Aposolo 11:12 - Panake Pi La: Ula: Buka pita: Kine Pieke Buka

¹² Hande Holi Sipitidima꞉ I̱ pa꞉ta꞉ alota꞉ Hone ma꞉nda꞉ na wiki koto haliweki ame̱le̱ mandakena꞉ pupe lea꞉me. Koto hande Diopa nane haleme kametiti yunki mindiki hata꞉ haliweki I̱ ame̱le̱ mandakena꞉ Sesatia da nane opolo puaata꞉ Koniliesina꞉ da pa꞉ta꞉ honda꞉ pambolo poma꞉me.

Aposolo 11:12 Mawu Ofanana

Ma꞉tiu 1:20

Diosepema꞉ koto piki honemanu witolo haena꞉ta꞉ timba ma꞉nda꞉na꞉ ipika꞉ upa pa꞉ta꞉ yama꞉ Koda꞉na꞉ enisolo homeke opolo a꞉pa alota꞉ Deipidina꞉ weki Diosepeo. Meti naka꞉ wanda꞉ haena꞉ muluekema꞉ta꞉ paala꞉ma꞉ na homa꞉peke. Pa ekipeke mo weki pita꞉la꞉ ekita꞉ mo Holi Sipitidima꞉ kone peawala꞉me.

Dioni 16:13

Kutu polopate wetepe hande ota꞉ pi la wala꞉la꞉ Temoko epea꞉ka꞉na꞉ta꞉ ota꞉ pimanu paeyao opuemena꞉ iki tikitiki yao hatuku pelieke. Ipika꞉ hone wia na leke eki pi opia꞉ka꞉na꞉ta꞉ ipikana꞉ma꞉ koto pi kone la kilieke. Kutupa wetepena꞉ pulu peleme ekimanu make la kilieke.

Aposolo 1:15

Yeni pu pitaata꞉ pa hosiki hao hao peaata꞉ mo Ketisona꞉ pi mina꞉la꞉ wanda꞉halima꞉ pi hotuluekema꞉ mombelemekeme. Iki paeyaota꞉ 120 wanda꞉hali tupa꞉ momba꞉la pitina꞉ Pidama꞉ pi loluekema꞉ tiaeyekeme.

Aposolo 10:23

Kutupa Pidama꞉ da pa꞉ta꞉ epena꞉ wi laa ne polu pieke da make waleekeme. Kutupa da kelepeeketa꞉ Pida make mo hali tepo make mandane Diopa Ketiso haliweki make mandakena꞉ pemekeme.

Aposolo 10:45

Hande Pida ame̱le̱ a꞉pa haemeke Ketiso haliwekima꞉ Diu haliweki kone leke opa wotu handaake wimikime. Koda꞉ma꞉ mo Diendaili wanda꞉hali pa꞉ta꞉ kone mo Holi Sipitidi haleeke handa pimikime.

Aposolo 11:13

Kutupa ipikana꞉ma꞉ta꞉ niki pa꞉ta꞉ enisolo ma꞉nda꞉ma꞉ ipika꞉ da pa꞉ta꞉ a꞉pa hata꞉ ipiki pa꞉ta꞉ leekeeki dupa lea꞉me laa niki pa꞉ta꞉ la kia꞉me. Diopa da nane hali ma꞉nda꞉ tapae laa hali ma꞉nda꞉ ipika꞉ ota꞉ bikita꞉ Saimono Pida koto hali wi lolo pena꞉ tapae laa lea꞉me.

Aposolo 13:2

Kutupa Tekehali pa꞉ta꞉ ne na neke panda꞉puniaaso haena꞉ mo Holi Sipitidima꞉ alota꞉ Banabasi Solo yaapo yaka walo polo e pokaena꞉yeketa꞉ pa nane haena꞉ lape leekeme.

