Aposolo 16:5 - Panake Pi La: Ula: Buka pita: Kine Pieke Buka

⁵ Koto ekina꞉ mo hande siosi tapake manuma꞉ hande pi mina꞉la꞉ ekina꞉ honkopu honkopu hao nate paeyao daeyaemekeme.

Aposolo 16:5 Mawu Ofanana

Aposolo 9:31

Kutu pieketa꞉ mo Diudia nane make Ka꞉lili nane make Sametia nane make koto kenke paeyao pa꞉ta꞉ haemeke siosi wanda꞉halita꞉ a꞉nda꞉ pelia haemekeme. Koto siosi wanda꞉halita꞉ Holi Sipitidima꞉ tamba꞉ minolo haena꞉ honkopu hao hata꞉ daeyatiki pimikime. Tekehali pa꞉ta꞉ panda꞉puniao hata꞉ pimikime.

Aposolo 2:47

Koda꞉na꞉ pi laaso hata꞉ kutu pimikime. Kutupa wanda꞉hali paeyaoma꞉ make iki pa꞉ta꞉ ta꞉na꞉ma꞉ homa꞉tiki pimikime. Koto ekina꞉ nate paeyao Tekehalima꞉ mo da꞉taena꞉yeke pi mimiki wanda꞉hali iki ame̱le̱ haena꞉yeke mea ta꞉ma꞉ni peao haena꞉ la꞉tiki piekeme.

Aposolo 6:7

Koto ekina꞉ mo Koda꞉na꞉ pi paa mea a꞉meiyao kutupa Diutuseleme da nane mo disaipolo wanda꞉hali make aneke hapu daeyao kutupa mandane yeni peao haemeke haliweki wopu make mo Koda꞉na꞉ pi opua Ketiso pa꞉ta꞉ hone tulao haemekeme.

1 Pida 5:10

Koda꞉ma꞉ta꞉ pa a꞉ta꞉ma꞉ homa꞉la꞉ Tekehali hata꞉ iki Ketiso ame̱le̱ ta꞉ma꞉ni pea hamena꞉ ipika꞉ nate paeyao pa̱a̱ pu hala꞉eki muemena꞉yeke iki amba꞉ wi la꞉la꞉me. Kutupa iki pa꞉ta꞉ tanda peaasa꞉eki hosiki hao paeya꞉ka꞉na꞉ta꞉ Koda꞉ma꞉ kone wetepe iki epeaota꞉ ota꞉ honkopu hao da̱o̱la hamena꞉ lelieke.

Aposolo 15:41

Kutupa puata꞉ Sitia Silisia yaapo nane siosi wanda꞉hali honkopu haena꞉ alo hata꞉ pomu haepekeme.

Kolosi 2:6

Yesu Ketisota꞉ ika꞉ Tekehalie laa handa꞉ meleme ekina꞉ta꞉ ipiki yaapo ta꞉ma꞉ni pea hapa꞉peke.

1 Kotindi 15:58

Koto ekina꞉ ota꞉ ya kametonuo. Da̱o̱la hata꞉ taka꞉lao hapa꞉peke. Tekehalina꞉ e pokaaseme ekita꞉ nate wotu pokaatiki pu hapa꞉peke. Pa ekipeke mo Tekehalina꞉ e pokaaseme ekita꞉ ota꞉ homekesiki kone na alupea꞉peke ya꞉leke handa loa꞉me.

Loma꞉ 16:25

Nikana꞉ma꞉ Koda꞉na꞉ pi laamana꞉e. Koda꞉ma꞉ mo amba꞉ kiake kone a꞉mbao wieke pa ame I̱ma꞉ walolo hande Yesu Ketisona꞉ Pi Seliapo pa꞉ta꞉ yama꞉ Koda꞉ma꞉ ika꞉ hone tulao haleme ekita꞉ ana꞉na꞉ taka꞉lao hamina꞉ lelieke. Koto walolo pita꞉ mo amba꞉ kiaake kone a꞉mbao wieke ota꞉ pie.

