Aposolo 15:3 - Panake Pi La: Ula: Buka pita: Kine Pieke Buka

³ Koto ekina꞉ mo siosi tapakema꞉ tapaemeketa꞉ pua mo Pinisia nane make Sametia nane make pomu lopa mo Diendaili wanda꞉halima꞉ Koda꞉ pa꞉ta꞉ puki la꞉ka꞉laemekeeki walolo hata꞉ koto pima꞉ mo Ketiso wanda꞉hali paeyaota꞉ ta꞉na꞉ma꞉ homaemekeme.

Aposolo 15:3 Mawu Ofanana

Aposolo 1:15

Yeni pu pitaata꞉ pa hosiki hao hao peaata꞉ mo Ketisona꞉ pi mina꞉la꞉ wanda꞉halima꞉ pi hotuluekema꞉ mombelemekeme. Iki paeyaota꞉ 120 wanda꞉hali tupa꞉ momba꞉la pitina꞉ Pidama꞉ pi loluekema꞉ tiaeyekeme.

Aposolo 13:48

Kutupa mo Diendaili wanda꞉halima꞉ koto pi opuaata꞉ ta꞉na꞉ma꞉ homolo hata꞉ mo Koda꞉na꞉ pi laemekeme. Kutupa deto hala꞉eki mulu pimiki wanda꞉halima꞉ pi mimikime.

Aposolo 13:52

Kutupa mo disaipolo wanda꞉halima꞉ Holi Sipitidima꞉ tumba pita꞉ ta꞉na꞉ma꞉ homa꞉ tiaaso haena꞉ haemekeme.

Aposolo 14:27

Kutupa opolo a꞉paata꞉ siosi tapake wanda꞉hali mombelena꞉ laata꞉ Koda꞉ma꞉ Diendaili wanda꞉halima꞉ pi mina꞉yeke pota꞉ lombeekeeki make walepekeme.

Aposolo 15:1

Kutupa mandane Diudia nane haemeke haliwekima꞉ koto pa꞉ta꞉ hao hola꞉pa꞉nini pea a꞉pa Ketiso wanda꞉hali pa꞉ta꞉ pi walolo alota꞉ Mo hande Mosesima꞉ waleeke sekemesaisi hau na pimika꞉na꞉ta꞉ ikita꞉ deto hala꞉ ekita꞉ na milimikie laa lemekeme.

Aposolo 15:12

Banabasi Polo yaapoma꞉ta꞉ Koda꞉ma꞉ ipiliki pa꞉ta꞉ wele pita꞉la꞉eki halaata꞉ mo na hando haemeke ekimanu make wele pieke ekimanu make mo Diendaili wanda꞉hali pa꞉ta꞉ pieke ekimanu walolo haena꞉ta꞉ mo mombelemeke haliwekima꞉ opitolo hata꞉ pi na leke yopu pitimikime.

Aposolo 15:22

Koto pa꞉la꞉ ekina꞉ mo aposolo haliweki make mo tondiki haliweki make siosi wanda꞉hali paeyao ame̱le̱ ikana꞉ma꞉ iki pa꞉ta꞉ mandane haliweki talopu mea haena꞉ laata꞉ Polo Banabasi yaapo ame̱le̱ hata꞉ta꞉ mo A꞉ndioko da pa꞉ta꞉ tapaaluekema꞉ hone wimikime. Diudasi biki ma꞉nda꞉ Basabasi meata꞉ Sailasi make talopu mea haena꞉ lemekeme. Mo Ketiso wanda꞉halima꞉ koto hali yaapo pa꞉ta꞉ epeke hone u haemekeme.

Aposolo 15:32

Kutupa Diudasi Sailasi yaapo potopede hali yaapo hata꞉ kone pi wopu walolo hata꞉ta꞉ honkopu haena꞉ lepekeme.

Aposolo 15:4

Kutupa Diutuseleme da pa꞉ta꞉ opolo pemeketa꞉ mo aposolo haliweki make tondiki haliwekima꞉ make mo siosi wanda꞉halima꞉ make ta꞉na꞉ma꞉ homolo hata꞉ iki handa꞉ mimikime. Kutupa Koda꞉ma꞉ ipiliki pa꞉ta꞉ pieke ekimanu paeyao walepekepate

Aposolo 17:15

Hande Polo hatuku pemeke haliwekita꞉ mo A꞉ta꞉ni da nane ipiki hatuku puaata꞉ Poloma꞉ Sailasi Timodi yaapo do pa꞉ta꞉ a̱i̱ epena꞉ lolo pupe leeke pi opuaata꞉ pa la꞉ka꞉la pemekeme.

