Aposolo 2:10 - Panake Pi La: Ula: Buka pita: Kine Pieke Buka

¹⁰ Pitikia nane make Pa꞉mbilia nane make Idiepi nane make mo Saitini teke pa꞉ta꞉ Libia nane make mandane haliweki Loma꞉ da hao epoloma꞉me laata꞉ nikita꞉ Diu haliweki make mo Diu haliwekina꞉ hau puluekema꞉ la꞉ka꞉la haloma꞉ Diendaili haliwekima꞉ make mandane ekita꞉

Aposolo 2:10 Mawu Ofanana

Kini Pieke 12:10

Pate koto Keinani kenke pa꞉ta꞉ta꞉ tea꞉ ki tieke epeeke handaa Eipola꞉ma꞉ma꞉ta꞉ ka꞉wa꞉ nanema꞉ papate leke puo pu hao mo Idiepi kenke pa꞉ta꞉ pa ta꞉ka꞉li halo peekeme.

Ma꞉tiu 2:15

Koto pa꞉ta꞉ puaata꞉ Hetodi homena꞉ yeke yu wia haemekeme. Kutu pimiki ekima꞉ta꞉ mo hande Tekehalima꞉ ipika꞉ potopede hali pa꞉ta꞉ yama꞉ pi la꞉ witolo alota꞉ Ya wekio. Idiepi kenke mina꞉pa꞉lao epoe laa la꞉ ua꞉ pi yaaluekema꞉ piekeme.

Ma꞉tiu 23:15

Iki mo Lo Pi ula꞉eki walo haleme haliweki make Pa꞉tisi haliweki make iki paeyaona꞉ hoke yenki tieke ipuleke handolo ekina꞉ I̱ paala꞉e. Ikita꞉ hoke makeaaso yayapiki hau pu haleme haliwekie. Ikana꞉ma꞉ta꞉ pa mo hande homeke hali mea ika꞉ tapakena꞉ tunao haena꞉e laa lapeke ekina꞉ kone mo da yu paeyao lia lopao pomu haleme haliwekie. Kutaa mo some handa꞉ wia꞉ka꞉na꞉ta꞉ kota꞉ ipikita꞉ iki mo ti to hala꞉ ekina꞉ eiyeke tonu halemeeki ota꞉ lombei peao haena꞉ lelimikie.

Ma꞉tiu 27:32

Pota꞉na꞉ pulu hata꞉ Saitini hali bikita꞉ Saimono manda꞉hande pimikime. Hande dolo a꞉ndeli miniki haemeke haliwekima꞉ mo hali meata꞉ Yesuna꞉ a꞉ka꞉tei wape piki ti mea tiawaena꞉ lemekeme.

Maka 15:21

Pota꞉na꞉ puaata꞉ hali ma꞉nda꞉ manda꞉hande pimikime. Mo halita꞉ Saitini da hali Saimonoe. Ipikita꞉ A꞉lekesa꞉nda Lupasi yaapo ipilika꞉ ateke hayekeme. Dolo a꞉ndeli miniki haemeke haliwekima꞉ mo hali meaata꞉ Yesuna꞉ a꞉ka꞉tei wape piki ti mea tiawaena꞉ lemekeme.

Aposolo 11:20

Kutu pimikipate mandane haliwekima꞉ Saipotasi Saitini yaapo nane haemeke haliwekima꞉ A꞉ndioko da pa꞉ta꞉ opolo a꞉paata꞉ mo Tekehali Yesuna꞉ pi Kitiki wanda꞉hali pa꞉ta꞉ make wala꞉tiki pimikime.

Aposolo 13:1

Mo A꞉ndioko siosi tapake pa꞉ta꞉ mandane potopede haliweki make pi walo haemeke haliweki make haemekeme. Koda꞉na꞉ pi lao hayeke Banabasi make Simioni biki ma꞉nda꞉ Naidia make Saitini hali Lusiasi make hande you hali Hetodina꞉ yankeke hali homeke Maneini make Solo make haemekeme.

Aposolo 13:13

Polo ame̱le̱ mandakena꞉ pemeke haliwekita꞉ palai kawaso tiekena꞉ pitata꞉ mo Peiposi da mina꞉pa꞉lao mo Pa꞉mbilia nane hayeke da Peka pa꞉ta꞉ opolo pemekeme. Koto pa꞉ta꞉ opolo pemekepate Dioni Makata꞉ iki mina꞉pa꞉lao Diutuseleme nane pa la꞉ka꞉la peekeme.

Aposolo 13:43

Kutupa mo pi hotu haemeke da pa꞉ta꞉ pi hotia paeyeketa꞉ Diu haliweki wopu make Koda꞉ pa꞉ta꞉ hone wopu u haemeke Diendaili haliweki wopu make Polo Banabasi yaapo teli mea pemekeme. Kutupa ipilikana꞉ma꞉ mo haliweki pa꞉ta꞉ pi laata꞉ Koda꞉na꞉ pa a꞉ta꞉ma꞉ homa꞉la꞉eki honkopu hao wotu miniki hao haena꞉ pi walepekeme.

Aposolo 14:24

Kutupa Pisidia nane pua lombei pupa Pa꞉mbilia nane opolo pepekeme.

Aposolo 15:38

Poloma꞉ta꞉ hone na wiekeme. Hande Pa꞉mbilia da nane hata꞉ pi walo poluekema꞉ hone na wiki ipiliki mina꞉pa꞉laeyeke handa ana꞉ na pa꞉la꞉me leekeme.

