Aposolo 10:1 - Panake Pi La: Ula: Buka pita: Kine Pieke Buka

¹ Mo Sesatia da nane ami opisa hali homeke hayekeme. Ipika꞉ bikita꞉ Koniliesie. Ipikana꞉ma꞉ta꞉ mo ami haliweki 100 handeteke hayekeme. Koto somema꞉ handeteke hayeke ami tapakena꞉ bikita꞉ Ideli tapakee.

Aposolo 10:1 Mawu Ofanana

Ma꞉tiu 27:27

Kutu pieketa꞉ mo dolo a꞉ndeli miniki haliwekima꞉ Yesuta꞉ mo Kapomani tiekena꞉ da tukiki pa꞉ta꞉ panda꞉ tieke ma꞉nda꞉ pa꞉ta꞉ hatuku peeketa꞉ ika꞉ ami tapake mandaneeki paeyaoma꞉ ipiki a꞉pa ambulao haemekeme.

Ma꞉tiu 27:54

Mo hande Yesuma꞉ pita꞉la꞉eki handuluekema꞉ handeteke hayeke ami you hali make ipiki ame̱le̱ haemeke ami haliwekima꞉ make mo hande yumomeni make mo pieke mandane hau tonka꞉na꞉ handaata꞉ ikana꞉ma꞉ paala꞉ tiekema꞉ homolo hata꞉ alota꞉ Ipikita꞉ ota꞉ Koda꞉na꞉ Eiyeke ya꞉ka꞉ta꞉me lemekeme.

Maka 15:16

Dolo a꞉ndeli miniki haemeke haliwekima꞉ta꞉ mo Kapomani tiekena꞉ da hama tukiki pa꞉ta꞉ Yesu hatuku pemekeme. Koto da bikita꞉ Pa꞉totiomo dae. Kutupa mandane dolo a꞉ndeli miniki haemeke haliweki paeyao epena꞉ wi lemekeme.

Luku 7:2

Koto pa꞉ta꞉ mo Loma꞉ ami haliwekina꞉ you hali ma꞉nda꞉ hayekeme. Koto halima꞉ ipika꞉ pukima꞉ ta꞉na꞉ tieke homeeke e pokao hayeke hali teke pa꞉ta꞉ homuluekema꞉ taapeekeme.

Dioni 18:12

Mo ami haliweki ika꞉ you hali tonka꞉na꞉ mo Diu wanda꞉halina꞉ tembolo da handeteke haemeke haliweki make ikana꞉ma꞉ Yesu da꞉ka꞉pa꞉ minaata꞉ puma꞉ tonkao

Dioni 18:3

Koto ekina꞉ Diudasima꞉ta꞉ mandane ami haliweki make mo yeni peao haemeke you haliweki mo Pa꞉tisi haliweki yaapoma꞉ tapaemeke tembolo da handeteke haemeke haliweki make hande e pa꞉ta꞉ hatuku peekeme. Mo haliwekima꞉ ola꞉pake make a꞉ndelimanu make mutia pemekeme.

Aposolo 10:24

Kutupa da ma꞉nda꞉ kelepeeketa꞉ Sesatia da nane opolo pemekeme. Mo haliweki Koniliesima꞉ handeteke hata꞉ ipika꞉ tapake wanda꞉hali make ipika꞉ yankeketiti make wi lemipi pieke handa paeyao momba꞉la haemekeme.

Aposolo 21:31

Kutupa Polo ota꞉ lia homaaluekema꞉ taapolo haena꞉ hali ma꞉nda꞉ma꞉ mo hande Loma꞉ ami haliwekina꞉ tumiki hali pa꞉ta꞉ pua alota꞉ Diutuseleme da wanda꞉hali paeyaoma꞉ momba꞉la hata꞉ wi laa pa pi taka꞉lake la alu alu pitelememe pua leekeme.

Aposolo 21:8

Da ka꞉la꞉paota꞉ mina꞉pa꞉lao mo Sesatia da nane opolo puata꞉ kutupa hande pi walo haya꞉ hali Pilipina꞉ da pa꞉ta꞉ honda꞉ pamboma꞉me. Mo Diutuseleme da nane amba꞉ hande ma̱leke limi 7 dikoni haliweki kone homeketa꞉ ipikie.

Aposolo 22:25

Kutu piekepate puma꞉ Polo tonkaemeke pita꞉ Poloma꞉ ipiki teke pa꞉ta꞉ hayeke ami opisa hali ma꞉nda꞉ pa꞉ta꞉ alota꞉ Loma꞉ da pamodi mea wia hala꞉ halita꞉ pi yokaalu na piki yumbolo hauta꞉ ana꞉ pa꞉la꞉pe laa leekeme.

Aposolo 23:23

Koto laaka꞉na꞉ a꞉nda꞉ tumiki halima꞉ opisa hali yaapo epena꞉ wi la꞉ mea alota꞉ Ame timba 9 okoloko tupa꞉ mo ami haliweki 200 make hosi ma꞉na꞉ hokina꞉ pitu haleme ami haliweki 70 make dolo miniki haliweki 200 make Sesatia da nane pena꞉yeke ipilikana꞉ma꞉ tikitiki yao haena꞉ lapa꞉peke.

Aposolo 23:33

Kutupa Sesatia da nane opolo puata꞉ mo kapomani you hali pa꞉ta꞉ mo pase halaaka꞉na꞉ Polo make hatuku pua haena꞉ lemekeme.

Aposolo 25:1

Pesitasi mo potopinisi nane opolo a꞉paata꞉ hoto tepo hao mo Sesatia da mina꞉pa꞉lao oli Diutuseleme da nane peekeme.

Aposolo 25:13

Mandane pulamanu hao mo kini hali ma꞉nda꞉ Akatipata꞉ Benisi yaapo Pesitasi pa꞉ta꞉ kiki haluekema꞉ mo Sesatia da pa꞉ta꞉ epepekeme.

Aposolo 27:1

Kutupa Ideli nane palai kawaso tiekena꞉ pomana꞉e laa hone wimiki pita꞉ Polo mandane dipula haliweki ame̱le̱ ami opisa hali homeke Diuliusi pa꞉ta꞉ halaaka꞉na꞉ ipikana꞉ma꞉ta꞉ Okasitani tapake hali hata꞉ handeteke haena꞉yeke pimime.

Aposolo 27:31

Poloma꞉ mo opisa hali ipika꞉ ami haliweki tonka꞉na꞉ iki pa꞉ta꞉ alota꞉ Do palai kawaso handeteke haleme haliweki do pa꞉ta꞉ na pitimika꞉na꞉ta꞉ da꞉ta꞉peke na ya꞉la꞉me lea꞉me.

Aposolo 27:43

pa ika꞉ opisa halima꞉ Polo tamba꞉ muluekema꞉ mo haliweki hone wimieki tunkula sa꞉sa꞉ pia꞉me. Ipikana꞉ma꞉ pi la alota꞉ Kiki moka꞉lapeke ya꞉la꞉ haliweki amba꞉la dawala pa꞉ta꞉ ponkaniao kenke nane pua꞉pa꞉peke lea꞉me.

Aposolo 8:40

Kutu piekepate Pilipita꞉ A꞉sidoti da pa꞉ta꞉ hao pulu hata꞉ mandane damanu pa꞉ta꞉ mo Pi Seliapo waloma꞉ waloma꞉ putialo hata꞉ Sesatia nane peekeme.