Aposolo 13:4

Koto ekina꞉ hande hali yaapota꞉ mo Holi Sipitidima꞉ tapaaso haena꞉ oni Selusia nane pepekeme. Koto pa꞉ta꞉ opolo pua Saipotasi nane palai kawaso tiekena꞉ pita pepekeme.

Aposolo 15:7

Pi wotu hotu haota꞉ Pidama꞉ tiao alota꞉ Ya kametitio. Amba꞉ kone iki ame̱le̱ hano Koda꞉ma꞉ I̱ mea haena꞉ laata꞉ Diendaili wanda꞉hali pa꞉ta꞉ mo hande Pi Seliapo walonoyeke pa꞉la꞉me. Mo wanda꞉halima꞉ pi opuaka꞉na꞉ hone tulaena꞉yeke pa꞉la꞉me.

Aposolo 15:9

Kutu pieke ekima꞉ ipikana꞉ma꞉ta꞉ niki Diu wanda꞉hali make iki Diendaili wanda꞉hali make ta꞉ta꞉ ta꞉ta꞉ pea na haloma꞉eki waleekeme. Ika꞉ hone tulaemeke ekina꞉ ipikana꞉ma꞉ ika꞉ hoke haumanu pa paeyaeyekeme.

Aposolo 28:15

Kutupa mo Loma꞉ Ketiso kame titima꞉ niki ipuluma꞉me pi opuata꞉ mo Apiusina꞉ makedi pa꞉ta꞉ make mo Kimisu Hali Polu Hala꞉ Da Tepo pa꞉ta꞉ make niki manda꞉hande pulu epememe. Kutupa Poloma꞉ iki handaata꞉ Koda꞉ pa꞉ta꞉ keiyae pi laata꞉ honkopu haya꞉me.

Aposolo 8:29

Kutupa mo Holi Sipitidima꞉ Pilipi pa꞉ta꞉ alota꞉ Mo hosima꞉ yola yopula꞉ ale teke pa꞉ta꞉ leke pua pita꞉peke leekeme.

Loma꞉ 3:22

Wanda꞉halima꞉ Yesu Ketiso pa꞉ta꞉ hone tulaaseme ekima꞉ Koda꞉ma꞉ ikita꞉ ipiki pa꞉ta꞉ tikitiki yao hamina꞉ lo hala꞉me. Ketiso pa꞉ta꞉ hone tulaaseme wanda꞉hali paeya ta꞉pao pa꞉ta꞉ Koda꞉ma꞉ koto hau pu hala꞉me. Diu wanda꞉hali make Diendaili wanda꞉hali make ta꞉ta꞉ pea na haleme ekina꞉ loa꞉me.

2 Desalonaika 2:2

Ma꞉nda꞉ma꞉ Tekehalina꞉ ponka꞉ di pilu wia꞉ nate a꞉pa꞉la꞉me lea꞉ka꞉na꞉ta꞉ opua hone ti yoko pomoma꞉ a̱i̱ na homa꞉pa꞉peke. Ma꞉nda꞉ma꞉ Koda꞉ma꞉ aleke handa loa꞉me ala꞉ pi o ma꞉nda꞉ma꞉ pi walolo walea꞉ pi o ma꞉nda꞉ma꞉ alota꞉ Polo amedama꞉ do wapena꞉ leleme pi tupa꞉ leliepate

Peneme Yaeyekeeki 22:17

Mo Sipitidi pita꞉ mo hali panake pula꞉ wanda꞉ yaapoma꞉ alota꞉ Epoe ala꞉me. Do pi opilimi tapake paeyaoma꞉ make Epoe lapa꞉peke ya꞉lieke. Ikali na꞉na꞉ma꞉ homele some epita꞉ do da꞉taapeke ya꞉la꞉ ikalita꞉ pa hameke kita꞉la꞉ekie laa mea꞉peke ya꞉la꞉me. Dota꞉ ma꞉nda꞉ epi hone pa꞉la꞉ somena꞉ loa꞉me lea꞉me.