Aposolo 10:3 - Panake Pi La: Ula: Buka pita: Kine Pieke Buka

³ Nate ma꞉nda꞉na꞉ nate toke nane haena꞉ Koda꞉na꞉ enisolo homeke epeekeeki upama꞉ ota꞉ peneme yao handeke nono piekeme. Mo enisoloma꞉ ipiki pa꞉ta꞉ alota꞉ Koniliesio leekeme.

Aposolo 10:3 Mawu Ofanana

Ma꞉tiu 27:46

Koto nate leka꞉na꞉ta꞉ Yesuma꞉ wi aneke hapu alo alota꞉ Ilai Ilai lema sa꞉ba꞉kadani leekeme. Koto pita꞉ do la leekeme Ya Koda꞉o. Ya Koda꞉o. Pa ekipeke nakana꞉ma꞉ I̱ mina꞉pa꞉laasepe laa leekeme.

Luku 1:11

mo hande totopo piki ale oloda yanko hayeke popeke nanema꞉ kiki nane Tekehalina꞉ enisolo homeke a꞉pa hayekeeki handeekeme.

Luku 2:13

Koto kone oli hepeni nane haemeke enisolo titi wopuma꞉ mo hande enisolo homeke ame̱le̱ apa꞉tao a꞉pa pambo hata꞉ Koda꞉na꞉ pi laaso hata꞉ alota꞉

Aposolo 10:17

Pidata꞉ mo hande upata꞉ eki pulu piena꞉ pia꞉pe laa hone witolo haena꞉ Koniliesima꞉ tapaeyeke haliweki Saimonona꞉ data꞉ hando pa꞉ta꞉pe lolo pieke haliweki pota꞉ kake pa꞉ta꞉ a꞉pa hando haemekeme.

Aposolo 10:19

Koto ekina꞉ Pidama꞉ mo hande upa piekeeki hone witolo pitina꞉ mo Holi Sipitidima꞉ alota꞉ Handa꞉e. Hali tepoma꞉ neke oni a꞉pa lota꞉ pita꞉la꞉ handa꞉e leekeme.

Aposolo 10:30

Kutupa Koniliesima꞉ alota꞉ Hoto tonkopu amba꞉ yopua nate dupitolo haena꞉ I̱ma꞉ta꞉ do da pa꞉ta꞉ hata꞉ welealo nane yeni pitolo hano hakepiki dau pambaake hali kuta kone a꞉pa I̱ teke pa꞉ta꞉ haya꞉me leekeme.

Aposolo 10:9

Kutupa da kelepeeketa꞉ mo pota꞉na꞉ pu opu hao pa Diopa da teke pa꞉ta꞉ ipulu haena꞉ kone Pidata꞉ nate you tikekena꞉ haena꞉ mo da holuna꞉ a꞉meiya yeni pua piekeme.

Aposolo 11:13

Kutupa ipikana꞉ma꞉ta꞉ niki pa꞉ta꞉ enisolo ma꞉nda꞉ma꞉ ipika꞉ da pa꞉ta꞉ a꞉pa hata꞉ ipiki pa꞉ta꞉ leekeeki dupa lea꞉me laa niki pa꞉ta꞉ la kia꞉me. Diopa da nane hali ma꞉nda꞉ tapae laa hali ma꞉nda꞉ ipika꞉ ota꞉ bikita꞉ Saimono Pida koto hali wi lolo pena꞉ tapae laa lea꞉me.

Aposolo 27:23

Ame do timba kone ya panda꞉puniao hata꞉ ta꞉ma꞉ni pea halo Koda꞉na꞉ enisolo homeke I̱ teke pa꞉ta꞉ a꞉pa hata꞉ alota꞉

Aposolo 3:1

Kutupa Pida Dioni yaapota꞉ ipilika꞉ yeni pu haepeke nate lekena꞉ 3 okoloko nate oni pambolo pulu haena꞉ oli tembolo da pa꞉ta꞉ yeni puluekema꞉ pepekeme.

Aposolo 5:19

Kutu pimikipate koto timbata꞉ Tekehali ipika꞉ enisolo ma꞉nda꞉ma꞉ mo dipula da pota꞉ lomba꞉ mea hande aposolo haliweki hama꞉ nane hatuku pua iki pa꞉ta꞉ alota꞉

Aposolo 9:10

Kutupa oni Damasikasi Ketiso hali ma꞉nda꞉ bikita꞉ A꞉na꞉naisi hayekeme. Tekehalima꞉ upama꞉ alota꞉ A꞉na꞉naisio. Kutupa A꞉na꞉naisima꞉ alota꞉ Tekehalio. I̱ta꞉ do pilume leekeme.

Aposolo 9:4

Kutupa mo some kenkena꞉ honda꞉pa topopi lopolo hata꞉ ho̱la̱꞉make opiekepate alota꞉ Soloo. Soloo. Ekipeke I̱ yaapo a꞉nda꞉ litelepe leekeme.

Hibulu 1:14

Mo enisolo paeyaota꞉ Koda꞉na꞉ deto hala꞉eki mulu peleme wanda꞉halina꞉ pa꞉ta꞉la꞉la꞉ temokomanu na halemeke yekea.

Hibulu 1:4

Koda꞉na꞉ Eiyeke ipika꞉ bikita꞉ mo enisolo tonuna꞉ biki lombei piki biki mieke tupa꞉ ipiki make mo enisolo tonu lombei pao hayekeme.