Aposolo 21:3 - Panake Pi La: Ula: Buka pita: Kine Pieke Buka

³ Koto pulu hata꞉ta꞉ Saipotasi hoki handoma꞉pate koto hoki nepoko nane pua mo Sitia nane poma꞉me. Taiya da pa꞉ta꞉ opolo puata꞉ kenkena꞉ hola꞉pa poma꞉me. Koto Taiya da pa꞉ta꞉ mo kawasona꞉ mea wia pemeke alemanu londolo wimime.

Aposolo 21:3 Mawu Ofanana

Ma꞉tiu 11:21

ipikana꞉ma꞉ koto da teke pa꞉ta꞉manu haemeke wanda꞉hali hando alo alota꞉ A꞉ta꞉e. Kotaasini daoni neke pa꞉ta꞉ ka꞉nda꞉ tieke ma꞉nda꞉ ipuluekema꞉ pila꞉me. Betesaidao. Neke pa꞉ta꞉ make kutu piki hau kone ipuluekema꞉ pila꞉me. I̱ma꞉ mo ipiliki pa꞉ta꞉ pua꞉ na handeke haumanu a꞉nda꞉ mo hande daoni yaapo Taiya Saidoni pa꞉ta꞉ pua꞉ka꞉na꞉ yoluta꞉ kota꞉ koto da yaapo pa꞉ta꞉ haleme wanda꞉hali ika꞉ puki la꞉ka꞉la꞉meka꞉ta꞉me laa Koda꞉ma꞉ handena꞉ta꞉ busa꞉ pitikimanu wepia yamaata꞉ lanka꞉ apolo kitulu pimime.

Ma꞉tiu 4:24

Koto ipika꞉ pieke hau manuna꞉ta꞉ Sitia kenke paeyao pa꞉ta꞉ kende tupa꞉ wiekeme. Koto pi opuaata꞉ wanda꞉halima꞉ yeni ta꞉ta꞉ ta꞉ta꞉ hake tanda mu haemeke wanda꞉hali make hoke temokomanu pitu make lu keaaso hata꞉ lopo haemeke wanda꞉hali make kiki anke lupa wiki wanda꞉hali make ota꞉ paeyao ipiki pa꞉ta꞉ mea epemekeme.

Luku 10:13

A꞉ta꞉ tieke Kotaasini daonio. A꞉ta꞉ tieke Betesaida daonio. I̱ma꞉ mo ipiliki pa꞉ta꞉ na handeke haumanu paeyao a꞉nda꞉ mo hande daoni yaapo Taiya Saidoni pa꞉ta꞉ pua꞉ka꞉na꞉ yoluta꞉ kota꞉ koto da yaapo pa꞉ta꞉ haleme wanda꞉hali ika꞉ puki lekelemeka꞉ta꞉me laa Koda꞉ma꞉ handena꞉ta꞉ busa꞉ pitikimanu wepia yamaata꞉ lanka꞉ apolo kitulu pimime. I̱ma꞉ ipiliki pa꞉ta꞉ta꞉ ota꞉ pi alome. Mo pi yokaalu pulu pa꞉la꞉ nate opolo epea꞉ka꞉na꞉ta꞉ kota꞉

Luku 2:2

Koto titina꞉ biki mimiki pita꞉ta꞉ mo Sitia nane handeteke hayeke kapomani tieke halita꞉ Kuliniasi hayekeme.

Aposolo 11:19

Hande Sidipeni lia Ketiso wanda꞉hali luekema꞉ pimiki pita꞉ da mina꞉pa꞉lao pemeke wanda꞉halita꞉ mo Pinisia nane make Saipotasi nane make A꞉ndioko nane make pulu hata꞉ Diu wanda꞉hali pa꞉ta꞉ homeke pi wala꞉tiki pimikime.