Aposolo 16:6

Kutupa mo Pitikia Ka꞉leisia nane yaapo lombei pupa pemekepate mo Holi Sipitidima꞉ mo Eisia nane pi na walena꞉ leekeme.

Aposolo 17:21

Mo A꞉ta꞉ni da haliwekima꞉ make kimisu a꞉pa pitimiki haliwekima꞉ make koto pa꞉ta꞉ hata꞉ nate paeyao aleta꞉ ma꞉nda꞉ hone na wiki panake waleeke pi ombu opuluekema꞉ hotu haemekeme.

Aposolo 18:2

Diu hali homeke Akuila mo Pondasi da nane hali kone pua handeekeme. Koto halita꞉ ipika꞉ weteke Pisila yaapo mo Ideli nane mina꞉pa꞉lao panake a꞉pa haepekeme. Mo Sisa Kolodiusima꞉ Diu wanda꞉hali paeyaota꞉ Loma꞉ da mina꞉pa꞉lao pupe leeke handa epepekeme. Poloma꞉ta꞉ ipiliki handuluekema꞉ ipilika꞉ da pa꞉ta꞉ peekepate

Aposolo 18:23

Koto pa꞉ta꞉ hosiki hao hao peaata꞉ mina꞉pa꞉lao mo Ka꞉leisia Pitikia yaapo nane hone tulaasa꞉ wanda꞉halima꞉ honkopu haena꞉ titipu peaaso hata꞉ pomu lopo hayekeme.

Aposolo 2:11

mo Kotiti A꞉teibia yaapo nane hao epoloma꞉ haliweki haloma꞉pateta꞉ Koda꞉ma꞉ hau tieke pa꞉la꞉ ekimanu mo haliwekima꞉ aleme ekita꞉ niki paeyaoma꞉ nika꞉ da pi ta꞉ta꞉ ta꞉ta꞉ piki pimanu kone opitoloma꞉me lemekeme.

Aposolo 23:11

Kutupa nate ma꞉nda꞉na꞉ timba Tekehalima꞉ Polo teke pa꞉ta꞉ a꞉pa hata꞉ alota꞉ Honkopu hapeke. Do Diutuseleme da pa꞉ta꞉ yaka pi la halawaeye tupa꞉ mo Loma꞉ da pa꞉ta꞉ make pi la halawaalena꞉e leekeme.

Aposolo 27:5

Kutupa mo Silisia Pa꞉mbilia kenke yaapo nane dawalana꞉ tunkula puata꞉ mo Laisia nanema꞉ hala꞉ da Maita da pa꞉ta꞉ opolo poma꞉me.

Aposolo 28:15

Kutupa mo Loma꞉ Ketiso kame titima꞉ niki ipuluma꞉me pi opuata꞉ mo Apiusina꞉ makedi pa꞉ta꞉ make mo Kimisu Hali Polu Hala꞉ Da Tepo pa꞉ta꞉ make niki manda꞉hande pulu epememe. Kutupa Poloma꞉ iki handaata꞉ Koda꞉ pa꞉ta꞉ keiyae pi laata꞉ honkopu haya꞉me.

Aposolo 6:5

Koto lemeke ekina꞉ mo Ketiso hali paeyao ta꞉na꞉ma꞉ wopu homa mimiki haliwekita꞉ Sidipeni Koda꞉na꞉ pi wopu miniki hata꞉ make Holi Sipitidima꞉ tumba hayeke halie. Kutupa Pilipi Polokotasi Nikano Timono Pamenasi Nikolasi make A꞉ndioko hali kone Diu haliwekina꞉ hau mieke halie.

Aposolo 6:9

Kutu piekepate mo ka꞉nda꞉ pikieki mina꞉pa꞉lao pi hotu haemeke da pa꞉ta꞉ haemeke haliweki mandaneeki make kutupa Saitini haliweki make A꞉lekesa꞉ndia haliweki make kutupa mandane Silisia haliweki make Eisia haliweki make mandake pa꞉ta꞉ momba꞉la hata꞉ Sidipeni ame̱le̱ pi yoka꞉ alu pimikime.

Loma꞉ 1:15

Koto ekina꞉ Loma꞉ wanda꞉hali iki pa꞉ta꞉ make mo Pi Seliapo waluekema꞉ tiki tiki hao halome.

Loma꞉ 1:7

Koto pa꞉la꞉ ekina꞉ Koda꞉ma꞉ pukima꞉ homaata꞉ ota꞉ ipika꞉ wanda꞉hali hamina꞉ wi la꞉la꞉ Loma꞉ wanda꞉halio. Iki paeyao pa꞉ta꞉ wape do pitolome. Nika꞉ Apa꞉ Koda꞉ma꞉ make pa Tekehali Yesu Ketisoma꞉ make iki pa꞉ta꞉ a꞉ta꞉ma꞉ homolo hata꞉ ika꞉ puki lopao hamina꞉ lepeka꞉na꞉ta꞉ epelieke.

2 Timodi 1:17

Kotoeki na pia꞉pate ipikana꞉ma꞉ Loma꞉ da opolo a꞉paata꞉ koto kone I̱ weitia pomu haota꞉ handa꞉ wia꞉me.

Peneme Yaeyekeeki 11:8

ipilika꞉ tokota꞉ ipilika꞉ Tekehali lu endiaemeke daoni tiekena꞉ pota꞉na꞉ pa wina꞉ lelieke. Koto daonita꞉ onkoluma꞉ ala꞉ biki yaapota꞉ Sodomo pita꞉ Idiepi yaapo ula꞉me.