Aposolo 26:1 - Panake Pi La: Ula: Buka pita: Kine Pieke Buka

¹ Akatipama꞉ Polo pa꞉ta꞉ alota꞉ Naka꞉ kone pi lapeke ya꞉la꞉me. Lae lea꞉me. Kutupa Poloma꞉ ipika꞉ kiki tindipao pi alo alota꞉

Aposolo 26:1 Mawu Ofanana

Dioni 7:51

Nika꞉ Lo Pi manuma꞉ta꞉ hali ma꞉nda꞉ pa hameke pi yokaalu pea꞉peke na ya꞉la꞉me. Ipika꞉ pi opuata꞉ ipika꞉ pieke hau handa꞉ wia pitolota꞉ ana꞉ pa꞉la꞉me leekeme.

Aposolo 22:1

Kame apa꞉titio. Iki pa꞉ta꞉ I̱ma꞉ ame do alo pi opua꞉pe leekeme.

Aposolo 25:16

Koto lemepate I̱ma꞉ iki pa꞉ta꞉ alota꞉ Loma꞉ haliweki nika꞉ hauta꞉ hali ma꞉nda꞉ pa hameke kone ka꞉nda꞉ma꞉ homaapeke na ya꞉la꞉me. Haliwekima꞉ hali ma꞉nda꞉ pa꞉ta꞉ hokeeki pia꞉me laa samani pimika꞉na꞉ta꞉ kota꞉ mo halima꞉ta꞉ mo ipiki samani pilimi haliwekina꞉ leke minekena꞉ hata꞉ ipika꞉ pa꞉la꞉eki alo hata꞉ mo haliwekina꞉eki hombo peaapeke ya꞉la꞉me.

Aposolo 25:27

I̱ma꞉ dipula pila꞉ hali ma꞉nda꞉ tapaaso hata꞉ ipiki pa꞉ta꞉ samani pimi pi teke tonka꞉na꞉ wape ana꞉na꞉ pea na tapaowa꞉ka꞉na꞉ta꞉ kota꞉ ana꞉ na pa꞉la꞉me hone witolome laa leekeme.

Aposolo 26:2

Kini Akatipao. I̱ma꞉ta꞉ neke pa꞉ta꞉ hata꞉ kone mo hande Diu haliwekima꞉ I̱ ba꞉sa꞉ pimi ekimanu yaka pi alo ekina꞉ a꞉pa꞉la꞉me.

Aposolo 9:15

Koto leekepate Tekehalima꞉ alota꞉ Pue. Do halita꞉ yaka amba꞉ molo halima꞉ pa꞉la꞉me leekeme. Yaka bikita꞉ Diendaili wanda꞉halima꞉ make kini haliwekima꞉ make Isulai wanda꞉halima꞉ make opina꞉ pua꞉ma꞉ pue leekeme.

Loma꞉ 10:21

Koto leekepate paa ipikana꞉ma꞉ mo Isulai wanda꞉hali pa꞉ta꞉ Koda꞉na꞉eki lawaaso hata꞉ alota꞉ Yaka pi na opiki I̱ kiaaseme wanda꞉hali pa꞉ta꞉ kone I̱ma꞉ta꞉ epoe la alo hano nate opa pa pambolo yapea꞉me laa leekeme.