Aposolo 2:4 - Panake Pi La: Ula: Buka pita: Kine Pieke Buka

⁴ Kutupa mo Holi Sipitidima꞉ iki paeyao tumba pitina꞉ mo wanda꞉hali paeyaoma꞉ pi ta꞉ta꞉ ta꞉ta꞉ lena꞉ leekeme.

Aposolo 2:4 Mawu Ofanana

Ma꞉tiu 10:19

Iki da꞉ka꞉pa꞉ minilimi pita꞉ma꞉ta꞉ Do pi yokaalu pa꞉ta꞉ta꞉ eki pi lolua꞉pe o eki pa hombo pealua꞉pe laa hone ti na yoko hapa꞉peke. Pa ekipeke. Mo pi yokaalu tukiki pa꞉ta꞉ ika꞉ pi kini pilimi toma꞉na꞉ta꞉ mo ika꞉ lolo peleme pita꞉ pa peneme yaeya꞉ka꞉na꞉ta꞉ ana꞉na꞉ mea lelimikie.

Maka 16:17

Kutupa pi mulu peleme wanda꞉halima꞉ do wele pita꞉la꞉ ekimanu handilimikie leekeme. Ya bikina꞉ hoke temokomanu tolu limikie. Panake pimanu lelimikie.

Luku 1:15

mo weki daeya hata꞉ta꞉ Koda꞉na꞉ leke popelekena꞉ hata꞉ hali tieke halieke laata꞉ Ipikana꞉ma꞉ta꞉ mo waini ikali make mo hoke ikali make na nelieke. Kutupa ipikita꞉ inkikina꞉ weleke pa꞉ta꞉ pitina꞉ kone mo Holi Sipitidi tumbaalieke.

Luku 1:41

Metima꞉ leeke pi Elisa꞉bedima꞉ opitolo haena꞉ kone mo ipika꞉ weleke pa꞉ta꞉ pitieke weki la꞉ma꞉ la꞉ma꞉ piekeme. Kutupa Elisa꞉bedima꞉ mo Holi Sipitidima꞉ tumba pitina꞉ pi

Luku 1:67

Mo wekina꞉ ateke Sekataiyama꞉ mo Holi Sipitidi tumba pitina꞉ hata꞉ pi la꞉ witolo alota꞉

Luku 12:12

Pa ekipeke. Mo Holi Sipitidima꞉ta꞉ koto nate leke sikina꞉ kone ika꞉ lolo peleme pi manuta꞉ walekena꞉ walieke.

Luku 21:15

Pa ekipeke I̱ma꞉ iki pa꞉ta꞉ kutupiki pimanu make epeke hone make kua꞉ka꞉na꞉ta꞉ ika꞉ a꞉nda꞉ tunkuliki haliweki homeke a꞉nda꞉ma꞉ make na tumbalimikie. Kutupa ika꞉ pi na yoko baalimikie.

Luku 4:1

Yesuta꞉ mo Diodani ikali mina꞉pa꞉lao paa epeeke pita꞉ma꞉ta꞉ mo Holi Sipitidima꞉ ipiki pa꞉ta꞉ ota꞉ tumbiekeme. Koto dina꞉ta꞉ mo hande Holi Sipitidima꞉ Yesuta꞉ hapupapeke alena꞉ hatuku peekeme.

Dioni 14:26

Kutu pitolopate hande iki Tamba꞉ Mulu pa꞉la꞉ Hali yaka Apa꞉ma꞉ yaka bikina꞉ tapaalo pa꞉la꞉ halita꞉ Holi Sipitidi kone ala꞉ta꞉ paeyao ipikana꞉ma꞉ walieke. Kutupa make I̱ma꞉ hande iki pa꞉ta꞉ walo ekimanu paeyaota꞉ ikana꞉ma꞉ hone uemena꞉yeke ipikana꞉ma꞉ ika꞉ hone u tiaalieke.

Dioni 20:22

Kotoeki laata꞉ iki pa꞉ta꞉ pomo puaaso alota꞉ Mo hande Holi Sipitidi iki pa꞉ta꞉ kitoloma꞉ mipe leekeme.

Aposolo 1:5

Kutupa Dionima꞉ta꞉ pa ikalima꞉ bapitaisi peao haya꞉pate hosikisiki hao hao peaata꞉ Holi Sipitidima꞉ bapitaisi peaalieke loa꞉ pita꞉ amba꞉ opimime leekeme.

Aposolo 1:8

Koto pa꞉la꞉pate ikita꞉ wele pita꞉la꞉eki milimikie leekeme. Mo Holi Sipitidi epea꞉ka꞉na꞉ta꞉ ikita꞉ yaka wekitisi haliweki Diutuseleme pa꞉ta꞉ make Sametia pa꞉ta꞉ make Diudia paeyao pa꞉ta꞉ make hama hama pea kenke honiki honiki paeyao pa꞉ta꞉manu make la halimikie leekeme.

