Aposolo 11:1 - Panake Pi La: Ula: Buka pita: Kine Pieke Buka

¹ Mo Diudia nane haemeke aposolo haliweki paeyao pa꞉ta꞉ make Ketiso wanda꞉hali make iki paeyaoma꞉ta꞉ mo Diendaili wanda꞉halima꞉ make Koda꞉na꞉ pi mimiki ekita꞉ opimikime.

Aposolo 11:1 Mawu Ofanana

Kini Pieke 49:10

Diudama꞉ta꞉ mo kinina꞉ minu hala꞉ dolo miniki halieke. Kutupa ipika꞉ monduma꞉ monduma꞉ pilia꞉ wekiwandikina꞉ wekiwandiki pa꞉ta꞉ yama꞉ kini halimanu hoto paeyao handeteke hao hatiki pilimikie. Tutu manuma꞉ta꞉ ipika꞉ dakisi hambuluekema꞉ ala꞉ta꞉ ala꞉ta꞉ mea a꞉palimikie. Kutupa ipiki pa꞉ta꞉ homu pitolo hata꞉ panda꞉punialimikie.

Ma꞉tiu 2:1

Mo hande Hetodi kini hayeke dina꞉ta꞉ Yesu Diudia kenke pa꞉ta꞉ hayeke da Beteleha꞉ma꞉ nane mendiekeme. Hosiki hao hoki naneta꞉ hombulanka꞉ yata꞉pu haemeke mandane haliwekima꞉ nate opa꞉la꞉ nanema꞉ yama꞉ Diutuseleme da nane a꞉pa

Ma꞉tiu 8:11

Koto ekina꞉ I̱ma꞉ iki pa꞉ta꞉ pi ma꞉nda꞉ make dupa alome. Mo nate opa꞉la꞉ nanema꞉ make pamba꞉la꞉ nanema꞉ make wanda꞉hali wopuma꞉ mo hepenina꞉ Kilu Tombuao Hala꞉ ekina꞉ yawe lulu pa꞉la꞉ pa꞉ta꞉ a꞉pa Eipoloha꞉ma꞉ Aisa꞉ke make Dieikope ame̱le̱ mandakena꞉ apa꞉tao pita꞉ nelimikie.

Maka 16:5

Mo toopi lumba wieke alena꞉ honda꞉ pambaata꞉ weki hali homeke handemekeme. Mo wekihalita꞉ hakepiki dau hokulu pikieki pambaota꞉ ika꞉ popeke nane kiki nane pitiekeme. Kutupa mo wanda꞉ manuma꞉ta꞉ penkili pimikime.

Luku 2:32

Kutu pitolo hata꞉ ipikana꞉ma꞉ mo Diendaili wanda꞉hali pa꞉ta꞉ pa̱a̱ pa꞉la꞉eki haluekema꞉ make Isulai wanda꞉halina꞉ biki tieke wina꞉ loluekema꞉ make pilieke laa leekeme.

Aposolo 1:15

Yeni pu pitaata꞉ pa hosiki hao hao peaata꞉ mo Ketisona꞉ pi mina꞉la꞉ wanda꞉halima꞉ pi hotuluekema꞉ mombelemekeme. Iki paeyaota꞉ 120 wanda꞉hali tupa꞉ momba꞉la pitina꞉ Pidama꞉ pi loluekema꞉ tiaeyekeme.

Aposolo 11:29

Kutupa mo disaipolo wanda꞉halima꞉ hone wia alota꞉ Nika꞉ Diudia nane haleme kametiti tamba꞉ mumana꞉ paeyaoma꞉ ana꞉na꞉ halomana꞉e lemekeme.

Aposolo 14:27

Kutupa opolo a꞉paata꞉ siosi tapake wanda꞉hali mombelena꞉ laata꞉ Koda꞉ma꞉ Diendaili wanda꞉halima꞉ pi mina꞉yeke pota꞉ lombeekeeki make walepekeme.

Aposolo 15:3

Koto ekina꞉ mo siosi tapakema꞉ tapaemeketa꞉ pua mo Pinisia nane make Sametia nane make pomu lopa mo Diendaili wanda꞉halima꞉ Koda꞉ pa꞉ta꞉ puki la꞉ka꞉laemekeeki walolo hata꞉ koto pima꞉ mo Ketiso wanda꞉hali paeyaota꞉ ta꞉na꞉ma꞉ homaemekeme.

Aposolo 28:15

Kutupa mo Loma꞉ Ketiso kame titima꞉ niki ipuluma꞉me pi opuata꞉ mo Apiusina꞉ makedi pa꞉ta꞉ make mo Kimisu Hali Polu Hala꞉ Da Tepo pa꞉ta꞉ make niki manda꞉hande pulu epememe. Kutupa Poloma꞉ iki handaata꞉ Koda꞉ pa꞉ta꞉ keiyae pi laata꞉ honkopu haya꞉me.