Aposolo 12:24

Kutu pitolo haena꞉ kone Koda꞉na꞉ pi mandane mandane wanda꞉hali paeyao pa꞉ta꞉ daeyatia peekeme.

Hibulu 13:9

Amba꞉ na opimi pa ta꞉ta꞉ ta꞉ta꞉ piki pi walimieki manuma꞉ mo ika꞉ epeke pota꞉na꞉ pulimieki na yola꞉ mea pa꞉na꞉ lapa꞉peke. Koda꞉na꞉ a꞉ta꞉ma꞉ homa tamba꞉ mina꞉la꞉eki homekema꞉ ika꞉ puki hana꞉ noka꞉paena꞉ lemeka꞉na꞉ta꞉ a꞉pa꞉la꞉pate paa mo ne na nape laa pi ula꞉ hau manuma꞉ dia꞉me. Koto hau tolu haleme wanda꞉halita꞉ mo hauma꞉ iki na tamba꞉ mu hala꞉me.

2 Desalonaika 2:16

Koda꞉ nika꞉ Apa꞉ma꞉ niki pukima꞉ homolo hata꞉ ipika꞉ a꞉ta꞉ma꞉ homa tamba꞉ mina꞉la꞉ ekina꞉yeke mo na paelo pa꞉la꞉ aela꞉ baasa꞉ hau make epeke hone tulaasa꞉ hau make niki kia꞉me.

1 Desalonaika 3:13

Ipikana꞉ma꞉ kutu pilimi ekima꞉ ika꞉ puki taka꞉lawalieke. Kutu pia꞉ka꞉na꞉ta꞉ nika꞉ Tekehali Yesu ipika꞉ wanda꞉hali ame̱le̱ epolo peleme natena꞉ta꞉ ikita꞉ nika꞉ Apa꞉ Koda꞉ ipika꞉ leke popelekena꞉ mombela hata꞉ta꞉ ala꞉ta꞉ na piki epeke yakopiki wanda꞉hali halimikie.

1 Desalonaika 3:2

hata꞉ta꞉ hande Ketisona꞉ Pi Seliapo walolo hali nika꞉ mandakena꞉ Koda꞉na꞉ e pokaasoma꞉ hali dika꞉ kame Timodi tapaopa꞉me. Timodi tapaopa꞉ ekita꞉ mo iki pa꞉ta꞉ a꞉nda꞉ limiki ekina꞉ hali ma꞉nda꞉ paa la꞉ka꞉la peliekeyeke ipikana꞉ma꞉ iki taka꞉lao hata꞉ ika꞉ hone tulaalemeeki daeyamena꞉ petelo epeekeme. Kutupiki a꞉nda꞉ lita꞉la꞉eki manuta꞉ niki pa꞉ta꞉ a꞉pa꞉tiki pilieke laa Koda꞉ma꞉ la꞉ wiekeeki ikana꞉ma꞉ hone wilimime.

Ka꞉leisia 5:1

Ota꞉ ka꞉la꞉pa꞉ tapao hamono Ketisoma꞉ niki ka꞉la꞉pa꞉ tapaala꞉me. Koto pa꞉la꞉ ekina꞉ta꞉ ka꞉la꞉pa꞉ tapaala꞉ wanda꞉hali tupa꞉ taka꞉lao hata꞉ mo pa hameke e pokaaseme wanda꞉hali tupa꞉ paa na hapa꞉peke.

Aposolo 11:21

Kutupa Koda꞉ma꞉ mo haliweki tamba꞉ minolo haena꞉ wanda꞉hali wopuma꞉ pi meaata꞉ Tekehali pa꞉ta꞉ la꞉ka꞉la pemekeme.

Aposolo 5:14

Kutu pimikipate amba꞉ na pu haemeke tupa꞉ ma꞉nda꞉ ma꞉nda꞉ lo wanda꞉weki make haliweki make Yesu pa꞉ta꞉ ta꞉ma꞉ni puluendi pimikime.

Aposolo 4:4

Kutu piekepate mo pi opimiki wanda꞉halita꞉ pi mimikime. Kutupa mo haliwekita꞉ 5000manu yekeme.