Aposolo 10:46

Mo wanda꞉halima꞉ da ma꞉nda꞉ ma꞉nda꞉na꞉ pi kone pa laaka꞉na꞉ Koda꞉na꞉ pi laemekeme. Kutupa Pidama꞉ alota꞉

Aposolo 10:47

Hali epima꞉ do wanda꞉hali pa꞉ta꞉ ikalima꞉ bapitaisi hau na pina꞉ lapeke ya꞉la꞉pe. Nika꞉ kone Holi Sipitidi muma꞉ tupa꞉ ta mimi handa꞉pe leekeme.

Aposolo 11:15

Koto laata꞉ pi kini pu mea walolo hano hande Holi Sipitidita꞉ amba꞉ hande titi panake pa꞉ta꞉ niki pa꞉ta꞉ holopea꞉ tupa꞉ koto tupa꞉ kone iki pa꞉ta꞉ make holopea꞉me.

Aposolo 11:24

Banabasita꞉ ipikita꞉ epeke hali hata꞉ Koda꞉na꞉ pi wopu miniki hayeketa꞉ Holi Sipitidima꞉ ipiki tumbaeyekeme. Kutupa wanda꞉hali wopu Tekehali pa꞉ta꞉ apa꞉tao ta꞉ma꞉ni pea haemekeme.

Aposolo 13:52

Kutupa mo disaipolo wanda꞉halima꞉ Holi Sipitidima꞉ tumba pita꞉ ta꞉na꞉ma꞉ homa꞉ tiaaso haena꞉ haemekeme.

Aposolo 13:9

Kutu pieke handa Solo ipika꞉ biki ma꞉nda꞉ Polo ipikana꞉ma꞉ta꞉ Holi Sipitidima꞉ ipiki tumba pitina꞉ mo ti̱o̱ hali handaake wia alota꞉

Aposolo 15:8

Kutupa wanda꞉halina꞉ puki tukiki nane hando hala꞉ Koda꞉ma꞉ta꞉ Diendaili wanda꞉halima꞉ hone tulaasemeeki a꞉pa꞉la꞉me la walolo hata꞉ niki pa꞉ta꞉ ka꞉la꞉ tupa꞉ iki pa꞉ta꞉ make Holi Sipitidi haleekeme.

Aposolo 19:6

Kutupa Poloma꞉ ipika꞉ kiki yaapo ika꞉ youna꞉ wieketa꞉ mo Holi Sipitidi iki pa꞉ta꞉ epeekeme. Kutupa pi ta꞉ta꞉ ta꞉ta꞉ kone laaka꞉na꞉ta꞉ Koda꞉na꞉ pimanu lemekeme.

Aposolo 2:11

mo Kotiti A꞉teibia yaapo nane hao epoloma꞉ haliweki haloma꞉pateta꞉ Koda꞉ma꞉ hau tieke pa꞉la꞉ ekimanu mo haliwekima꞉ aleme ekita꞉ niki paeyaoma꞉ nika꞉ da pi ta꞉ta꞉ ta꞉ta꞉ piki pimanu kone opitoloma꞉me lemekeme.

Aposolo 2:3

Mo wanda꞉halima꞉ta꞉ mo ti ulekema꞉ handeke ekimanu handemekeme. Kutupa mo ti ulekema꞉ handekeeki manuma꞉ta꞉ telipeaaso hata꞉ iki paeyao pa꞉ta꞉ wataeyekeme.

Aposolo 4:31

Yeni pu paeyeketa꞉ ika꞉ mo hande mombelemeke da kone la꞉ma꞉ la꞉ma꞉ piekeme. Koto pa꞉ta꞉ pitimiki wanda꞉hali paeyaota꞉ Holi Sipitidi tumba pituma꞉ pituma꞉ piekeme. Kutupa Koda꞉na꞉ pita꞉ ikana꞉ma꞉ puki taka꞉lao hata꞉ lemekeme.

Aposolo 4:8

Kutupa Pidata꞉ Holi Sipitidima꞉ tumba hake halima꞉ alota꞉ Wanda꞉halina꞉ you haliweki pita꞉ tondiki haliweki yaapoo.

Aposolo 6:3

Koto ekina꞉ kame titio. Hali paeyao watake hata꞉ hali Holi Sipitidima꞉ tumbula꞉ hali hone wopu u hala꞉ hali kutupa koto hali manuma꞉ do ne telipatiki pina꞉ mimika꞉na꞉ta꞉ nikana꞉ma꞉ mea haena꞉ lolumeke lemekeme.

