Aposolo 13:3 - Panake Pi La: Ula: Buka pita: Kine Pieke Buka

³ Kutupa pa ne na neke yeni peaata꞉ mo hali yaapona꞉ youna꞉ kiki wiata꞉ hande leeke e pokaena꞉ pena꞉ tapaemekeme.

Aposolo 13:3 Mawu Ofanana

Luku 2:37

Ipikita꞉ koke wanda꞉ hata꞉ ipika꞉ bapita꞉ 84 yeekeme. Kutupa ipikana꞉ma꞉ mo tembolo da na mina꞉pa꞉lake timba make natena꞉ make Koda꞉ pa꞉ta꞉ panda꞉puniao hata꞉ ne pi wia꞉tiki pea yeni pu hatiki pu hayekeme.

Aposolo 1:24

Kotoeki peaata꞉ yeni dupa pimikime. Tekehalio. Wanda꞉hali paeyaona꞉ puki pa꞉ta꞉ ula꞉ haumanu paeyao nakana꞉ma꞉ handeleme. Kutu pele ekina꞉ Tekehalio. Do hali yaapo pa꞉ta꞉ta꞉ Diudasima꞉ta꞉ aposolo hali hata꞉ pokea꞉ e mina꞉pa꞉lao ipika꞉ halo pia꞉ alena꞉ peeke handaata꞉ koto eta꞉ hali epima꞉ mina꞉pe. Niki pa꞉ta꞉ nakana꞉ma꞉ walae.

Aposolo 13:2

Kutupa Tekehali pa꞉ta꞉ ne na neke panda꞉puniaaso haena꞉ mo Holi Sipitidima꞉ alota꞉ Banabasi Solo yaapo yaka walo polo e pokaena꞉yeketa꞉ pa nane haena꞉ lape leekeme.

Aposolo 13:4

Koto ekina꞉ hande hali yaapota꞉ mo Holi Sipitidima꞉ tapaaso haena꞉ oni Selusia nane pepekeme. Koto pa꞉ta꞉ opolo pua Saipotasi nane palai kawaso tiekena꞉ pita pepekeme.

Aposolo 14:23

Polo Banabasi yaapoma꞉ mo siosi tapake handeteke haena꞉ tondiki haliweki tamba꞉ mipi peaata꞉ kutupa ne na neke yeni pitolo hata꞉ mo hande Koda꞉ pa꞉ta꞉ hone tulaasa꞉ wanda꞉hali Koda꞉ma꞉ handeteke haena꞉ lepekeme.

Aposolo 14:26

Kutupa koto hao palai kawasona꞉ pita hande A꞉ndioko da pa꞉ta꞉ pepekeme. Koto data꞉ amba꞉ kone mo Koda꞉na꞉ a꞉ta꞉ma꞉ homa꞉la꞉eki minolo hata꞉ ipika꞉ pi walena꞉yeke tapaemeke haliweki pa꞉ta꞉ta꞉ pi wala paeyeke handa paa opolo epepekeme.

Aposolo 15:40

Poloma꞉ Sailasi meaata꞉ Ketiso haliwekima꞉ Koda꞉na꞉ a꞉ta꞉ma꞉ homa꞉la꞉eki mina꞉yeke tapaemekeme.

Aposolo 6:6

Do haliwekita꞉ hatuku pua mo aposolo haliwekina꞉ leke popelekena꞉ a꞉pa yeni pitolo hata꞉ ika꞉ kiki mo haliwekina꞉ youna꞉ wimikime.

Aposolo 9:17

Koto ekina꞉ A꞉na꞉naisi pua da pa꞉ta꞉ opolo peekeme. Kutupa ipika꞉ kiki Solona꞉ youna꞉ pua witolo hata꞉ alota꞉ Solo ya kameo. Tekehali Yesu mo pota꞉na꞉ ipulu halena꞉ epeeke hande Yesuma꞉ naka꞉ leke paa kilao Holi Sipitidima꞉ tumba halena꞉ yeke I̱ tapaeya꞉me leekeme.

Loma꞉ 10:15

Kutupa hande pi mea pua walaaseme wanda꞉hali na tapaemeka꞉na꞉ta꞉ kota꞉ ekipa pi walaalimikipe. Mo hande Baibolo bukana꞉ wape pa꞉la꞉ ekita꞉ dupa. Mo ota꞉ epeke pi seliapo mea a꞉paaseme wanda꞉halina꞉ anke manuta꞉ ota꞉ yole pea ula꞉me laa la꞉la꞉me.

1 Timodi 4:14

Mo siosi you haliwekima꞉ pi la꞉ witolo hata꞉ naka꞉ youna꞉ ika꞉ kiki wimi dina꞉ Koda꞉ma꞉ ipika꞉ pa hameke kita꞉la꞉ epeke ale homeke naka꞉ puki pa꞉ta꞉ wiaya꞉ ekita꞉ nakana꞉ma꞉ ota꞉ na mina꞉pa꞉lapeke.

1 Timodi 5:22

Hali ma꞉nda꞉ma꞉ siosi pa꞉ta꞉ Koda꞉na꞉ e pokaena꞉ta꞉ na hondoma꞉ tiake hata꞉ kiki wita꞉la꞉ hau a̱i̱ na pea꞉peke. Mandane wanda꞉halina꞉ hoke hau neke pa꞉ta꞉ na mundilina꞉ leke naka꞉ hauta꞉ yako pea hapeke.

2 Timodi 1:6

Koto hone ua꞉eki tekena꞉ta꞉ I̱ma꞉ naka꞉ youna꞉ ya kiki ua꞉ pa꞉ta꞉ yama꞉ Koda꞉ma꞉ neke pa꞉ta꞉ pa hameke ka꞉la꞉ hauta꞉ alupaama꞉na꞉ halima꞉ ti honiaama꞉na꞉ po lo hala꞉ tupa꞉ kone do hauta꞉ pa mea tiaaso tiaaso halena꞉ hone u tiaasome.

2 Timodi 2:2

I̱ma꞉ wanda꞉hali eleke elekena꞉ leke popelekena꞉ waloeke opi mana꞉ pi manuta꞉ kota꞉ nakana꞉ma꞉ meaata꞉ mo hone epeke tupa꞉ u paleke hata꞉ mandane da wanda꞉hali ana꞉na꞉ wala꞉peke ya꞉la꞉ wanda꞉halita꞉ nakana꞉ma꞉ moka꞉la hale hale pea꞉peke.

3 Dioni 1:6

Koto wanda꞉halima꞉ta꞉ do haleme siosi tapake pa꞉ta꞉ naka꞉ pukima꞉ homeleeki a꞉pa la halememe. Koto wanda꞉hali ika꞉ pota꞉ pulimi ale pa꞉ta꞉ Koda꞉ ta꞉na꞉ma꞉ homaalo peleme tamba꞉ mea꞉peke laa honke alome.

3 Dioni 1:8

Koto ekina꞉ta꞉ niki Ketiso wanda꞉halima꞉ta꞉ dupiki wanda꞉hali tamba꞉ mumana꞉e. Pa ekipeke ika꞉ mo ota꞉ ekina꞉ e pokelemeeki telipumana꞉ loa꞉me.