Aposolo 11:3 - Panake Pi La: Ula: Buka pita: Kine Pieke Buka

³ Nakana꞉ma꞉ta꞉ mo sekemesaisi hau na piki Diendaili haliwekina꞉ da pa꞉ta꞉ pelia hao ne mandakena꞉ nemekeme la lemekeme.

Aposolo 11:3 Mawu Ofanana

Ma꞉tiu 9:11

Kutu pimikieki mandane Pa꞉tisi haliwekima꞉ handolo hata꞉ ipika꞉ disaipolo haliweki pa꞉ta꞉ alota꞉ Ekipeke mo ika꞉ disama꞉ mo dakisi mani mu haleme haliweki mo hoke haliweki ame̱le̱ ne no pilimipe lemekeme.

Luku 15:2

hande Pa꞉tisi haliwekima꞉ make mo hande Lo Pi walo haemeke haliwekima꞉ make kotoeki handaata꞉ pi la la pitolo hata꞉ ika꞉ kone alota꞉ Do halima꞉ta꞉ mo hoke haliweki handa꞉ mea꞉tiki pea ne kone homeke pa꞉ta꞉ netiki pitelememe laa lemeke handa

Dioni 18:28

Kaiya꞉pasi hayeke alena꞉ mina꞉pa꞉lao mo Kapomani You halina꞉ da pa꞉ta꞉ Yesu hatuku mea pemekeme. Da panake ka꞉la꞉polo haena꞉ mea pemekeme. Diu haliwekima꞉ta꞉ mo Lombei Pupa Yapeeke ekina꞉ ne pambemekeeki noluekema꞉ iki hoeyaama꞉na꞉ ika꞉ nindi pelemeeki hone witolo hata꞉ mo da tukiki pa꞉ta꞉ na peke hama꞉ nane pa haemekeme.

Aposolo 10:23

Kutupa Pidama꞉ da pa꞉ta꞉ epena꞉ wi laa ne polu pieke da make waleekeme. Kutupa da kelepeeketa꞉ Pida make mo hali tepo make mandane Diopa Ketiso haliweki make mandakena꞉ pemekeme.

Aposolo 10:28

Diu halima꞉ kenke ma꞉nda꞉ hali yaapo ta꞉ma꞉ni pea꞉peke na yeke ipika꞉ da pa꞉ta꞉ pua꞉peke na ya꞉la꞉me ekita꞉ ika꞉ kone handelemepate Koda꞉ma꞉ Hali ma꞉nda꞉ta꞉ hoke hali o hoe peao hala꞉ halie pi na lapeke laa I̱ pa꞉ta꞉ walea꞉me leekeme.

Aposolo 10:32

Koto ekina꞉ mo Diopa da pa꞉ta꞉ mo hali Saimono biki ma꞉nda꞉ Pida hali ma꞉nda꞉ma꞉ handa꞉ mulu pena꞉ tapae la alota꞉ Mo halita꞉ ma꞉na꞉ yonkelekema꞉ hako wopu hala꞉ hali Saimonona꞉ da pa꞉ta꞉ hala꞉me lea꞉me. Mo data꞉ dawala ikali tea꞉na꞉ hala꞉me laa lea꞉me.

Aposolo 10:48

Kutupa Pidama꞉ koto wanda꞉hali Yesu Ketisona꞉ bikina꞉ bapitaisi peaapa꞉pekee leekeme. Kutupa ikana꞉ma꞉ Pida pa꞉ta꞉ nate mandaneeki do pa꞉ta꞉ hamana꞉e laa honke lemekeme.

1 Kotindi 5:11

I̱ma꞉ loa꞉ ekita꞉ do ekina꞉ yeke loa꞉me. Hali ma꞉nda꞉ma꞉ iki pa꞉ta꞉ alota꞉ I̱ta꞉ ika꞉ Ketiso kamee la ala꞉pate ipikana꞉ma꞉ tooli ka꞉taasa꞉ hau o honumake hau o toopi tima꞉ wepia ula꞉ ale pa꞉ta꞉ panda꞉ puniaasa꞉ hau o pi la la pita꞉la꞉ hau o hoke ikali naa keaasa꞉ hau o pi ula꞉ ekimanu yamba꞉la꞉la꞉ hau pa pulu ombu haya꞉ka꞉na꞉ta꞉ kota꞉ kutupiki hali ame̱le̱ na hapa꞉peke loa꞉me. Kutu piki hali ame̱le̱ mandake pa꞉ta꞉ pua pita꞉ kone ne na napa꞉peke.

Ka꞉leisia 2:12

Dia꞉mesima꞉ tapaeyeke haliweki na opolo epeke haena꞉ta꞉ Pidama꞉ mo Diendaili Ketiso kametonu ame̱le̱ mandakena꞉ pita꞉ ne nemekepate pa mo haliweki opolo a꞉pa haemeketa꞉ Pidama꞉ mo Ketiso tapake paeyao sekemesaisi hau pumana꞉e lo haleme tapake haliweki pa꞉ta꞉ paala꞉ma꞉ homeke ekina꞉ ipikita꞉ mo Diendaili Ketiso tapake ame̱le̱ apa꞉tao pita꞉ ne na neke yola꞉ tapao pitiekeme.

2 Dioni 1:10

Koto ekina꞉ta꞉ ma꞉nda꞉ epima꞉ dupiki wala꞉la꞉eki na mea epea꞉ka꞉na꞉ta꞉ koto someta꞉ ika꞉ da pa꞉ta꞉manu na handa꞉ mea꞉pa꞉peke. Kutupa ipiki pa꞉ta꞉ta꞉ Puki lopa꞉niaasa꞉eki neke pa꞉ta꞉ wina꞉e pi na lapa꞉peke.