Aposolo 16:22 - Panake Pi La: Ula: Buka pita: Kine Pieke Buka

²² Kutupa mo hande momba꞉la pitimiki wanda꞉halima꞉ tonka꞉na꞉ ipiliki pa꞉ta꞉ mineke pankemekeme. Kutupa mo pi yokaalu peao haemeke haliwekima꞉ ika꞉ dau leisi mea bao dopita manuma꞉ yombua baena꞉yeke pi lemekeme.

Aposolo 16:22 Mawu Ofanana

Ma꞉tiu 10:17

Mo haliwekima꞉ iki pa꞉ta꞉ pulu peleme ekimanu wopu handeteke hao hapa꞉peke. Ikana꞉ma꞉ iki da꞉ka꞉pa꞉ mina pi yokaaluna꞉ mea pua make mo ika꞉ pi hotu haleme da pa꞉ta꞉manu iki yombilimikie.

Ma꞉tiu 27:26

Koto laata꞉ kota꞉ Pailedima꞉ Batabasi ka꞉la꞉pa꞉ ta꞉pao pa꞉na꞉ tapa tapaeyekepate Yesuta꞉ yombua baena꞉ laa a꞉ka꞉tei wape piki tina꞉ tamendiao homaena꞉ yeke ipiki iki pa꞉ta꞉ mea haleekeme.

Luku 12:11

Ma꞉nda꞉ epima꞉ iki pi yokaalu puluekema꞉ ika꞉ pi hotu haleme da pa꞉ta꞉manu make o mo kapomani haliweki pa꞉ta꞉ make o handeteke haleme haliweki pa꞉ta꞉ hatuku pemeka꞉na꞉ta꞉ kota꞉ ikana꞉ma꞉ta꞉ eki pi lolua꞉pe o ekipa ya kone tamba꞉ miki pi lolua꞉pe laa ka꞉nda꞉ma꞉ na homo taapa꞉peke

Aposolo 16:37

Koto leekepate Poloma꞉ mo polisi haliweki pa꞉ta꞉ alota꞉ Dikana꞉ma꞉ta꞉ hau ma꞉nda꞉ na pupa꞉pate wanda꞉hali handa꞉ potopoto la haena꞉ kone diki yumbua baememe. Dikita꞉ Loma꞉ Kapomanina꞉ pamodi wia halopa꞉ hali yaapo pa꞉ta꞉ kone pimikime. Kotoeki peata꞉ dikita꞉ dipula da pa꞉ta꞉ pa mea lopaememe. Kutupa ameta꞉ a꞉mbaaso hata꞉ diki pa tapaaluekema꞉ lemepe. Ota꞉ dia꞉me. Mo hande pi yokaalu peao haleme haliweki ikana꞉ma꞉ kone do pa꞉ta꞉ a꞉paata꞉ diki mea a꞉pa tapaena꞉ loa꞉me leekeme.

Aposolo 17:5

Kutu pimikipate mo Diu haliwekima꞉ honditi pitolo hata꞉ hoke wanda꞉hali pa꞉ta꞉ ti teke yoko haemeke haliweki mandaneeki meaata꞉ haliweki momba꞉lena꞉ laata꞉ mo daoni wanda꞉hali paeyao la꞉tia tia peaata꞉ Dieisonina꞉ da bepolaluekema꞉ pimikipate mo hali yaapota꞉ wanda꞉hali pa꞉ta꞉ hatuku poluekema꞉ pimikime.

Aposolo 18:12

Kutu piekepate Ka꞉liota꞉ mo Akaya nane kapomani tieke haena꞉ leeke pita꞉ta꞉ mo Diu haliwekima꞉ Polo luekema꞉ apa꞉tao pi yokaalu puluekema꞉ mea pua alota꞉

Aposolo 5:40

Mo aposolo haliweki epena꞉ wi la꞉ mepi peaata꞉ yombua bao alota꞉ Pa hoto ma꞉nda꞉ a꞉nda꞉ Yesuna꞉ bikina꞉ pi ma꞉nda꞉ na lapa꞉peke laa ta꞉e ta꞉e lo laata꞉ pao da tapaemekeme.

2 Kotindi 6:5

Nikita꞉ yombua baeme ekimanu make dipula mea lopaeme ekimanu make nate ma꞉nda꞉ nina꞉ wanda꞉hali wopuma꞉ mineke pankolo hata꞉ niki hopiliaaso hata꞉ hoke tetopiki pimanu wopu lememe. Kutupa make haka꞉ta꞉pao e pokoma꞉ ekimanu make u na poluma꞉ ekimanu make ne na noma꞉eki make wopu pua꞉me.

1 Desalonaika 2:2

Desalonaika nane ipuluekema꞉ hamonota꞉ mo Pilipai da nane hata꞉ niki yaala꞉ma꞉ homaaso hata꞉ niki tanda kimieki make ikita꞉ opimime. Kutu pimipate nika꞉ Koda꞉ma꞉ nika꞉ puki hana꞉ noka꞉paeyeke handaata꞉ niki ame̱le̱ a꞉nda꞉ litolo haena꞉ kone iki pa꞉ta꞉ Koda꞉na꞉ Pi Seliapo a꞉pa waloma꞉me.

Hibulu 11:36

Iki mandane tapaketa꞉ mandane wanda꞉halima꞉ hoke tupa꞉ kitata pu make dopitama꞉ yombu pimikime. Mandane wanda꞉halita꞉ kiki anke tonkao dipula mea pua꞉tiki pimikime.

1 Pida 2:24

Nikana꞉ma꞉ hoke hau pa꞉ta꞉ homomono kutupa tikitiki hau pa꞉ta꞉ da꞉ta hamono Ketisoma꞉ kone ipika꞉ lokema꞉ nika꞉ hoke hau mea tia a꞉ka꞉tei wape ti manda peekeme. Ipika꞉ loke lieke ekima꞉ta꞉ iki da꞉taala꞉me.