Aposolo 6:5

Koto lemeke ekina꞉ mo Ketiso hali paeyao ta꞉na꞉ma꞉ wopu homa mimiki haliwekita꞉ Sidipeni Koda꞉na꞉ pi wopu miniki hata꞉ make Holi Sipitidima꞉ tumba hayeke halie. Kutupa Pilipi Polokotasi Nikano Timono Pamenasi Nikolasi make A꞉ndioko hali kone Diu haliwekina꞉ hau mieke halie.

Aposolo 6:8

Koda꞉ma꞉ ipika꞉ a꞉ta꞉ma꞉ homa꞉la꞉ ekima꞉ make wele pa꞉la꞉ ekima꞉ make Sidipenita꞉ tumbiekeme. Kutupa ipikana꞉ma꞉ mo wanda꞉hali pa꞉ta꞉ wele pa꞉la꞉ ekimanu make na hando haemeke ekimanu make pu tia pomiekeme.

Aposolo 7:55

Sidipeni Holi Sipitidima꞉ tumba hake halima꞉ oli ya pa꞉ta꞉ handa꞉liao Koda꞉na꞉ pa̱a̱ pita꞉la꞉eki make Yesuta꞉ Koda꞉na꞉ popeke nane kikina꞉ tiao haya꞉eki make handolo hata꞉ alota꞉

Aposolo 8:17

Pida Dioni yaapoma꞉ ipilika꞉ kiki mo wanda꞉halina꞉ youna꞉ wia hata꞉ yeni pipiki handa Holi Sipitidita꞉ mo wanda꞉halina꞉ weleke pa꞉ta꞉ a꞉pa pitiekeme.

Aposolo 9:17

Koto ekina꞉ A꞉na꞉naisi pua da pa꞉ta꞉ opolo peekeme. Kutupa ipika꞉ kiki Solona꞉ youna꞉ pua witolo hata꞉ alota꞉ Solo ya kameo. Tekehali Yesu mo pota꞉na꞉ ipulu halena꞉ epeeke hande Yesuma꞉ naka꞉ leke paa kilao Holi Sipitidima꞉ tumba halena꞉ yeke I̱ tapaeya꞉me leekeme.

Loma꞉ 15:13

Mo hande ti lao haasa꞉ ekina꞉ teke hali Koda꞉ma꞉ta꞉ ikana꞉ma꞉ ipiki pa꞉ta꞉ hone tulaaseme ekina꞉ ta꞉na꞉ tiekema꞉ homelemeeki make puki lopa꞉niao halemeeki make iki pa꞉ta꞉ tumbao pitaeya꞉ka꞉na꞉ta꞉ epelieke. Kutupa ikana꞉ma꞉ ipikina꞉ ti lao hata꞉ hando haleme ekita꞉ mo Holi Sipitidina꞉ welema꞉ mea daeyatiki pina꞉ lea꞉ka꞉na꞉ta꞉ kota꞉ kotota꞉ epelieke.

1 Kotindi 12:10

Mo Sipitidima꞉ hali homeke pa꞉ta꞉ mo na handeke hau manuna꞉ pea꞉peke wele halaata꞉ hali ma꞉nda꞉ pa꞉ta꞉ make mo Koda꞉na꞉ pi walaasa꞉eki hala꞉la꞉me. Kutupa ma꞉nda꞉ pa꞉ta꞉ta꞉ mo kita꞉la꞉eki manuta꞉ Sipitidima꞉ hala꞉la꞉eki o hoke temokoma꞉ hala꞉la꞉eki tekili pea pa handena꞉yeke peaasa꞉eki hala꞉la꞉me. Hali ma꞉nda꞉ pa꞉ta꞉ mo ta꞉ta꞉ ta꞉ta꞉piki pimanu ala꞉eki halaata꞉ ma꞉nda꞉ pa꞉ta꞉ kutupiki pimanu opua pa la꞉ka꞉la꞉la꞉ ekina꞉ wele hala꞉la꞉me.

1 Kotindi 13:1

Da ta꞉ta꞉ ta꞉ta꞉ pimanu make mo enisolo titina꞉ pi make alo hali hata꞉ta꞉ pukima꞉ homa꞉la꞉ hau na pitolo hata꞉ la꞉tiki pu haowa꞉ka꞉na꞉ta꞉ kota꞉ yaka pi aloeki manuta꞉ mo beto pa lita꞉la꞉ ekima꞉ handekeeki o pa ti ka꞉ka꞉pa꞉ ka꞉ka꞉pa꞉ laasa꞉ ekima꞉ handekeeki kone alome.

