Aposolo 13:6 - Panake Pi La: Ula: Buka pita: Kine Pieke Buka

⁶ Mo hoki paeyao pa꞉ta꞉ waloendi pu haota꞉ mo Peiposi da nane puaata꞉ ti̱o̱ hali homeke bikita꞉ Ba Yesu handepekeme. Ipikita꞉ Diu hali hata꞉ pa yayapiki potopede hayekeme.

Aposolo 13:6 Mawu Ofanana

Ma꞉tiu 16:17

Yesuma꞉ ipiki pa꞉ta꞉ alota꞉ Saimono Dionina꞉ eiyekeo. Nakana꞉ma꞉ta꞉ epeke tupa꞉ hombo peaeme. Pa ekipeke do ota꞉ tikitikina꞉ hombo peae ekita꞉ hali ma꞉nda꞉ma꞉ na la kia꞉pate ya hepeni hala꞉ Apa꞉ma꞉ neke pa꞉ta꞉ tiki tiki kia꞉me.

Ma꞉tiu 24:24

Yayapiki Ketisomanu make yayapiki pi la꞉ mea halo hala꞉ haliweki make a꞉pa mo hande Koda꞉na꞉ ma̱leke lila꞉ wanda꞉hali pa nane hatuku mea puluekema꞉ yeke iki makeaapeke ya꞉la꞉o laa makea handuluekema꞉ na handeke hau tieke tiekemanu make wele pita꞉la꞉ ekimanu make walimikie.

Ma꞉tiu 7:15

Mo yayapiki potopede haliwekima꞉ iki makeaama꞉na꞉ leke leke lo hapa꞉peke. Ikana꞉ma꞉ iki makealuekema꞉ta꞉ ika꞉ lokena꞉ manda hau manuma꞉ta꞉ sipisipi nono pilimipate ika꞉ puki tukiki naneta꞉ hali lu no hala꞉ tikene kikamanu leke kone halememe.

Maka 10:46

Ikana꞉ma꞉ Dietiko da pa꞉ta꞉ opolo pemekeme. Kutupa Yesuma꞉ ipika꞉ disaipolo haliweki make wanda꞉hali wopu make Dietiko da nane mina꞉pa꞉laaso haena꞉ Timeiya꞉sina꞉ eiyeketa꞉ Batimeiya꞉si leke holupiki hali hata꞉ mani honke loluekema꞉ yeke pota꞉ nepokona꞉ pitiekeme.

Aposolo 13:13

Polo ame̱le̱ mandakena꞉ pemeke haliwekita꞉ palai kawaso tiekena꞉ pitata꞉ mo Peiposi da mina꞉pa꞉lao mo Pa꞉mbilia nane hayeke da Peka pa꞉ta꞉ opolo pemekeme. Koto pa꞉ta꞉ opolo pemekepate Dioni Makata꞉ iki mina꞉pa꞉lao Diutuseleme nane pa la꞉ka꞉la peekeme.

Aposolo 13:8

Hali yaapo pepekepate mo ti̱o̱ hali Elimasima꞉ mo Kitiki pi laa koto ti̱o̱ halina꞉ bikita꞉ Elimasie ipikana꞉ma꞉ta꞉ Banabasi Solo yaapo sa꞉sa꞉ puluekema꞉ taapeekeme. Mo kapomanina꞉ you halima꞉ Tekehali pa꞉ta꞉ hone tulaasa꞉eki pao la꞉ka꞉la mina haena꞉ loluekema꞉ taapeekeme.

2 Kotindi 11:13

Koto haliwekita꞉ ota꞉ aposolo haliweki dia꞉me. Ikita꞉ makeaaso aposolo haliweki hata꞉ ika꞉ pokeleme ena꞉ yayapiki pi laata꞉ ikita꞉ Ketisona꞉ ota꞉ aposolo haliweki leke au lo halememe.

2 Timodi 3:8

Mo hande Dia꞉nisi pita꞉ Dia꞉mbitisi yaapoma꞉ Mosesi pa꞉ta꞉ a꞉nda꞉ lipikime. Koto some yaapoma꞉ pipiki tupa꞉ kone mo hande haliwekima꞉ta꞉ mo hande ota꞉ pi pa꞉ta꞉ make a꞉nda꞉ lu halememe. Ikana꞉ma꞉ ika꞉ hone tikitiki na yaaso hata꞉ kone Koda꞉ pa꞉ta꞉ hone tulaapeke ekina꞉ta꞉ iki ana꞉ na paleke handaata꞉ Koda꞉ma꞉ iki kiao hala꞉me.

1 Dioni 4:1

Yaka pukipiki ta꞉ma꞉ni sunuo. Mo Koda꞉na꞉ Sipitidi moloma꞉me aleme wanda꞉hali paeyao pa꞉ta꞉ hone na tulaake pa ika꞉ ekita꞉ Koda꞉ pa꞉ta꞉ yama꞉ a꞉pa꞉la꞉pe laa amba꞉la handaa handa꞉pa꞉peke. Pa ekipeke mo makeaaso potopede hali paeyaota꞉ mo kenke honiki paeyao pa꞉ta꞉ pelemeke loa꞉me.

Peneme Yaeyekeeki 19:20

Mo sayale make mo sayalena꞉ leke popelekena꞉ na handeke haumanu pia꞉ makeaaso potopede hali make dipula minimime. Koto pia꞉ na handeke hau manuma꞉ta꞉ ipikana꞉ma꞉ mo sayalena꞉ tombo ika꞉ wenokona꞉ wimi wanda꞉hali make mo manda꞉ meao wepimi sayale pa꞉ta꞉ yeiya꞉ laaso hata꞉ yeni pimi wanda꞉hali make makeaeya꞉me. Mo sayale tieke hombeleke pita꞉ mo makeaaso potopede hali yaapo pa pitiki oni titipupiki lanka꞉ ma꞉nda꞉ solopa tala꞉ ti uleke kiake pa꞉ta꞉ lopaememe.