Aposolo 16:10 - Panake Pi La: Ula: Buka pita: Kine Pieke Buka

¹⁰ Kutupa hande upama꞉ piki nono pikieki handaata꞉ Koda꞉ma꞉ hande Pi Seliapo koto wanda꞉hali pa꞉ta꞉ walomono lea꞉me hone witolo hata꞉ mo Ma꞉sedonia nane poluekema꞉ kuta kone pota꞉ weimikime.

Aposolo 16:10 Mawu Ofanana

Kini Pieke 5:18

Mo Dia꞉tedi ipika꞉ bapi 162 yeketa꞉ biki Onoko leeke weki mondu wiekeme.

Aposolo 10:29

Koto ekina꞉ mo haliwekima꞉ I̱ handa꞉ mulu epeeke handa I̱ta꞉ hone ma꞉nda꞉ na wiki epoa꞉me. Kota꞉ ekipeke I̱ handa꞉ mulu epena꞉ la pipe leekeme.

Aposolo 14:7

mo hande Pi Seliapo wala꞉tiki pipikime.

Aposolo 16:9

Timba upama꞉ piki nono pea Poloma꞉ hali ma꞉nda꞉ handeekeme. Ma꞉sedonia hali homekema꞉ ipiki pa꞉ta꞉ honke alo hata꞉ alota꞉ Ma꞉sedonia nane niki tamba꞉ mulu a꞉pa꞉peke laa leeke some homeke handeekeme.

Aposolo 26:13

Ya tiekeo. Nate you tikekena꞉ haena꞉ pota꞉na꞉ pulu hamono oli ya nanema꞉ pa̱a̱ tieke nate tupa꞉ dia꞉me mo I̱ ame̱le̱ mandakena꞉ poma꞉ haliweki hande pa̱a̱ tiekema꞉ niki dopuaeya꞉eki handoa꞉me lea꞉me.

Aposolo 27:1

Kutupa Ideli nane palai kawaso tiekena꞉ pomana꞉e laa hone wimiki pita꞉ Polo mandane dipula haliweki ame̱le̱ ami opisa hali homeke Diuliusi pa꞉ta꞉ halaaka꞉na꞉ ipikana꞉ma꞉ta꞉ Okasitani tapake hali hata꞉ handeteke haena꞉yeke pimime.

Aposolo 9:10

Kutupa oni Damasikasi Ketiso hali ma꞉nda꞉ bikita꞉ A꞉na꞉naisi hayekeme. Tekehalima꞉ upama꞉ alota꞉ A꞉na꞉naisio. Kutupa A꞉na꞉naisima꞉ alota꞉ Tekehalio. I̱ta꞉ do pilume leekeme.