1 Kotindi 13:8

Pukima꞉ homa꞉la꞉ hauta꞉ ota꞉ na paelieke. Mo wanda꞉hali pa꞉ta꞉ Koda꞉na꞉ pi la꞉ mea hala꞉la꞉ hauta꞉ wetepena꞉ paelieke. Kutupa da ta꞉ta꞉ ta꞉ta꞉ pi ala꞉eki make wetepena꞉ta꞉ paelieke. Kutupa mo pita꞉la꞉eki manuna꞉ handa꞉la꞉ hau make wetepena꞉ paelieke.

1 Kotindi 14:18

Do hande da ta꞉ta꞉ ta꞉ta꞉ pi ala꞉ hauta꞉ I̱ma꞉ alo ekima꞉ta꞉ iki paeyao ankulao halo ekina꞉ Koda꞉ pa꞉ta꞉ keiyae pi alome.

1 Kotindi 14:5

Iki paeyaoma꞉ ta꞉ta꞉ ta꞉ta꞉ piki pi ala꞉eki pimika꞉na꞉ta꞉ ta꞉na꞉ma꞉ homolo polopate iki paeyaoma꞉ Koda꞉na꞉ pi la꞉ mea hala꞉la꞉eki pimika꞉na꞉ta꞉ kota꞉ ta꞉na꞉ma꞉ wopu homulueke. Hali ma꞉nda꞉ma꞉ iki ame̱le̱ mo da ta꞉ta꞉ ta꞉ta꞉ piki pi lea꞉ka꞉na꞉ta꞉ kota꞉ koto pima꞉ta꞉ mo siosi wanda꞉hali tamba꞉ mina꞉ lena꞉ pa hali ma꞉nda꞉ma꞉ mo somena꞉ pi na la꞉ka꞉lea꞉ka꞉na꞉ta꞉ kota꞉ koto someta꞉ mo siosi epeaasa꞉ hali na haliepate pa mo Koda꞉na꞉ pi la꞉ mea hala꞉la꞉ halima꞉ pita꞉la꞉ ekita꞉ mo tamba꞉ mina꞉la꞉ hau tieke yelieke.

Epesese 3:19

Ketiso ipika꞉ pukima꞉ homa꞉la꞉ ekita꞉ hando paeyaapeke na ya꞉la꞉eki kone ikana꞉ma꞉ handemeka꞉na꞉ta꞉ epelieke. Kutupa mo hande epeke epeke ale paeyao Koda꞉ ipiki pa꞉ta꞉ tumbulu bao hala꞉eki kone iki pa꞉ta꞉ make tumbulu bao halieke.

Epesese 5:18

Kutupa hoke ikali naa keaasa꞉ ekima꞉ iki hoeyaapa꞉na꞉ kotoeki na piki Koda꞉na꞉ Holi Sipitidima꞉ iki tumbaatiki pita꞉la꞉eki muemena꞉ ota꞉ pea꞉pa꞉peke.

Epesese 6:18

Do haumanu paeyaota꞉ Koda꞉ma꞉ tamba꞉ mina꞉yeke pitolo hata꞉ yeni pea꞉tiki pu hapa꞉peke. Koto mo Sipitidima꞉ walolo haena꞉ hoto paeyao yeni pea꞉pa꞉peke. Koto ekina꞉ wotu handeteke hata꞉ soka꞉la꞉ma꞉ na homeke Koda꞉na꞉ wanda꞉hali paeyao pa꞉ta꞉ hone witolo hata꞉ hoto paeyao yeni pea꞉tiki pu hapa꞉peke.

1 Pida 1:12

Do hande opimi ota꞉ pita꞉ mo potopede haliwekima꞉ amba꞉ walaaso haena꞉ta꞉ Koda꞉ma꞉ iki pa꞉ta꞉ koto pita꞉ ika꞉eki dia꞉me. Mo wetepena꞉ haleme wanda꞉hali ika꞉eki peneme yao waleekeme. Mo Pi Seliapona꞉ kinki peaasa꞉ haliwekima꞉ hepeni nanema꞉ tapaeyeke Holi Sipitidina꞉ welema꞉ do ota꞉eki manuta꞉ iki pa꞉ta꞉ la kimime. Do ota꞉eki manuta꞉ mo enisolo haliwekima꞉ kone hone uluekema꞉ hone pu halememe.

2 Pida 1:21

Pa ekipeke mo la꞉ wieke pi ma꞉nda꞉ta꞉ halina꞉ hone pa꞉ta꞉ na epeekepate mo haliwekita꞉ Holi Sipitidima꞉ handeteke hayekeeki oto pa꞉ta꞉ hata꞉ Koda꞉ma꞉ haleeke tupa꞉ walao haemekeme.