapaala꞉ hali na handolo hata꞉ pilimikie.

Aposolo 21:13

Kutupa Poloma꞉ alota꞉ Ikita꞉ do e̱ e̱ aleme ekima꞉ ya puki hoeyaaluekema꞉ alemepe lea꞉me. I̱ma꞉ta꞉ Tekehali Yesuna꞉ bikina꞉ mo Diutuseleme da nane dipula pituluekema꞉ homeke na loa꞉me. Ota꞉ homuluekema꞉ kone tikitiki yao halome lea꞉me.

Aposolo 22:3

I̱ta꞉ Diu hali mo hande Silisia nane hala꞉ da Tasa꞉si da pa꞉ta꞉ I̱ mendiekepate do daoni tukiki pa꞉ta꞉ daeya polome. Kutupa Kamalielena꞉ sukulu da pita nika꞉ apa꞉ amedana꞉ Lo haumanu sukulu wotu peaka꞉na꞉ ikana꞉ma꞉ Koda꞉ pa꞉ta꞉ ame hone wotu witeleme tupa꞉ I̱ma꞉ make hone u halome.

Aposolo 22:4

Kutupa do hande Hau pita꞉la꞉ ekita꞉ amba꞉ta꞉ I̱ma꞉ a꞉nda꞉ wotu litolo hata꞉ wanda꞉hali da꞉ka꞉pa꞉ minata꞉ dipula da pa꞉ta꞉ mea lopao haowa꞉me leekeme.

Aposolo 22:8

Kutupa I̱ma꞉ alota꞉ Tekehalio. Neketa꞉ epika꞉ta꞉pe laa la꞉liaowa꞉pate ipikana꞉ma꞉ alota꞉ I̱ta꞉ Na꞉sa꞉tete hali Yesue. Nakana꞉ma꞉ I̱ pa꞉ta꞉ a꞉nda꞉ liteleke pua꞉me laa la꞉niaeya꞉me.

Aposolo 24:5

Do hande halima꞉ta꞉ wanda꞉hali hao hoeyaena꞉ dupi dupi laa sutiao hala꞉ hali hala꞉ ekita꞉ handoma꞉me. Ipikana꞉ma꞉ do kenke paeyao pa꞉ta꞉ Diu haliweki ame̱le̱ a꞉nda꞉ semba꞉lalo pa꞉la꞉ pi la꞉tiki pomu hala꞉me. Ipikita꞉ mo Na꞉sa꞉tini tapake wanda꞉halina꞉ you hali ma꞉nda꞉ hala꞉me.

Aposolo 3:17

Ya kametitio. Ikana꞉ma꞉ make ika꞉ you haliwekima꞉ tonka꞉na꞉ Yesu pa꞉ta꞉ pimiki ekita꞉ teke na handa꞉ wiki hata꞉ pimi ekita꞉ I̱ma꞉ hone witolome.

Aposolo 3:6

Pidama꞉ alota꞉ I̱ta꞉ kolo o silipamanu make ma꞉nda꞉ dia꞉ya꞉la꞉pate I̱ma꞉ wia halo aleta꞉ kionoe. Mo Na꞉sa꞉tete hali Yesu Ketisona꞉ bikina꞉ loa꞉ma꞉ pota꞉ pue leekeme.

Aposolo 9:1

Soloma꞉ wese wese alo hata꞉ mo Tekehalina꞉ disaipolo wanda꞉hali tolu lutia pomiekeme.

Aposolo 9:16

I̱ma꞉ yaka hauna꞉ tanda pa꞉la꞉eki mina꞉ la waluekema꞉ pue leekeme.

Loma꞉ 10:2

Ikana꞉ma꞉ Koda꞉na꞉ hau puluekema꞉ hone wotu peleme ekita꞉ I̱ma꞉ handa alome. Kutu pitelemepateta꞉ ikana꞉ma꞉ Koda꞉na꞉ hau puluekema꞉ hone peleme ekita꞉ ota꞉eki hando hoeyaaso hata꞉ pitelememe.

Pilipai 3:6

Kutupa Koda꞉na꞉ hau puluekema꞉ hone wopu witolo hata꞉ I̱ma꞉ mo siosi wanda꞉hali pa꞉ta꞉ tanda hala꞉tiki pu haowa꞉me. Homekema꞉ mo hande pi ula꞉eki paeyao miniki haasa꞉ hauma꞉ tikitiki haasa꞉ hali hapeke ya꞉ka꞉na꞉ta꞉ kota꞉ I̱ma꞉ta꞉ hau ma꞉nda꞉ na pu hoeyaowa꞉me.

1 Timodi 1:13

Amba꞉ta꞉ I̱ma꞉ ota꞉ Ketisona꞉ biki hoke pi pi alo hata꞉ make ipika꞉ wanda꞉hali ka꞉nda꞉ma꞉ homa꞉ tiao make iki tekipuleke laasa꞉ hali haowa꞉me. Kutu pua꞉ ekita꞉ I̱ma꞉ Ketiso pa꞉ta꞉ hone na tulao make mo pua꞉ ekina꞉ teketa꞉ hone wopu na wiki hata꞉ pueke handaa Koda꞉ma꞉ I̱ pa꞉ta꞉ a꞉ta꞉ma꞉ homeekeme.