Aposolo 1:8 - Panake Pi La: Ula: Buka pita: Kine Pieke Buka

⁸ Koto pa꞉la꞉pate ikita꞉ wele pita꞉la꞉eki milimikie leekeme. Mo Holi Sipitidi epea꞉ka꞉na꞉ta꞉ ikita꞉ yaka wekitisi haliweki Diutuseleme pa꞉ta꞉ make Sametia pa꞉ta꞉ make Diudia paeyao pa꞉ta꞉ make hama hama pea kenke honiki honiki paeyao pa꞉ta꞉manu make la halimikie leekeme.

Aposolo 1:8 Mawu Ofanana

Ma꞉tiu 24:14

Kutaata꞉ do Koda꞉na꞉ Kilu Tombuao Hala꞉ ekina꞉ Pi Seliapota꞉ kenke honiki honiki paeyao pa꞉ta꞉ haleme wanda꞉halima꞉ opina꞉ walo pelimikie. Ana꞉na꞉ walo paeyaalimi toma꞉na꞉ta꞉ kota꞉ mo paelo pa꞉la꞉ nate opolo ipilieke.

Ma꞉tiu 28:19

Koto ekina꞉ta꞉ wanda꞉hali paeyao ya disaipolo haena꞉ mea hamena꞉ kenke honiki honiki paeyao pa꞉ta꞉ wala꞉tia pu hapa꞉peke. Koto ya disaipolo halimi wanda꞉halita꞉ Koda꞉na꞉ bikina꞉ make Ya bikina꞉ make mo Holi Sipitidina꞉ bikina꞉ make bapitaisi hau peao hapa꞉peke.

Maka 16:15

Yesuma꞉ iki pa꞉ta꞉ alota꞉ Kenke paeyao pa꞉ta꞉ puaata꞉ wanda꞉hali paeyao pa꞉ta꞉ do pi seliapo wala꞉pa꞉peke laa

Luku 1:35

Mo hande enisoloma꞉ ipika꞉ pi hombo peaaso alota꞉ Mo Holi Sipitidi neke pa꞉ta꞉ ipilieke. Kutupa make Ota꞉ Manda Hala꞉ Koda꞉ ipika꞉ wele pita꞉la꞉eki neke pa꞉ta꞉ a꞉pa pitilieke. Kutu pita꞉la꞉ ekima꞉ta꞉ mo hande nakana꞉ma꞉ mondulu pele yako piki weki ipikita꞉ Koda꞉na꞉ Eiyekee lelimikie.

Luku 10:19

Opua꞉pe. Ikana꞉ma꞉ mo ketomanu make tei halimanu make da꞉ka꞉pa꞉ tombuamena꞉ make mo a꞉nda꞉ tunkuliki hoke temokona꞉ honkopu paeyao lu tombuao bepolamina꞉ta꞉ ya bikina꞉ welema꞉ iki handeteke halieke. Koto ekina꞉ta꞉ ikita꞉ ala꞉ta꞉ ma꞉nda꞉ma꞉ na hoeyaalieke.

Luku 24:29

Pate mo hali yaapoma꞉ sa꞉sa꞉ pitolo hata꞉ alota꞉ Timba꞉ amba꞉ ala꞉me. Diki ame̱le̱ hae lepekeme. Koto lepeke Yesuta꞉ mo hali yaapo ame̱le̱ haluekema꞉ da peekeme.

Dioni 15:27

Kutupa iki make amba꞉ kone I̱ ame̱le̱ haleme ekina꞉ yaka pi lawaaseme wekitisi haliweki halimikie.

Aposolo 1:5

Kutupa Dionima꞉ta꞉ pa ikalima꞉ bapitaisi peao haya꞉pate hosikisiki hao hao peaata꞉ Holi Sipitidima꞉ bapitaisi peaalieke loa꞉ pita꞉ amba꞉ opimime leekeme.

Aposolo 13:31

Kutupa ipikita꞉ ipiki ame̱le̱ mandakena꞉ Ka꞉lili nane hao Diutuseleme da pa꞉ta꞉ pemeke wanda꞉hali pa꞉ta꞉ ipiki handena꞉ hoto elekeeleke peneme yao ipika꞉ leke mineke wala꞉tiki piekeme. Ameta꞉ koto wanda꞉halita꞉ ika꞉ Yesu handemeeki Isulai wanda꞉hali pa꞉ta꞉ la halele wanda꞉hali halememe.

Aposolo 2:32

Do hande Yesuta꞉ Koda꞉ma꞉ paa mea tiaala꞉ ekita꞉ niki paeyaoma꞉ handoma꞉eki iki pa꞉ta꞉ la kitoloma꞉me.

