Aposolo 2:1 - Panake Pi La: Ula: Buka pita: Kine Pieke Buka

¹ Mo hande Pendikosi nate epeeke dina꞉ta꞉ mo pi mimiki wanda꞉hali paeyao homeke alena꞉ momba꞉la haemekeme.

Aposolo 2:1 Mawu Ofanana

Aposolo 1:5

Kutupa Dionima꞉ta꞉ pa ikalima꞉ bapitaisi peao haya꞉pate hosikisiki hao hao peaata꞉ Holi Sipitidima꞉ bapitaisi peaalieke loa꞉ pita꞉ amba꞉ opimime leekeme.

Aposolo 1:8

Koto pa꞉la꞉pate ikita꞉ wele pita꞉la꞉eki milimikie leekeme. Mo Holi Sipitidi epea꞉ka꞉na꞉ta꞉ ikita꞉ yaka wekitisi haliweki Diutuseleme pa꞉ta꞉ make Sametia pa꞉ta꞉ make Diudia paeyao pa꞉ta꞉ make hama hama pea kenke honiki honiki paeyao pa꞉ta꞉manu make la halimikie leekeme.

Aposolo 2:46

Nate paeyao mo tembolo da tukiki pa꞉ta꞉ homeke alena꞉ momba꞉la꞉tiki peaata꞉ ika꞉ da pa꞉ta꞉manu make mandake pa꞉ta꞉ pita꞉ ne na꞉tiki pimikime. Homu pea hata꞉

Aposolo 20:16

Poloma꞉ ipika꞉ honema꞉ta꞉ mo Eisia nane haena꞉ nate paeyaama꞉na꞉ Epesese da lombei pupa puata꞉ mo hande Diutuseleme da pa꞉ta꞉ opolo polo pa꞉la꞉ nateta꞉ Pendikosi nate a̱i̱ na paeyeke haena꞉ opolo puluekema꞉ hone wia꞉me.

Aposolo 4:24

Koto lepeke pi opuaata꞉ mo wanda꞉halima꞉ homeke hone wia Koda꞉ pa꞉ta꞉ yeni pitolo alota꞉ Tekehalio. Neketa꞉ ya kenke dawala tepo make kutupa koto pa꞉ta꞉ ula꞉ alemanu paeyao make nakana꞉ma꞉ wepia wina꞉ lele halie laata꞉

Aposolo 4:31

Yeni pu paeyeketa꞉ ika꞉ mo hande mombelemeke da kone la꞉ma꞉ la꞉ma꞉ piekeme. Koto pa꞉ta꞉ pitimiki wanda꞉hali paeyaota꞉ Holi Sipitidi tumba pituma꞉ pituma꞉ piekeme. Kutupa Koda꞉na꞉ pita꞉ ikana꞉ma꞉ puki taka꞉lao hata꞉ lemekeme.

Aposolo 4:32

Kutupa mo hande pi mimiki wanda꞉hali paeyaoma꞉ hone homeke hau homeke wia haemekeme. Kutupa hali ma꞉nda꞉ma꞉ ipika꞉ wieke ala꞉ta꞉ ala꞉ta꞉ ota꞉ yakaeki homekee lapeke na yekeme. Homekema꞉ wieke ala꞉ta꞉ pea꞉na꞉eki yekeme.

Aposolo 5:12

Mo aposolo haliwekima꞉ wanda꞉hali pa꞉ta꞉ na hando haemeke ekimanu wotu pimikime. Kutupa paeyaoma꞉ mo tembolona꞉ kalale ma꞉nda꞉ biki Solomonona꞉ Kapu pa꞉ta꞉ mombela꞉tiki pimikime.

Loma꞉ 15:6

Iki paeyaoma꞉ta꞉ apa꞉tao hata꞉ kake mandakena꞉ wia hata꞉ Tekehali Yesu Ketiso ipika꞉ Apa꞉ Koda꞉na꞉ pi laamina꞉yeke loa꞉me.

1 Kotindi 16:8

Kutu pulu polopateta꞉ hande Pendikosi nate epena꞉ do Epesese da pa꞉ta꞉ handeteke halueke.

Pilipai 1:27

Ketisona꞉ Pi Seliapoma꞉ puemena꞉ wala꞉la꞉ tupa꞉ pu haleme hauta꞉ ota꞉ tumiki haue. Kutu pilimipate I̱ epoa꞉ka꞉na꞉ make o pa ika꞉ pilimi hauna꞉ pi lalimieki opua꞉ka꞉na꞉ make kota꞉ ikita꞉ taka꞉lao haemeka꞉ta꞉me hone ulueke. Kutupa mo wanda꞉halima꞉ Ketisona꞉ Pi Seliapo pa꞉ta꞉ hone tulaena꞉ ikana꞉ma꞉ ota꞉ homeke hone wia hata꞉ tamba꞉ mualualu pu haemeka꞉ta꞉me hone ulueke.

Pilipai 2:2

Kutu pu haleme ekina꞉ta꞉ kota꞉ ika꞉ hone mandake wilimieki tekena꞉ make ika꞉ mandake pukima꞉ homa꞉ alualu peleme ekina꞉ make ika꞉ mandake hone peleme ekina꞉ make ika꞉ homeke hone wilimi ekina꞉ make kotoeki paeyaoma꞉ I̱ ta꞉na꞉ wopu homa꞉ tiaamena꞉ iki sutiaasome.