Aposolo 1:9 - Panake Pi La: Ula: Buka pita: Kine Pieke Buka

⁹ Kotoeki lo paeyaota꞉ mo haliwekima꞉ handa꞉ poto poto la haena꞉ kone opa꞉liao peekeme. Kutupa ya hapi homekema꞉ a꞉pa ipiki a꞉mbaeyekeme.

Aposolo 1:9 Mawu Ofanana

Maka 16:19

Koto ekina꞉ Tekehali Yesuma꞉ mo wanda꞉hali pi la halo paeyaota꞉ Koda꞉ma꞉ Yesu mea oli ya nane hatuku miekeme. Kutupa Yesuta꞉ Koda꞉na꞉ popeke nane kiki nane pitiniaeyekeme.

Luku 21:27

Koto tomona꞉ kone Wanda꞉halina꞉ Eiyeketa꞉ oli koa pa꞉ta꞉ honkopu tieke make pa̱a̱ peaasa꞉eki ame̱le̱ opolo ipilieke.

Dioni 6:62

Wanda꞉halina꞉ Eiyeketa꞉ amba꞉ hao epea꞉ nane paa la꞉ka꞉la polo pa꞉la꞉eki handemeka꞉na꞉ta꞉ eki piliepe.

Aposolo 1:11

Ka꞉lili haliwekio. Do pa꞉ta꞉ hata꞉ ya pa꞉ta꞉ ombu ekipeke handa꞉liao halemepe lepekeme. Do iki mina꞉pa꞉lao ya nane pula꞉ Yesuta꞉ paa ipulu make do ya nane puleke handa handeleme tupa꞉ kone paa ipilia꞉eki make koto tupa꞉ kone ipiliekee lepekeme.

Aposolo 1:2

Kutupa Holi Sipitidima꞉ walolo haena꞉ Yesuma꞉ ipika꞉ talopu mea haena꞉ leeke aposolo haliweki pa꞉ta꞉ pi lo paeyaota꞉ oli ya nane a꞉meiyeketa꞉ wape pu naowa꞉me.

1 Desalonaika 4:17

Kutu pilie pita꞉ta꞉ niki pa haluma꞉ wanda꞉hali make mo hande wanda꞉hali ame̱le̱ Koda꞉ma꞉ mea apa꞉tao hamono laa oli koa manda niki hatuku pua Tekehali manda꞉hande pea handulumeke. Kutupata꞉ nikita꞉ Tekehali ipiki ame̱le̱ hoto paeyao hao halumeke.

1 Timodi 3:16

Mo nika꞉ Ketiso hauna꞉ teketa꞉ ota꞉ hau tieke dia꞉me pita꞉ ma꞉nda꞉ma꞉ lapeke na ya꞉la꞉me. Do ekina꞉ alome. Ipikita꞉ ota꞉ halina꞉ loke kone mea opolo epeekeme. Mo hande Sipitidima꞉ ipika꞉ yako pa꞉la꞉ ekita꞉ ota꞉ ekie laa peneme waleekeme. Kutupa ipikita꞉ enisoloma꞉ make handeekeme. Ipika꞉ bikita꞉ mo tutu ma꞉nda꞉ ma꞉nda꞉ paeyao pa꞉ta꞉manu make walemekeme. Kutu pieketa꞉ mo kenke paeyao pa꞉ta꞉ haemeke wanda꞉halima꞉ ipiki pa꞉ta꞉ hone tulaemekeme. Kutaa ipikita꞉ Koda꞉ma꞉ oli ya nane hatuku mea peekeme.

Peneme Yaeyekeeki 1:7

Ipikita꞉ ya hapi manda oli ipula꞉ handa꞉e. Paeyaoma꞉ handilimikie. Mo ipiki ikoko lia doloma꞉ awemeke haliwekina꞉ make loa꞉me. Kutupa do kenkena꞉ hala꞉ wanda꞉hali paeyaoma꞉ta꞉ ipiki handolo hata꞉ e̱ tieke lelimikie. Koto ekina꞉ta꞉ kutu pilieke.

Peneme Yaeyekeeki 11:12

Mo potopede hali yaapo pa꞉ta꞉ta꞉ oli ya nane pi ho̱la̱꞉make tiekema꞉ alota꞉ Do pate ipupe lea꞉me. Kutupa ipilika꞉ a꞉nda꞉ tunkiliki wanda꞉halima꞉ handa꞉pa꞉lia haena꞉ mo hali yaapota꞉ koa piti oli ya pa꞉ta꞉ pepeme.

Peneme Yaeyekeeki 14:4

Ikita꞉ wanda꞉weki hakopu na tunkulimieki yaalo yakopiki haliweki haememe. Ikana꞉ma꞉ta꞉ mo Sipisipi Ma꞉na꞉ Ikiki pea꞉ pa꞉ta꞉ta꞉ telipaleke ombu haememe. Ikita꞉ kenke wanda꞉hali paeyao anka꞉lopuna꞉ epeaala꞉ tapakee. Ikita꞉ Koda꞉ pa꞉ta꞉ make mo Sipisipi Ma꞉na꞉ Ikiki pa꞉ta꞉ make titina꞉ halo pa꞉la꞉ tapakee.