Aposolo 16:23 - Panake Pi La: Ula: Buka pita: Kine Pieke Buka

²³ Kutupa mo hali yaapota꞉ wopu yombua baota꞉ dipula da pa꞉ta꞉ mea lopao mo dipula handeteke hayeke hali pa꞉ta꞉ alota꞉ Wopu handeteke hapeke laa pi la halemekeme.

Aposolo 16:23 Mawu Ofanana

Ma꞉tiu 26:48

Mo Yesu minina꞉ a꞉nda꞉ lombeeke halima꞉ mo haliweki pa꞉ta꞉ lomba꞉ witolo alota꞉ I̱ma꞉ pua nunu pulua꞉ someta꞉ kota꞉ koto some mina꞉pa꞉peke leekeme.

Luku 21:12

Dupiki haumanu puluekema꞉ haena꞉ta꞉ niki amba꞉la mina꞉ yombuata꞉ oni pi hotu haleme da pa꞉ta꞉ niki pi yokaalu puemena꞉ hala꞉ moneaota꞉ dipula mea pitalimikie. Kutupa ikita꞉ yaka bikina꞉ kone mo kini haliwekimanu make handeteke pilimi haliwekina꞉ leke popelekena꞉ hatuku ipilimikie.

Aposolo 12:18

Da kelepeeketa꞉ mo hande ami haliwekima꞉ Pida na pitieke handa hone ti yokemekeme.

Aposolo 12:4

Kutupa da꞉ka꞉pa꞉ minata꞉ dipula mea lopao ami haliweki mandane tonkopu mandane tonkopu mandane tonkopu mandane tonkopu haliwekita꞉ kade hatiki pina꞉ leekeme. Ipika꞉ honema꞉ta꞉ mo hande Lombei Pupa Yapeeke pita꞉ paeya꞉ka꞉na꞉ta꞉ wanda꞉hali pa꞉ta꞉ mea a꞉pa walueke hone wiekeme.

Aposolo 16:27

Mo dipula handeteke hayeke halima꞉ tiaota꞉ mo dipula da pota꞉manu lomba pa pa pu wiekeeki handolota꞉ dipula haliweki amba꞉ pindipa yopua pimika꞉ta꞉ma꞉ hone witolo hata꞉ ipika꞉ kepete hokulu yola꞉ mea ipika꞉ kone aoluekema꞉ handaeyekepate

Aposolo 16:36

Koto leeke ekina꞉ mo dipula handeteke hayeke halima꞉ koto pita꞉ Polo pa꞉ta꞉ alota꞉ Mo pi yokaalu peao haleme haliwekima꞉ I̱ pa꞉ta꞉ pi dupa la꞉neala꞉me. Koto hali yaapota꞉ pa pena꞉ tapae la꞉neala꞉me leekeme. Koto la꞉la꞉ ekina꞉ ipilikita꞉ do dipula da pao yopu pupe laa leekeme.

Aposolo 5:18

Kutupa mo aposolo haliweki da꞉ka꞉pa꞉ minina꞉ laata꞉ dipula mea lopaemekeme.

Aposolo 5:23

Nikita꞉ mo dipula da pa꞉ta꞉ opolo poma꞉ pita꞉ta꞉ pota꞉ setepe pu pamba pota꞉ kake pa꞉ta꞉ handeteke haena꞉ leeke haliweki haema꞉eki handoma꞉me. Kutu puma꞉pate pota꞉ lomba tukiki nane handolo poma꞉pate hali ma꞉nda꞉ na pitia꞉eki handoma꞉me laa lemekeme.

Aposolo 8:3

Kutu pimikipate Soloma꞉ siosi wanda꞉hali hoeyaaluekema꞉ taapeekeme. Ipikana꞉ma꞉ta꞉ da ma꞉nda꞉ ma꞉nda꞉ pa꞉ta꞉ pominolo hata꞉ siosi wanda꞉hali kiki yola꞉ mea hama꞉ nane mea batiki pea dipula mea lopatiki piekeme.

Aposolo 9:2

Kutu putia mo yeni peao haemeke you haliwekina꞉ you hali pa꞉ta꞉ pua alota꞉ Mo Damasikasi nane pi hotu haleme damanu pa꞉ta꞉ do hande panake hau piteleme wanda꞉hali dipula mea Diutuseleme nane mea ipuluekema꞉ loa꞉ma꞉ pase kie laa pua honke leekeme.

