Aposolo 18:3 - Panake Pi La: Ula: Buka pita: Kine Pieke Buka

³ mo tooli make Polo make homeke e poko haemeke handa Polota꞉ ipiliki ame̱le̱ pelia hao hatiki peaata꞉ palai damanu epeaaso tumbulu haemekeme.

Aposolo 18:3 Mawu Ofanana

1 Kotindi 4:12

nika꞉ kikima꞉ kone mo ka꞉nda꞉piki e wotu poka꞉tiki pu haloma꞉me. Kutupa niki kitaaseme wanda꞉hali pa꞉ta꞉ epeke wamopiki pima꞉ kone epeaasoma꞉me. Tanda pita꞉la꞉ haumanu ku halemeeki make pa meatiao pu haloma꞉me.

1 Kotindi 9:14

Koto tupa꞉ kone mo Tekehalina꞉ pi ula꞉eki dupae. Koda꞉ ipika꞉ Pi Seliapo walaaseme haliwekima꞉ta꞉ koto e pokolo hata꞉ kone ika꞉ ana꞉na꞉ hapeke ekimanu mea꞉peke ya꞉la꞉me la꞉la꞉me.

1 Kotindi 9:15

Koto la꞉la꞉pate I̱ma꞉ta꞉ koto tupa꞉ aleta꞉ ma꞉nda꞉ na molome. Kutupa ame make aleta꞉ ma꞉nda꞉ muluekema꞉ iki pa꞉ta꞉ do wape ota꞉ na tapaasome. Kie laapa꞉na꞉ I̱ amba꞉la homa꞉peke aleo. I̱ma꞉ iki ame̱le̱ ota꞉ pa hameke e pokolo ekina꞉ pi laaso ekita꞉ hali homeke a꞉nda꞉ma꞉ Paeki ala꞉me laa pi laapa꞉na꞉yeke loa꞉me.

1 Kotindi 9:18

kota꞉ eki yenki mea꞉peke ya꞉la꞉pe. Yaka yenkita꞉ dupae. I̱ma꞉ta꞉ yenki ki pi na leke handaa mo mea꞉peke alemanu na minolo hata꞉ hande Pi Seliapo walaasoeki kone kotota꞉ yaka yenki ana꞉ pa꞉la꞉me.

2 Kotindi 11:7

I̱ma꞉ta꞉ iki pa꞉ta꞉ mo hande Koda꞉na꞉ Pi Seliapo waloa꞉ dina꞉ta꞉ ikita꞉ ota꞉ ala꞉ta꞉ ma꞉nda꞉siki make yenki kipe pi na loa꞉me. Iki ota꞉ aneke wanda꞉hali au laluekema꞉ yeke I̱ma꞉ta꞉ ya kone homu pea lu mina꞉niaowa꞉me. Kotota꞉ ata꞉ka꞉ piki hau pua꞉pe.

2 Kotindi 11:9

Kutupa iki ame̱le̱ haowa꞉ natena꞉ta꞉ I̱ mani dia꞉yeketa꞉ I̱ tamba꞉ mipe laa iki pa꞉ta꞉ ka꞉nda꞉ peaapeke honke na loa꞉me. Pa ekipeke mo Ma꞉sedonia nanema꞉ epeme kame tonuma꞉ I̱ dia꞉ya꞉la꞉ ale paeyao aneke mea a꞉paememe. Amba꞉ pua꞉ tupa꞉ wetepe nina꞉ make I̱ta꞉ iki ka꞉nda꞉ homaaluekema꞉ na taapulueke.

2 Kotindi 12:13

Mo mandane siosi pa꞉ta꞉ tamba꞉ mua꞉ tupa꞉ta꞉ iki pa꞉ta꞉ ekipiki homeke hau a꞉nda꞉ na pua꞉pe. Hau homeketa꞉ pa ika꞉ manima꞉ I̱ tamba꞉ muemena꞉ laa ka꞉nda꞉ na peaowa꞉me. A꞉ta꞉e. Do I̱ma꞉ iki pa꞉ta꞉ mandake hau na pua꞉ ekita꞉ ota꞉ pa paeyawapee.

1 Desalonaika 2:9

Kametitio. Nikana꞉ma꞉ e tieke poka weleke we puma꞉eki ikana꞉ma꞉ hone ta wili handa꞉e. Nikana꞉ma꞉ iki pa꞉ta꞉ Koda꞉na꞉ Pi Seliapo walaaso hata꞉ta꞉ nikana꞉ma꞉ iki ka꞉nda꞉ma꞉ homaapa꞉na꞉yeke timba make natena꞉ make u̱ na peliki nika꞉ nemanu hambuluekema꞉ e poko haoma꞉me.

1 Desalonaika 4:11

Nikana꞉ma꞉ iki pa꞉ta꞉ amba꞉ loma꞉ tupa꞉ ikana꞉ma꞉ ika꞉ titina꞉ hone witeleme ekita꞉ iki epeke tupa꞉ sembepela haluekema꞉ hone wopu u hapa꞉peke. Kutupa koto tupa꞉ kone ma꞉nda꞉na꞉eki na handeketa꞉ pa ika꞉eki homeke ika꞉ kone puluekema꞉ pota꞉ weiya꞉pa꞉peke. Kutaa make ika꞉ pitu pelia꞉pa꞉pekeeki ika꞉ kikima꞉ ika꞉ kone puluekema꞉ hone wopu u hapa꞉peke.