Aposolo 2:9 - Panake Pi La: Ula: Buka pita: Kine Pieke Buka

⁹ Nikita꞉ Padia nane make Midia nane make Ilame nane make Mesopoteimia nane make Diudia nane make Ka꞉padosia nane make Pondasi nane make Eisia nane make

Aposolo 2:9 Mawu Ofanana

Kini Pieke 10:22

Semena꞉ eiyeke titita꞉ Ila꞉me make A꞉sia make Apa꞉kesade make Ludu make Atamo makee. Ikita꞉ mo ika꞉ biki kone yano loma꞉ loma꞉ pimiki da wanda꞉halina꞉ apa꞉mei tonue.

Kini Pieke 14:1

Kini haliweki tonkoputa꞉ mo Ba꞉bilonina꞉ kini A꞉motapele make A꞉lasana꞉ kini A꞉tioko make Ila꞉mena꞉ kini Siedolaoma make Koimina꞉ kini Taedolo make mo

Kini Pieke 24:10

Koto laata꞉ mo Eipoloha꞉ma꞉na꞉ ala꞉ta꞉ ala꞉ta꞉ paeyao handeteke hayeke halima꞉ ipika꞉ you somena꞉ kiki yaapo kemelomanu mea mo Neiho hayeke daoni mo Mesopoteimiana꞉ okane nanema꞉ tilao mea peekeme.

Aposolo 16:6

Kutupa mo Pitikia Ka꞉leisia nane yaapo lombei pupa pemekepate mo Holi Sipitidima꞉ mo Eisia nane pi na walena꞉ leekeme.

Aposolo 18:2

Diu hali homeke Akuila mo Pondasi da nane hali kone pua handeekeme. Koto halita꞉ ipika꞉ weteke Pisila yaapo mo Ideli nane mina꞉pa꞉lao panake a꞉pa haepekeme. Mo Sisa Kolodiusima꞉ Diu wanda꞉hali paeyaota꞉ Loma꞉ da mina꞉pa꞉lao pupe leeke handa epepekeme. Poloma꞉ta꞉ ipiliki handuluekema꞉ ipilika꞉ da pa꞉ta꞉ peekepate

Aposolo 19:10

Koto hau pitolo haena꞉ bapi yaapo yaapeekeme. Koto ekina꞉ mo Eisia wanda꞉hali paeyaoma꞉ Kitiki wanda꞉hali make Diu wanda꞉hali make Tekehalina꞉ pi alemanu opimikime.

Aposolo 19:27

Kutupa nika꞉ bisinisina꞉ hoke biki wiaapa꞉na꞉ homeke dia꞉ya꞉la꞉pate mo hande koda꞉wanda꞉ Atemisina꞉ toopima꞉ a꞉eya꞉la꞉ yeni hau pita꞉la꞉ da make pa aleta꞉ ma꞉nda꞉ma꞉ handilieke laata꞉ kutupa ipika꞉ pu hala꞉eki make hoeyaalieke. Mo hande Eisia wanda꞉hali make do kenke honiki honiki pa꞉ta꞉ haleme wanda꞉halima꞉ make do koda꞉wanda꞉ pa꞉ta꞉ yeni pu halemepate dia꞉me dupiki hau pilieke leekeme.

Aposolo 19:31

Kutupa Polona꞉ yankeketiti mandaneeki manuma꞉ta꞉ ka̱le̱sete haliweki hata꞉ kone ipiki pa꞉ta꞉ pi tapao alota꞉ Mo mombolo haleme alena꞉ na pua꞉pe laa honke lemekeme.

Aposolo 2:8

Ikana꞉ma꞉ta꞉ nika꞉ da pimanu aleme ekita꞉ ekipa pa꞉la꞉pe laa alo hata꞉ alota꞉

Aposolo 20:16

Poloma꞉ ipika꞉ honema꞉ta꞉ mo Eisia nane haena꞉ nate paeyaama꞉na꞉ Epesese da lombei pupa puata꞉ mo hande Diutuseleme da pa꞉ta꞉ opolo polo pa꞉la꞉ nateta꞉ Pendikosi nate a̱i̱ na paeyeke haena꞉ opolo puluekema꞉ hone wia꞉me.

Aposolo 20:18

Kutupa mo haliwekita꞉ ipiki pa꞉ta꞉ opolo epeme pita꞉ta꞉ ipikana꞉ma꞉ iki pa꞉ta꞉ alota꞉ I̱ta꞉ Eisia nane panake a꞉pa iki pa꞉ta꞉ haowa꞉ ekita꞉ ikana꞉ma꞉ handememe lea꞉me.

Aposolo 20:4

Mandane haliweki ipiki ame̱le̱ mandakena꞉ pemekeme. Paitusina꞉ eiyeke mo Betia da hali Sopade make A꞉tisakusi Sekundusi yaapota꞉ Desalonaika da hali yaapo make mo Debi da hali Kaiasi make mo Eisia potopinisi hali tepota꞉ Timodi Tikikasi Totobimasi koto hali tepo make Polo ame̱le̱ mandakena꞉ pemekeme.

