Aposolo 2:11 - Panake Pi La: Ula: Buka pita: Kine Pieke Buka

¹¹ mo Kotiti A꞉teibia yaapo nane hao epoloma꞉ haliweki haloma꞉pateta꞉ Koda꞉ma꞉ hau tieke pa꞉la꞉ ekimanu mo haliwekima꞉ aleme ekita꞉ niki paeyaoma꞉ nika꞉ da pi ta꞉ta꞉ ta꞉ta꞉ piki pimanu kone opitoloma꞉me lemekeme.

Aposolo 2:11 Mawu Ofanana

Aposolo 2:10

Pitikia nane make Pa꞉mbilia nane make Idiepi nane make mo Saitini teke pa꞉ta꞉ Libia nane make mandane haliweki Loma꞉ da hao epoloma꞉me laata꞉ nikita꞉ Diu haliweki make mo Diu haliwekina꞉ hau puluekema꞉ la꞉ka꞉la haloma꞉ Diendaili haliwekima꞉ make mandane ekita꞉

Aposolo 2:12

Ikana꞉ma꞉ hone elekeeleke witolo hata꞉ penkilipa꞉tia pomua ika꞉ ika꞉ kone lota꞉ pea꞉tiki pitolo alota꞉ Do hau tieketa꞉ ekipa pa꞉la꞉pe laa lemekepate

Aposolo 27:12

Kutupa koto pa꞉ta꞉ kosa꞉ ki epea꞉ka꞉na꞉ hapeke na ya꞉la꞉me laa haliweki paeyaoma꞉ alota꞉ Dawala tukiki pa꞉ta꞉ pua mo Kotiti nane sisima u hayeke alena꞉ Pinikisi da pa꞉ta꞉ opolo poluma꞉pe mata꞉la꞉me laa lememe. Koto pa꞉ta꞉ hamono kosa꞉ ki epea꞉ka꞉na꞉ta꞉ ana꞉ pilieke laa lememe.

Aposolo 27:13

Kutupa po hosiki ipulu haena꞉ Ameta꞉ pua꞉peke ya꞉la꞉me hone wia mo a꞉nka yola꞉ mea a꞉meiyao mo Kotiti nepoko nanema꞉ poma꞉me.

Aposolo 27:7

Nate mandaneeki manuna꞉ta꞉ yopusiki pua꞉tiki pea ka꞉nda꞉ taapuna꞉ mo Sinaidasi da pa꞉ta꞉ opolo poma꞉me. Kutupa mo po tilipu nika꞉ wenoko nanema꞉ ipulu hata꞉ sa꞉sa꞉ pieke handa mo Kotiti hoki oto pa꞉ta꞉ mo Sa꞉lomono da teke pa꞉ta꞉ poma꞉me.

1 Kotindi 12:10

Mo Sipitidima꞉ hali homeke pa꞉ta꞉ mo na handeke hau manuna꞉ pea꞉peke wele halaata꞉ hali ma꞉nda꞉ pa꞉ta꞉ make mo Koda꞉na꞉ pi walaasa꞉eki hala꞉la꞉me. Kutupa ma꞉nda꞉ pa꞉ta꞉ta꞉ mo kita꞉la꞉eki manuta꞉ Sipitidima꞉ hala꞉la꞉eki o hoke temokoma꞉ hala꞉la꞉eki tekili pea pa handena꞉yeke peaasa꞉eki hala꞉la꞉me. Hali ma꞉nda꞉ pa꞉ta꞉ mo ta꞉ta꞉ ta꞉ta꞉piki pimanu ala꞉eki halaata꞉ ma꞉nda꞉ pa꞉ta꞉ kutupiki pimanu opua pa la꞉ka꞉la꞉la꞉ ekina꞉ wele hala꞉la꞉me.

1 Kotindi 12:28

Kutupa Koda꞉ma꞉ta꞉ mo siosina꞉ mea haena꞉ la꞉la꞉ wanda꞉hali dupa. Titina꞉ amba꞉lata꞉ aposolo haliwekie. Koto hoki naneta꞉ Koda꞉na꞉ pi la꞉ mea halo haleme tapakee. Koto hoki naneta꞉ mo Koda꞉na꞉ pimanu epeke walo haleme tapake mea haena꞉ la꞉la꞉me. Koto hoki naneta꞉ mo na handeke haumanu puluekema꞉ wele peaaseme haliweki make pa ika꞉ hoki naneta꞉ yeni tandelaaseme haliweki make mo tamba꞉ mineleme haliweki make mandane mandane e pokaena꞉ handeteke haleme haliweki make pi ta꞉ta꞉ ta꞉ta꞉ aleme haliweki make Koda꞉ma꞉ paeyao mea haena꞉ la꞉la꞉me.

Ka꞉leisia 1:17

mo Diutuseleme nane haemeke titina꞉ aposolo haliweki handolo make na peke pa tikitiki mo A꞉teibia kenke pa꞉ta꞉ pua wetepeta꞉ mo Damasikasi da nane paa la꞉ka꞉la epoa꞉me.

Ka꞉leisia 4:25

Mo hande pa hameke e pokaasa꞉ wanda꞉ Heika ipikita꞉ mo hande Sainai pote tupa꞉e lapeke ya꞉la꞉me. Kutupa Sainaita꞉ mo A꞉teibia kenke pa꞉ta꞉ hala꞉ poteta꞉ mo hande pa ula꞉ Diutuseleme daoni tupa꞉e lapeke ya꞉la꞉me. Koto Diutuselemeta꞉ ipika꞉ wanda꞉hali tonka꞉na꞉ pa hameke e pokaasememe.

Taitasi 1:12

Ika꞉ Kotiti tapake hali homeke ma꞉nda꞉ma꞉ ipikita꞉ hone wopu wiki some hata꞉ mo ipika꞉ Kotiti tapake pa꞉ta꞉ ota꞉ pimanu dupa leekeme. Kotiti haliweki ikita꞉ hoto paeyao ya pi ombu lo halememe. Kutupa ikita꞉ hoke sayalema꞉ handa꞉ hata꞉ weleke pamba pita꞉ ne tieke naa soka꞉la꞉ pambeke some hombo hao halememe leekeme.

Taitasi 1:5

Nakana꞉ma꞉ niki na puma꞉ ekimanu tikitiki yao epeaota꞉ mo siosi tapake handeteke halo peleme haliweki make mo daoni paeyao pa꞉ta꞉ haena꞉ lolena꞉yeke neke hae laa poma꞉me. Neke mo Kotiti ikali hoki tukikina꞉ mina꞉pa꞉lao poa꞉ ekita꞉ do ekina꞉ pua꞉me. I̱ma꞉ hande dupa pia꞉peke loa꞉ ekita꞉ hone wia꞉peke.

Hibulu 2:4

Kutaa make koto ikana꞉ma꞉ la kimi pi manuta꞉ ota꞉ pie hone wiomono yeketa꞉ Koda꞉ma꞉ na handeke haumanu make ta꞉ta꞉ piki haumanu make piekeme. Kutupa make ipika꞉ hone pieke ekina꞉ mo Holi Sipitidina꞉ peaasa꞉ haumanu pa hameke haka꞉ta꞉pao telipatiki pu hayekeme.