Aposolo 26:10 - Panake Pi La: Ula: Buka pita: Kine Pieke Buka

¹⁰ Diutuseleme da pa꞉ta꞉ kutu pua꞉me. Mo yeni peao haleme you haliwekima꞉ pea꞉peke lemeke handaata꞉ I̱ma꞉ mo Koda꞉na꞉ yakopiki wanda꞉hali woputa꞉ dipula homeke na pitaake ota꞉ litolo haena꞉ make I̱ma꞉ make kiki mea a꞉meiyaowa꞉me lea꞉me.

Aposolo 26:10 Mawu Ofanana

Aposolo 7:58

da mina꞉pa꞉lao pua toopima꞉ limikime. Kutupa mo wekitisi haliwekina꞉ dau manuta꞉ wekihali ma꞉nda꞉ bikita꞉ Solo koto halina꞉ anke teke pa꞉ta꞉ holo pambaata꞉

Aposolo 8:1

Sidipeni limiki ekita꞉ Soloma꞉ lina꞉e hone wiekeme. Koto limiki pita꞉ kone mo Diutuseleme nane haemeke siosi wanda꞉halita꞉ tanda wotu mulu pimikieki kini pea mimikime. Kutu pieke handa Ketiso wanda꞉hali paeyaota꞉ mo Diudia Sametia koto potopinisi yaapo pa꞉ta꞉manu haloendi pimikipate mo aposolo haliwekita꞉ Diutuseleme nane pa ha pelia haemekeme.

Aposolo 8:3

Kutu pimikipate Soloma꞉ siosi wanda꞉hali hoeyaaluekema꞉ taapeekeme. Ipikana꞉ma꞉ta꞉ da ma꞉nda꞉ ma꞉nda꞉ pa꞉ta꞉ pominolo hata꞉ siosi wanda꞉hali kiki yola꞉ mea hama꞉ nane mea batiki pea dipula mea lopatiki piekeme.

Aposolo 9:21

Mo opimiki haliwekita꞉ leke wopu opa꞉ alu alu pimikime. Kutupa alota꞉ Do hali dia꞉ya꞉ka꞉ta꞉pe. Mo hande Diutuseleme da pa꞉ta꞉ hande some Yesuna꞉ biki laa yeni pimi wanda꞉hali tanda tanda halea꞉ hali dia꞉ya꞉ka꞉ta꞉pe. Aowe. Ipikita꞉ do epa꞉la꞉ ekita꞉ mo kutupiki wanda꞉hali mea tonkao hatuku mo yeni peao haleme teke haliweki pa꞉ta꞉ mea poluekema꞉ a꞉pa pa꞉la꞉me lemekeme.

Aposolo 9:26

Mo Diutuseleme da nane opolo a꞉pa mo disaipolo wanda꞉hali ame̱le̱ apa꞉tao haluekema꞉ piekepate mo Ketiso haliwekima꞉ta꞉ Ipikita꞉ disaipolo hali dia꞉me hone witolo hata꞉ paala꞉ma꞉ homemekeme.

Aposolo 9:32

Pidata꞉ kenke paeyao pa꞉ta꞉ pomu lopaata꞉ hoto ma꞉nda꞉ta꞉ mo Lida da nane haemeke Koda꞉na꞉ wanda꞉hali handolo peekeme.

Aposolo 9:41

Pidama꞉ panda꞉puniao ipika꞉ kiki yola꞉ mea tiaeyekeme. Kutu pieketa꞉ Pidama꞉ mo Ketiso wanda꞉hali make mo kosa꞉piki wanda꞉sunu make ipupe laata꞉ hande wanda꞉ta꞉ do tiao hala꞉ handa꞉pe laa leekeme.

1 Kotindi 15:9

Mo aposolo haliweki ame̱le̱ hata꞉ I̱ta꞉ ota꞉ hosiki halisiki halome. Koto biki muluekema꞉ epeke hali na haowa꞉me. I̱ma꞉ta꞉ Koda꞉na꞉ siosi wanda꞉hali pa꞉ta꞉ tanda tieke haloa꞉ ekina꞉ loa꞉me.

Ka꞉leisia 1:13

I̱ma꞉ mo hande Diu tapakena꞉ hau miniki haowa꞉ tomona꞉ pea꞉tiki pua꞉ hau manuna꞉ pita꞉ amba꞉ opu haememe. Kuta I̱ma꞉ mo hande Koda꞉na꞉ siosi wanda꞉hali pa꞉ta꞉ a꞉ta꞉ma꞉ na homeke tanda halolo hata꞉ ota꞉ hoeyaaluekema꞉ taapo haowa꞉me.

Epesese 1:1

I̱ Polota꞉ Koda꞉ ipika꞉ hone pa꞉la꞉ ekina꞉ Yesu Ketiso ipika꞉ aposolo hali halome. I̱ma꞉ do wape pitolo ekita꞉ ikita꞉ Koda꞉ ipika꞉ wanda꞉hali pa꞉ta꞉ pitolome. Ikita꞉ Yesu Ketiso pa꞉ta꞉ hone tulao hata꞉ Epesese da pa꞉ta꞉ halememe.

Peneme Yaeyekeeki 17:6

Kutupa mo wanda꞉ta꞉ Koda꞉na꞉ wanda꞉halina꞉ make Yesu pa꞉ta꞉ hone tulaa pelia haemeke handa limiki wanda꞉halina꞉ we na̱a̱ keaya꞉eki handoa꞉me. I̱ma꞉ moeki hando haota꞉ ota꞉ hoke tupa꞉ penkilipa꞉tia pomua꞉me.