Aposolo 21:27

Hande nate watake hata꞉ paeluekema꞉ haena꞉ mo Eisia nane hao epemeke Diu haliwekima꞉ Polo mo hande tembolo da tukiki pa꞉ta꞉ hayekeeki handaata꞉ wanda꞉hali paeyao sutiao Polo da꞉ka꞉pa꞉ mina hata꞉ alota꞉

Aposolo 24:18

Mo tembolo da tukiki pa꞉ta꞉ koto hau pitolo hata꞉ta꞉ mo hali wamo pitolo pu hala꞉ hau pu paeyao hano kone mo haliwekima꞉ I̱ a꞉pa handememe. Koto pa꞉ta꞉ta꞉ haliweki wopu I̱ ame̱le̱ mandake pa꞉ta꞉ na a꞉pa haememe. Haliwekima꞉ poiya꞉ poiya꞉ na a꞉pa lememe.

Aposolo 27:2

Kutupa A꞉datamitiomo da nane hao epeeke palai kawaso Eisia damanu pa꞉ta꞉ poluekema꞉ haena꞉ mo hande Ma꞉sedonia nane Desalonaika hali A꞉tisakusi ame̱le̱ mo kawasona꞉ pua pita poma꞉me.

Aposolo 6:9

Kutu piekepate mo ka꞉nda꞉ pikieki mina꞉pa꞉lao pi hotu haemeke da pa꞉ta꞉ haemeke haliweki mandaneeki make kutupa Saitini haliweki make A꞉lekesa꞉ndia haliweki make kutupa mandane Silisia haliweki make Eisia haliweki make mandake pa꞉ta꞉ momba꞉la hata꞉ Sidipeni ame̱le̱ pi yoka꞉ alu pimikime.

Aposolo 7:2

Sidipenima꞉ ipika꞉ pi hombo peaaso alota꞉ Ya kame apa꞉manuo. I̱ma꞉ alo pi opua꞉pe. Nika꞉ tapake kini pa꞉la꞉ hali Eipoloha꞉ma꞉ta꞉ Hatani nane a̱i̱ na halo peeke pita꞉ mo Mesopoteimia nane pa haena꞉ta꞉ mo hande manda hata꞉ pa̱a̱ peao hala꞉ Koda꞉ta꞉ ipiki pa꞉ta꞉ peneme yao a꞉pa hayekeme.

Loma꞉ 16:5

Ipilika꞉ da pa꞉ta꞉ mombolo haleme siosi wanda꞉hali pa꞉ta꞉ make a꞉taloe pi la꞉niaasome. Ota꞉ yaka yankeke Epenitasi pa꞉ta꞉ make a꞉taloe pi la꞉niaasome. Ipikita꞉ mo Eisia nane wanda꞉hali paeyao ame̱le̱ hata꞉ titina꞉ Ketiso biki ipikana꞉ma꞉ amba꞉la mia꞉me.

1 Kotindi 16:19

Mo Eisia Potobinisi nane haleme siosi manuma꞉ iki pa꞉ta꞉ mo keiyae pi la꞉niaasememe. Hande Akuila Pisila toolima꞉ make ipilika꞉ da pa꞉ta꞉ mombolo haleme siosi ikana꞉ma꞉ tonka꞉na꞉ ika꞉ keiyae pi make la꞉niaasememe.

2 Kotindi 1:8

Kame tonuo nikana꞉ma꞉ mo hande Eisia kenke pa꞉ta꞉ muma꞉ ka꞉nda꞉manu iki pa꞉ta꞉ pa hone u tiaaluekema꞉ hone pa꞉la꞉me. Mo niki manda wia꞉ ka꞉nda꞉ manuta꞉ tieke hombeleke make ka꞉nda꞉ tieke pia꞉ ekima꞉ nikita꞉ do kenkena꞉ hana̱la̱꞉ na pia꞉me hone uma꞉me.

2 Timodi 1:15

Mo Eisia potopinisi haleme wanda꞉hali paeyao make mo hande Paidia꞉lisi pita꞉ Hemodionisi koto hali yaapo tonka꞉na꞉ I̱ mina꞉pa꞉lao peleme ekita꞉ neke hone wotu witeleme.

1 Pida 1:1

I̱ Pida Yesu Ketisona꞉ Aposoloma꞉ iki Koda꞉ma꞉ ma̱leke lia mea hala꞉ wanda꞉hali mo a꞉nda꞉ma꞉ ta꞉la꞉leke da yoka tankulupu mea pua iki ta Pondasi kenke o Ka꞉leisia kenke o Ka꞉padosia kenke o Eisia kenke kutupa make mo Bidinia do kenke paeyao pa꞉ta꞉ panka꞉ halo peleme wanda꞉hali iki pa꞉ta꞉ do wape pitolome.

Peneme Yaeyekeeki 1:11

Dupa lea꞉me. Nakana꞉ma꞉ do handolo peleeki manuta꞉ wape laaniao kutupa mo bukata꞉ mo watake hata꞉ daoni manuna꞉ siosi pa꞉ta꞉ tapaapeke. Epesese Semena Pekamamo Daetaeda Sadisi Pila꞉delepia make Leiodisiamanu pa꞉ta꞉ loa꞉me lea꞉me.

Peneme Yaeyekeeki 1:4

I̱ta꞉ Dionima꞉ mo Eisia kenke nane hala꞉ watake hata꞉ a꞉ta꞉ alome. Ame do make hala꞉ amba꞉ make hayeke wetepena꞉ make epolo pa꞉la꞉ Koda꞉ma꞉ a꞉ta꞉ma꞉ homolo tamba꞉ mina꞉la꞉eki pita꞉ puki lopa꞉niaasa꞉eki yaapota꞉ iki pa꞉ta꞉ kina꞉e. Koto tupa꞉ mo Koda꞉na꞉ handeteke pila꞉ sea tikitikina꞉ haleme watake hata꞉ sipitidi manuma꞉ make kina꞉e.