Aposolo 12:4 - Panake Pi La: Ula: Buka pita: Kine Pieke Buka

⁴ Kutupa da꞉ka꞉pa꞉ minata꞉ dipula mea lopao ami haliweki mandane tonkopu mandane tonkopu mandane tonkopu mandane tonkopu haliwekita꞉ kade hatiki pina꞉ leekeme. Ipika꞉ honema꞉ta꞉ mo hande Lombei Pupa Yapeeke pita꞉ paeya꞉ka꞉na꞉ta꞉ wanda꞉hali pa꞉ta꞉ mea a꞉pa walueke hone wiekeme.

Aposolo 12:4 Mawu Ofanana

Ma꞉tiu 24:9

Koto haumanu pilia꞉ toma꞉na꞉ta꞉ mandane haliwekima꞉ iki pa꞉ta꞉ ka꞉nda꞉manu ku make lu puluekema꞉ iki da꞉ka꞉pa꞉ mina꞉ bepi pilimikie. Ikita꞉ yaeki haleme ekina꞉ wanda꞉hali wopuma꞉ iki honditi wopu pilimikie.

Ma꞉tiu 26:5

Koto pea ikana꞉ma꞉ alota꞉ Mo ne pambaaso haena꞉ta꞉ dia꞉me. Wanda꞉halima꞉ niki pa꞉ta꞉ mineke pankaapa꞉na꞉ lemekeme.

Maka 14:1

Diu wanda꞉halima꞉ Lombei Pupa Yapeeke nate make Na Pombei Yaake Palaowa Nala꞉ di make hone uluekema꞉ ne pambaaluekema꞉ nate yaapo titina꞉ amba꞉la꞉ wiekeme. Kutupa mo yeni peao haemeke you haliwekima꞉ make wape pea wala꞉tiki pu haemeke haliwekima꞉ make Yesu a꞉mbao mina lu pimiki pota꞉ weimikime.

Luku 21:12

Dupiki haumanu puluekema꞉ haena꞉ta꞉ niki amba꞉la mina꞉ yombuata꞉ oni pi hotu haleme da pa꞉ta꞉ niki pi yokaalu puemena꞉ hala꞉ moneaota꞉ dipula mea pitalimikie. Kutupa ikita꞉ yaka bikina꞉ kone mo kini haliwekimanu make handeteke pilimi haliwekina꞉ leke popelekena꞉ hatuku ipilimikie.

Luku 22:33

Pidama꞉ Yesuna꞉ pi hombo peaaso alota꞉ Tekehalio. I̱ta꞉ neke yaapo mandakena꞉ dipula pulueke make homeka꞉na꞉ homuluekema꞉ make tikitiki yao halome leekeme.

Dioni 19:23

Mo ami haliwekima꞉ mo a꞉ka꞉tei wapepiki tina꞉ Yesu lu endiaota꞉ ipika꞉ dau manuta꞉ mea iki tonkopu hali hata꞉ telipea mimikime. Ipika꞉ dau hokulupeke lopaniaeyekeeki make mimikipate koto dauta꞉ na tunaakeeki kone homeke kone tumbula lopaniaeyekeeki yeeke handaa

Dioni 21:18

I̱ma꞉ neke pa꞉ta꞉ ota꞉ pi alome. Neke wekihali hae dina꞉ta꞉ nakana꞉ma꞉ ba꞉ta꞉ido hako yama naka꞉ hone pia꞉ nane pomu hayekeme. Kutupu hayekepate wetepena꞉ta꞉ neke koke yolo pa꞉la꞉ dina꞉ naka꞉ kiki yaapo tindipa moneaalo pelepate hali ma꞉nda꞉ma꞉ naka꞉ kiki mea tonkao naka꞉ hone na pa꞉la꞉ nane kone neke hatuku pelieke leekeme.

Aposolo 12:3

Kutupa Diu wanda꞉halima꞉ ta꞉na꞉ma꞉ homemeke handa Pida make da꞉ka꞉pa꞉ miniekeme. Mo hande Na Pombei Yaake Palaowa Nemeke pita꞉ piekeme.

Aposolo 12:5

Koto ekina꞉ Pidata꞉ dipula da pa꞉ta꞉ pa pitina꞉ leekepate mo siosi tapake wanda꞉halima꞉ Koda꞉ pa꞉ta꞉ Pida yeni wopu pea꞉tiki pimikime.

Aposolo 4:28

Ikana꞉ma꞉ momba꞉la hata꞉ kotoeki puluekema꞉ pimikipate nakana꞉ma꞉ naka꞉ hone wia naka꞉ wele pa꞉la꞉ ekima꞉ amba꞉ kone dupilimikie laa pina꞉ leleme.

Aposolo 4:3

iki tepo ta꞉nka꞉pa꞉ mina timba꞉ amba꞉ leeke handa da ka꞉la꞉paaso pi yokaalu puluekema꞉ dipula pitaemekeme.

Aposolo 5:18

Kutupa mo aposolo haliweki da꞉ka꞉pa꞉ minina꞉ laata꞉ dipula mea lopaemekeme.

Aposolo 8:3

Kutu pimikipate Soloma꞉ siosi wanda꞉hali hoeyaaluekema꞉ taapeekeme. Ipikana꞉ma꞉ta꞉ da ma꞉nda꞉ ma꞉nda꞉ pa꞉ta꞉ pominolo hata꞉ siosi wanda꞉hali kiki yola꞉ mea hama꞉ nane mea batiki pea dipula mea lopatiki piekeme.