Aposolo 12:20

Hetodima꞉ Taiya Saidoni da yaapo pa꞉ta꞉ haemeke wanda꞉hali pa꞉ta꞉ mineke tieke wopu pankeekeme. Koto ekina꞉ mo da yaapo pa꞉ta꞉ haemeke mandane haliwekima꞉ apa꞉tao Hetodi handolo pemekeme. Titina꞉ amba꞉la mo kini halina꞉ da handeteke hayeke hali Ba꞉lasitusita꞉ ika꞉ a꞉nda꞉ liaena꞉yeke ipiki ame̱le̱ pi lolo pemekeme. Mo halima꞉ ika꞉ pi opiekeme. Kotoeki pea꞉ta꞉ a꞉nda꞉ polumana꞉e laa Hetodi pa꞉ta꞉ honke lolo pemekeme. Ika꞉ wanda꞉halina꞉ neta꞉ Hetodima꞉ handeteke hayeke kenke pa꞉ta꞉ mu haemeke ekina꞉yeke lemekeme.

Aposolo 13:4

Koto ekina꞉ hande hali yaapota꞉ mo Holi Sipitidima꞉ tapaaso haena꞉ oni Selusia nane pepekeme. Koto pa꞉ta꞉ opolo pua Saipotasi nane palai kawaso tiekena꞉ pita pepekeme.

Aposolo 15:23

Kutupa do wapeta꞉ mo haliwekima꞉ mea pena꞉ lemekeme. Koto pase tukiki pa꞉ta꞉ do pi wiekeme. Nikita꞉ aposolo haliwekima꞉ mo siosina꞉ handeteke haloma꞉ tondiki haliwekima꞉ tonka꞉na꞉ ika꞉ kametonu hata꞉ do wapema꞉ nika꞉ oli A꞉ndioko Sitia Silisia nane haleme Diendaili kametiti pa꞉ta꞉ keiyae aloma꞉me.

Aposolo 15:39

Kutupa ipilika꞉ pi ta꞉ta꞉ ta꞉ta꞉ pea ka꞉nda꞉ma꞉ homepeke handa pota꞉ ma꞉nda꞉na꞉ ma꞉nda꞉ pea pota꞉ ma꞉nda꞉na꞉ ma꞉nda꞉ pea pepekeme. Banabasima꞉ Maka ame̱le̱ pita palai kawasona꞉ Saipotasi nane pepekepate

Aposolo 15:41

Kutupa puata꞉ Sitia Silisia yaapo nane siosi wanda꞉hali honkopu haena꞉ alo hata꞉ pomu haepekeme.

Aposolo 18:18

Polota꞉ nate mandane ekimanu koto pa꞉ta꞉ haota꞉ mo Ketiso wanda꞉hali mina꞉pa꞉lao hande Pisila Akuila tooli ame̱le̱ palai kawasona꞉ pita Sitia nane pemekeme. Senkitia da nane hata꞉ pi la꞉ wiekeeki loluekema꞉ ipika꞉ itiki tunkuliekeme.

Aposolo 21:16

Kutupa mandane Sesatia Ketiso wanda꞉halima꞉ niki ame̱le̱ puata꞉ mo Saipotasi hali Menasonita꞉ titina꞉ pi mieke hali ipika꞉ da pa꞉ta꞉ hamonoyeke niki hatuku pememe.

Aposolo 21:2

Koto da pa꞉ta꞉ hata꞉ Pinisia nane polu pia꞉ palai kawaso ma꞉nda꞉ handa꞉ wiaata꞉ koto kawasona꞉ pita poma꞉me.

Aposolo 21:7

Nikita꞉ Taiya da mina꞉pa꞉lao kawasona꞉ pita mo Tolemese da pa꞉ta꞉ opolo poma꞉me. Koto pa꞉ta꞉ haeme Ketiso wanda꞉hali kiki mina꞉ alu alu pea hoto homeke iki ame̱le̱ poluma꞉me.

Aposolo 27:4

Kutupa koto pa꞉ta꞉ mina꞉pa꞉lao dawala tukiki pa꞉ta꞉ pua po tilipumanu wenoko nanema꞉ epeeke handa mo Saipotasi nanema꞉ oto pa꞉ta꞉ yapoma꞉me.

Aposolo 4:36

Kutupu haemekepate hali ma꞉nda꞉ta꞉ Diosepe hayekeme. Koto halita꞉ Lipae tapake hali hayekepate ipiki mendiki hauta꞉ Saipotasi nane mendieke halie. Aposolo haliwekima꞉ mo halina꞉ biki ma꞉nda꞉ Banabasi lemekeme. Mo biki lemeke ekina꞉ pi napeketa꞉ dupae. Honkopu haena꞉ Sutiaasa꞉ Halie la kone lemekeme.