Aposolo 15:1 - Panake Pi La: Ula: Buka pita: Kine Pieke Buka

¹ Kutupa mandane Diudia nane haemeke haliwekima꞉ koto pa꞉ta꞉ hao hola꞉pa꞉nini pea a꞉pa Ketiso wanda꞉hali pa꞉ta꞉ pi walolo alota꞉ Mo hande Mosesima꞉ waleeke sekemesaisi hau na pimika꞉na꞉ta꞉ ikita꞉ deto hala꞉ ekita꞉ na milimikie laa lemekeme.

Aposolo 15:1 Mawu Ofanana

Dioni 7:22

Mosesima꞉ ika꞉ wekisunu pa꞉ta꞉ sekemesaisi hau pea꞉pa꞉peke laa leeke ekina꞉ mo Hoto Pila꞉ Natena꞉ make weki ma꞉nda꞉ pa꞉ta꞉ sekemesaisi hau pilimikie. Mosesima꞉ leeke ekina꞉ loa꞉pate pa Mosesima꞉ do hau na kini pu miekeme. Ika꞉ amba꞉ atekemeima꞉ kini pu mimikime.

Aposolo 1:15

Yeni pu pitaata꞉ pa hosiki hao hao peaata꞉ mo Ketisona꞉ pi mina꞉la꞉ wanda꞉halima꞉ pi hotuluekema꞉ mombelemekeme. Iki paeyaota꞉ 120 wanda꞉hali tupa꞉ momba꞉la pitina꞉ Pidama꞉ pi loluekema꞉ tiaeyekeme.

Aposolo 15:22

Koto pa꞉la꞉ ekina꞉ mo aposolo haliweki make mo tondiki haliweki make siosi wanda꞉hali paeyao ame̱le̱ ikana꞉ma꞉ iki pa꞉ta꞉ mandane haliweki talopu mea haena꞉ laata꞉ Polo Banabasi yaapo ame̱le̱ hata꞉ta꞉ mo A꞉ndioko da pa꞉ta꞉ tapaaluekema꞉ hone wimikime. Diudasi biki ma꞉nda꞉ Basabasi meata꞉ Sailasi make talopu mea haena꞉ lemekeme. Mo Ketiso wanda꞉halima꞉ koto hali yaapo pa꞉ta꞉ epeke hone u haemekeme.

Aposolo 15:23

Kutupa do wapeta꞉ mo haliwekima꞉ mea pena꞉ lemekeme. Koto pase tukiki pa꞉ta꞉ do pi wiekeme. Nikita꞉ aposolo haliwekima꞉ mo siosina꞉ handeteke haloma꞉ tondiki haliwekima꞉ tonka꞉na꞉ ika꞉ kametonu hata꞉ do wapema꞉ nika꞉ oli A꞉ndioko Sitia Silisia nane haleme Diendaili kametiti pa꞉ta꞉ keiyae aloma꞉me.

Aposolo 15:24

Nika꞉ da nane haliweki mandaneeki manuma꞉ pi walolo hata꞉ iki ka꞉nda꞉ peaemeke ekita꞉ opuma꞉me. Nikana꞉ma꞉ dupa lapa꞉peke pi na loma꞉pate pa ika꞉ konema꞉ iki ka꞉nda꞉ma꞉ homaemekeme.

Aposolo 15:3

Koto ekina꞉ mo siosi tapakema꞉ tapaemeketa꞉ pua mo Pinisia nane make Sametia nane make pomu lopa mo Diendaili wanda꞉halima꞉ Koda꞉ pa꞉ta꞉ puki la꞉ka꞉laemekeeki walolo hata꞉ koto pima꞉ mo Ketiso wanda꞉hali paeyaota꞉ ta꞉na꞉ma꞉ homaemekeme.

Aposolo 15:32

Kutupa Diudasi Sailasi yaapo potopede hali yaapo hata꞉ kone pi wopu walolo hata꞉ta꞉ honkopu haena꞉ lepekeme.

Aposolo 15:5

mandane Pa꞉tisi tapake Ketiso haliwekima꞉ tiao alota꞉ Mo wanda꞉halita꞉ sekemesaisi hau pina꞉ laata꞉ Mosesima꞉ waleeke Lo Pimanu make opina꞉ laata꞉ ana꞉ pa꞉la꞉me lemekeme.

Aposolo 21:20

Kutupa mo haliwekima꞉ kotoeki opuaata꞉ Koda꞉na꞉ pi laememe. Kutupa ipiki pa꞉ta꞉ alota꞉ Kameo. Hande Diu haliweki paeyaoma꞉ pi mimiki ekita꞉ handeleme. Paeyaoma꞉ hande Lo Pimanu opuluekema꞉ hone wotu witelemepate

Aposolo 6:14

Ipikana꞉ma꞉ dupa leeke opuma꞉me. Mo Na꞉sa꞉tete hali Yesuma꞉ do da teke hoeyao Mosesima꞉ waleeke ekimanu make topo pea panakeeki walieke lea꞉ ekita꞉ pea꞉ma꞉ opuma꞉me lemekeme.

Ka꞉leisia 2:1

Bapi 14 yapeeke hoki naneta꞉ Banabasi yaapo mo Diutuseleme nane Taitasi hatuku paa popa꞉me.

Ka꞉leisia 5:6

Niki Yesu Ketiso pa꞉ta꞉ tunao haoma꞉ka꞉na꞉ta꞉ sekemesaisi hau pita꞉la꞉eki make sekemesaisi hau na pita꞉la꞉eki make koto hau telipina꞉ta꞉ pa pa alema꞉ handa꞉la꞉me. Pate hone tulaaso hata꞉ pukima꞉ homa꞉ alualu pu haemeka꞉na꞉ta꞉ kota꞉ koto hauta꞉ ota꞉ekie.

Ka꞉leisia 6:12

Mo ikana꞉ma꞉ sekemesaisi hau puemena꞉ yeke ti aleme wanda꞉halima꞉ta꞉ ika꞉ biki mea a꞉meiyaaso hata꞉ kone pa mo yonkeleke manda pita꞉la꞉ hauna꞉ hakoko liki pimanu loluekema꞉ yeke alememe. Kutu pita꞉la꞉ ekita꞉ ikana꞉ma꞉ mo Yesu homeeke kolosuna꞉ pi walaemeka꞉na꞉ta꞉ mandane Diu tapakema꞉ iki pa꞉ta꞉ ka꞉nda꞉ halaama꞉na꞉ yeke pa yanaaso do manda yonkelekena꞉ pita꞉la꞉ hau pu halememe.

Kolosi 2:16

Koto ekina꞉ta꞉ ika꞉ naleme ne ikalina꞉ make mo biki wiki nate tieke manuna꞉ make mo panake kaisepona꞉ ne pambeleme nate manuna꞉ make o Sa꞉bede nate manuna꞉ make ma꞉nda꞉ma꞉ tombo na wina꞉ lapa꞉peke.

Kolosi 2:8

Wopu handa꞉pa꞉peke. Ma꞉nda꞉ma꞉ do kenke halina꞉ napeke na wiki makeaasa꞉ hone lenkena꞉ pea wita꞉la꞉ hau manuma꞉ iki na handeteke haena꞉ lapa꞉peke. Do hau manuta꞉ Ketiso pa꞉ta꞉ yama꞉ na a꞉pa꞉la꞉pate pa mo apa꞉meina꞉ loma꞉loma꞉ pa꞉la꞉ pimanu make do kenkena꞉ teke na wiki mana꞉ pimanu pa꞉ta꞉ yama꞉ a꞉pa꞉la꞉me.