2 Kotindi 11:23

Ikita꞉ Ketisona꞉ e pokaaseme haliweki ya꞉ka꞉ta꞉pe kota꞉ I̱ta꞉ you hoke halima꞉ leke nono pitolopate I̱ta꞉ e pokaaso hali hata꞉ iki lombei peaalome. I̱ma꞉ta꞉ lombei peaaso hata꞉ oto honkopu hao e wopu pokolome. I̱ta꞉ dipula da pa꞉ta꞉manu ota꞉ lombei piki hoto eleke eleke mea pitaalememe. I̱ta꞉ ota꞉ lombei peake tupa꞉ dopitama꞉ yombelememe. Kutupa I̱ta꞉ homa꞉la꞉eki tombona꞉ teke pa꞉ta꞉ ota꞉ lombei piki natemanu mea꞉tiki polome.

2 Kotindi 6:5

Nikita꞉ yombua baeme ekimanu make dipula mea lopaeme ekimanu make nate ma꞉nda꞉ nina꞉ wanda꞉hali wopuma꞉ mineke pankolo hata꞉ niki hopiliaaso hata꞉ hoke tetopiki pimanu wopu lememe. Kutupa make haka꞉ta꞉pao e pokoma꞉ ekimanu make u na poluma꞉ ekimanu make ne na noma꞉eki make wopu pua꞉me.

Epesese 3:1

Koto pa꞉la꞉ ekina꞉ I̱ Poloma꞉ta꞉ iki Diendaili wanda꞉hali ika꞉ e pokaowa꞉ ekina꞉ Yesu Ketiso ipika꞉ dipula hali hata꞉ta꞉ Koda꞉ pa꞉ta꞉ yeni pu halome.

Epesese 4:1

I̱ta꞉ Poloma꞉ Tekehalina꞉ e pokaaso ekita꞉ dipula pita꞉ kone iki pa꞉ta꞉ hone wotu witolo hata꞉ doeki alome. Koda꞉ma꞉ wi la꞉la꞉ ekina꞉ iki do tupa꞉ tikitiki yao hapa꞉peke.

2 Timodi 2:9

I̱ma꞉ do Pi Seliapo walo halo ekina꞉ ka꞉nda꞉ tieke mu halome. Kutaa make I̱ta꞉ pi yamba꞉la꞉la꞉ hoke hali leke seni puma꞉ tonkao uleke halome. I̱ta꞉ koto pa꞉leke halopate pa Koda꞉na꞉ pita꞉ kutupe seni puma꞉ na tonkao ula꞉me.

Pailimono 1:9

paa neke pa꞉ta꞉ pukima꞉ homolo ekima꞉ pa honke ala꞉eki homeke pitolome. Do honke alo ekita꞉ I̱ Polota꞉ koke hali hata꞉ kone pa Yesu Ketisona꞉ e pokoeke handaa dipula mea pitaalemeke pita꞉ kone alome.

Peneme Yaeyekeeki 1:9

I̱ta꞉ ika꞉ kame Dioni Yesuna꞉ hoki nane teliolo halie. Ipika꞉ Kilu Tombuao Hala꞉eki pa꞉ta꞉ haleme ekina꞉ ki hone na wiki Pina꞉e laa tanda mineleme ekina꞉ putupoloma꞉ yankekema꞉ loa꞉me. I̱ta꞉ Koda꞉na꞉ pi walaawa꞉ ekina꞉ make Yesuma꞉ ota꞉eki peneme yaeyekeeki walaawa꞉ ekina꞉ I̱ta꞉ mo dawalama꞉ dupake Pa꞉timosi kenke siki pa꞉ta꞉ hano lelememe.

Peneme Yaeyekeeki 2:10

Mo mulu peleme tanda manuna꞉ paala꞉ma꞉ na homa꞉pa꞉peke. Opia꞉pe. Mo Sadanima꞉ta꞉ iki la handolo hata꞉ iki ma꞉nda꞉ hondo dipula mea lopaalieke. Kutupa ika꞉ ka꞉nda꞉ma꞉ homelemeeki manuta꞉ kiki yaapo natena꞉ pua paelieke. Homa꞉la꞉eki epena꞉ kone I̱ pa꞉ta꞉ hone tulaa pelia hapa꞉peke. Kutu pimika꞉na꞉ta꞉ ika꞉ a꞉nda꞉ pea bepolaaseme ekina꞉ ta꞉na꞉ma꞉ homolo peleme yenkita꞉ da꞉ta꞉la꞉eki kulueke.