Aposolo 20:38

Ipikana꞉ma꞉ta꞉ ya leke mineke paa na handilimikie leeke handaa a꞉ta꞉ma꞉ wotu homememe. Kutupa mo palai kawaso pa꞉ta꞉ ipiki hatuku pememe.

Aposolo 21:5

Koto lemepate nikita꞉ koto da pa꞉ta꞉ iki ame̱le̱ haoma꞉ di paeyeketa꞉ iki mina꞉pa꞉lao poma꞉me. Koto haliweki paeyaoma꞉ ika꞉ weki wanda꞉ paeyao ame̱le̱ make daoni nane niki hatuku tapaalo epememe. Kutupa niki paeyaoma꞉ koto dawala ikali tea꞉na꞉ tumiki yotuao pita꞉ yeni puma꞉me.

Aposolo 28:15

Kutupa mo Loma꞉ Ketiso kame titima꞉ niki ipuluma꞉me pi opuata꞉ mo Apiusina꞉ makedi pa꞉ta꞉ make mo Kimisu Hali Polu Hala꞉ Da Tepo pa꞉ta꞉ make niki manda꞉hande pulu epememe. Kutupa Poloma꞉ iki handaata꞉ Koda꞉ pa꞉ta꞉ keiyae pi laata꞉ honkopu haya꞉me.

Aposolo 8:14

Kutupa mo Diutuseleme da haemeke aposolo haliwekima꞉ Sametia wanda꞉halima꞉ Koda꞉na꞉ pi mineleme pi opu haota꞉ Pida Dioni yaapo pupa꞉ laa tapaemekeme.

Loma꞉ 15:24

ame ipulueke laa hone pa꞉la꞉me. I̱ta꞉ Sipeini kenke nane yapuluekema꞉ yopuluta꞉ titina꞉ amba꞉la iki handuluekema꞉ hone pa꞉la꞉me. Iki ame̱le̱ hosiki a꞉pa haota꞉ pa mo Sipeini kenke nane poa꞉ka꞉na꞉ta꞉ kota꞉ ikana꞉ma꞉ I̱ tamba꞉ mimika꞉na꞉ta꞉ epelieke hone witolome.

1 Kotindi 16:11

Kutupa hali homeke a꞉nda꞉ma꞉ ipiki pa꞉ta꞉ honditi hone na wia꞉pa꞉peke. Ikana꞉ma꞉ ipiki I̱ pa꞉ta꞉ epena꞉ alo hata꞉ ta꞉na꞉ma꞉ homolo hata꞉ tapaapa꞉peke. Ipikana꞉ma꞉ mandane Ketiso yankeketiti ame̱le̱ do ane epena꞉yeke handeteke halome.

1 Kotindi 16:6

Iki ame̱le̱ hosiki hao haluekema꞉ hone witolopate pa mata꞉la꞉me. Mo kosa꞉ ki paeyaona꞉ haluma꞉pe. Kutupa wetepena꞉ da ma꞉nda꞉ nane poa꞉ka꞉na꞉ta꞉ ikana꞉ma꞉ pota꞉ I̱ tapaamina꞉e hone witolome.

2 Kotindi 1:16

I̱ mo Diudia nane pua꞉peke ekina꞉ tamba꞉ mina꞉la꞉ ekimanu ma꞉nda꞉ iki pa꞉ta꞉ muluekema꞉ yaka hone pambao witolota꞉ mo Ma꞉sedonia nane yopulu make pa la꞉ka꞉la ipulu make iki handa꞉ tia ipulueke hone ua꞉me.

Taitasi 3:13

Mo Kapomanina꞉ pi ula꞉eki tikitiki yao hala꞉ hali Senasi make mo hande Apolosi kota꞉ hali yaapo ipilika꞉ pi walo polo pelepeeki kini pina꞉ nakana꞉ma꞉ epeke tamba꞉ muluekema꞉ taapa꞉peke. Ipilika꞉ mea polo pelepe ale manuta꞉ ana꞉na꞉ mea wilipipe laa handa꞉ handa꞉peke.