Aposolo 17:3 - Panake Pi La: Ula: Buka pita: Kine Pieke Buka

³ Ketiso tanda pita꞉la꞉eki amba꞉la meaata꞉ wetepena꞉ homa tiaalieke laa wotu waleekeme.

Aposolo 17:3 Mawu Ofanana

Luku 24:32

Mo hali yaapoma꞉ ipilika꞉ kone alota꞉ Mo hande pota꞉na꞉ hande Baibolona꞉ la꞉la꞉ ekimanu laa kieketa꞉ dika꞉ tukiki naneta꞉ ti uleke leke na teekea lepekeme.

Luku 24:44

Kutupa Yesuma꞉ iki pa꞉ta꞉ alota꞉ Do hau manuta꞉ hande I̱ ame̱le̱ haeme dina꞉ la kua꞉ ekimanue. Mo hande Mosesina꞉ Lo Pi wape pea ula꞉ ekina꞉ make hande potopede haliwekima꞉ wape pea ula꞉ ekina꞉ make hande Emeli bukana꞉ wape pea ula꞉ ekina꞉ make I̱na꞉ lao ula꞉eki manuta꞉ ota꞉ yaapeke ya꞉la꞉me leekeme.

Luku 24:46

iki pa꞉ta꞉ alota꞉ Dupa wape pea ula꞉me. Hande Ketisota꞉ tanda amba꞉la ota꞉ mea homaata꞉ hoto tepo peaasota꞉ ota꞉ paa tialieke laa wape pa꞉la꞉me. Kutupa make

Dioni 20:9

Koto pita꞉ta꞉ mo hali yaapoma꞉ta꞉ mo Baibolo buka pa꞉ta꞉ Yesuta꞉ homaa paa tiaalo pa꞉la꞉eki wape pieke ekita꞉ hone a̱i̱ na wipikime.

Aposolo 1:4

Mo haliweki ame̱le̱ pa hayeke dina꞉ Yesuma꞉ iki pa꞉ta꞉ alota꞉ Diutuseleme na mina꞉pa꞉laake pa hapa꞉peke. Ya Apa꞉ma꞉ kulueke laa la꞉ ula꞉ ale handeteke hapa꞉peke. Hande I̱ma꞉ iki pa꞉ta꞉ loa꞉ alena꞉ loa꞉me.

Aposolo 18:28

Hande Baibolo buka pi walolo hata꞉ Yesuta꞉ ota꞉ Ketisoe laa mo Diu haliwekita꞉ penemena꞉ hata꞉ pima꞉ bepolao hayeke handaa piekeme.

Aposolo 18:5

Kutupa Sailasi Timodi yaapo Ma꞉sedonia nane hao opolo epepeke pita꞉ta꞉ Poloma꞉ mo Diu haliweki pa꞉ta꞉ Yesuta꞉ Ketisoe la waluekema꞉ hone wotu wia wala꞉tiki pu hayekeme.

Aposolo 3:18

Amba꞉ kiaake Koda꞉ma꞉ta꞉ ipika꞉ Ketisona꞉ tanda mulu pa꞉la꞉eki mo potopede haliweki paeyaoma꞉ la hale hale pina꞉ leekeme. Kutupa hande Koda꞉ma꞉ la꞉ wiekeeki kone ota꞉ yao ikana꞉ma꞉ do pimime.

Aposolo 9:22

Kutu piekepate Soloma꞉ta꞉ pi waluekema꞉ wele wopu piekeme. Ipikana꞉ma꞉ Yesuta꞉ ota꞉ Koda꞉na꞉ Ketisoe laa ota꞉ ana꞉na꞉ peneme yao waleeke mandane pi manuta꞉ mo Damasikasi da haleme Diu haliwekima꞉ pi homeke ma꞉nda꞉ma꞉ hombo pealuekema꞉ ana꞉ na pimikime.

Ka꞉leisia 3:1

Ka꞉leisia wanda꞉halio ikita꞉ you hoeta꞉la꞉ pate ya꞉la꞉me. Epima꞉ hoeyao pa꞉la꞉pe. Mo hande Yesu Ketiso ti manda homeeketa꞉ ikana꞉ma꞉ ika꞉ lekema꞉ handa honema꞉ kone pikisa leke muemena꞉yeke ya pima꞉ ota꞉ tikitiki la kua꞉me.