Aposolo 22:15

Koto ekina꞉ nakana꞉ma꞉ mo naka꞉ handeeki make opieki make wanda꞉hali paeyao pa꞉ta꞉ la hala꞉tiki pilipikie.

Aposolo 3:15

Ikana꞉ma꞉ mo da꞉taasa꞉ hali limipate Koda꞉ma꞉ mea tiaeyekeme. Kutupa nikana꞉ma꞉ wekitisi do halualu pitoloma꞉ handa꞉e leekeme.

Aposolo 4:33

Kutupa wele pita꞉la꞉eki tiekema꞉ta꞉ mo aposolo haliwekima꞉ Yesu Ketisona꞉ tiaeya꞉ ekina꞉ wekitisi halu alu pea kutupa Koda꞉na꞉ a꞉ta꞉ma꞉ homa꞉la꞉ ekita꞉ mo wanda꞉hali paeyao pa꞉ta꞉ pitiekeme.

Aposolo 5:32

Nikana꞉ma꞉ do hande piteleme haumanu handaata꞉ la haloloma꞉ haliweki haloma꞉me. Nikana꞉ma꞉ homeke dia꞉me. Holi Sipitidima꞉ make nikana꞉ma꞉ make la haloloma꞉me. Koda꞉ma꞉ ipika꞉ pi opu hala꞉ wanda꞉hali pa꞉ta꞉ Holi Sipitidi halo hala꞉me.

Aposolo 6:8

Koda꞉ma꞉ ipika꞉ a꞉ta꞉ma꞉ homa꞉la꞉ ekima꞉ make wele pa꞉la꞉ ekima꞉ make Sidipenita꞉ tumbiekeme. Kutupa ipikana꞉ma꞉ mo wanda꞉hali pa꞉ta꞉ wele pa꞉la꞉ ekimanu make na hando haemeke ekimanu make pu tia pomiekeme.

Aposolo 8:1

Sidipeni limiki ekita꞉ Soloma꞉ lina꞉e hone wiekeme. Koto limiki pita꞉ kone mo Diutuseleme nane haemeke siosi wanda꞉halita꞉ tanda wotu mulu pimikieki kini pea mimikime. Kutu pieke handa Ketiso wanda꞉hali paeyaota꞉ mo Diudia Sametia koto potopinisi yaapo pa꞉ta꞉manu haloendi pimikipate mo aposolo haliwekita꞉ Diutuseleme nane pa ha pelia haemekeme.

Loma꞉ 10:18

Kutu pitelemepate I̱ma꞉ lota꞉ pitoloeki dupae. Hande pita꞉ wanda꞉halima꞉ na opelememe ala꞉ ekita꞉ ota꞉ alemepe. Dia꞉me amba꞉ opimime. Hande Baibolo bukana꞉ wape pa꞉la꞉ ekita꞉ dupa Mo pi mea puaaseme haliwekina꞉ kakema꞉ lemeke pi manuta꞉ kenke paeyao pa꞉ta꞉ amba꞉ pa꞉la꞉me. Ikana꞉ma꞉ lemeke pi manuta꞉ kenke honiki pa꞉ta꞉ haleme wanda꞉halima꞉ amba꞉ opelememe laa wape pa꞉la꞉me.

Loma꞉ 15:19

wele wotu pa꞉la꞉ ekimanu make na hando haeme ekimanu make ipika꞉ Sipitidima꞉ wele wotu pia꞉eki make koto ekimanu paeyao handaata꞉ pimikime. Koto ekina꞉ I̱ma꞉ta꞉ mo Diutuseleme da pa꞉ta꞉ kini pu mea wala꞉tiki pua mo Ilitikumi nane kone mo hande Ketiso pa꞉ta꞉ ipula꞉ Pi Seliapo paeyao pa꞉ta꞉ wala꞉niaowa꞉me.

Kolosi 1:23

Koto pa꞉la꞉pate ikana꞉ma꞉ta꞉ mo da̱o̱la pelia hala꞉ ekina꞉ hata꞉ honkopu hao kima꞉ na homeke pa putia pua꞉pa꞉peke. Kutupa ikita꞉ ika꞉ mo hande waloma꞉ Pi Seliapo opimi natena꞉ mimi hone ti laasemeeki pa꞉ta꞉ta꞉ aleta꞉ ma꞉nda꞉ma꞉ iki wato baena꞉ waleke na hala꞉pa꞉peke. I̱ Polota꞉ do Pi Seliapona꞉ pa hameke e pokaasa꞉ hali haowa꞉me. Do Pi Seliapota꞉ mo kenke honiki paeyao pa꞉ta꞉ haleme wanda꞉hali pa꞉ta꞉ wala꞉la꞉ pina꞉ loa꞉me.