Aposolo 1:5 - Panake Pi La: Ula: Buka pita: Kine Pieke Buka

⁵ Kutupa Dionima꞉ta꞉ pa ikalima꞉ bapitaisi peao haya꞉pate hosikisiki hao hao peaata꞉ Holi Sipitidima꞉ bapitaisi peaalieke loa꞉ pita꞉ amba꞉ opimime leekeme.

Aposolo 1:5 Mawu Ofanana

Ma꞉tiu 3:11

I̱ma꞉ta꞉ ika꞉ hoke haumanu mina꞉pa꞉laemekeeki peneme yaaluekema꞉ ikalima꞉ bapitaisi peaowalopate mo ya hoki nane ipilia꞉ halima꞉ta꞉ mo Holi Sipitidi pita꞉ ti tala꞉eki yaapoma꞉ iki bapitaisi pealieke. Mo someta꞉ I̱ ota꞉ lombeipiki some halekena꞉ ipika꞉ anke dake kone I̱ma꞉ mea tiaapeke ana꞉ na pa꞉la꞉me.

Ma꞉tiu 3:6

Kutupata꞉ mo wanda꞉halima꞉ ika꞉ hoke haumanu ka꞉la꞉polo liaena꞉ ikita꞉ Dionima꞉ mo Diodani ikali pa꞉ta꞉ bapitaisi peayekeme.

Maka 1:8

I̱ma꞉ta꞉ ikalima꞉ iki bapitaisi peaasopate ipikana꞉ma꞉ta꞉ Holi Sipitidima꞉ iki bapitaisi peaalieke leekeme.

Luku 3:16

Koto ekina꞉ Dionima꞉ iki pa꞉ta꞉ alota꞉ I̱ma꞉ ikita꞉ ikalima꞉ bapitaisi peao halopate hali ma꞉nda꞉ wetepena꞉ ipilia꞉ halita꞉ ota꞉ honkopu wotu hala꞉me. I̱ta꞉ ipiki yaapo ana꞉ pea꞉peke na ya꞉la꞉me. Ipika꞉ anke dake holaapeke make I̱ta꞉ ana꞉ na pa꞉la꞉me leekeme. Ipikana꞉ma꞉ ikita꞉ Holi Sipitidi pita꞉ ti uleke yaapoma꞉ bapitaisi pealieke leekeme.

Dioni 1:26

Dionima꞉ ika꞉ pi hombo peaaso alota꞉ I̱ma꞉ta꞉ wanda꞉hali ikalima꞉ bapitaisi peaaso halopate iki tukiki pa꞉ta꞉ hala꞉ hali ma꞉nda꞉ ikana꞉ma꞉ na handelememe.

Dioni 1:31

Hande halita꞉ epipe laa hone na ua꞉pate I̱ma꞉ Isulai wanda꞉hali paeyao pa꞉ta꞉ waluekema꞉ ikalima꞉ wanda꞉hali bapitaisi peaalo epoa꞉me leekeme.

Dioni 1:33

Koto pita꞉ kone I̱ma꞉ mo hali epipe hone na ua꞉pate hande ikalima꞉ wanda꞉hali bapitaisi peaalo pono I̱ tapaeya꞉ Koda꞉ma꞉ I̱ pa꞉ta꞉ alota꞉ Mo hande Holi Sipitidita꞉ hola꞉pa꞉niao a꞉pa hali ma꞉nda꞉ pa꞉ta꞉ pila꞉eki handilipikie laa koto halima꞉ta꞉ Holi Sipitidima꞉ wanda꞉hali bapitaisi peao hala꞉me lea꞉me laa leekeme.

Aposolo 10:45

Hande Pida ame̱le̱ a꞉pa haemeke Ketiso haliwekima꞉ Diu haliweki kone leke opa wotu handaake wimikime. Koda꞉ma꞉ mo Diendaili wanda꞉hali pa꞉ta꞉ kone mo Holi Sipitidi haleeke handa pimikime.

Aposolo 19:4

Kutupa Poloma꞉ alota꞉ Dionima꞉ wanda꞉halima꞉ hone ma꞉nda꞉ la꞉ka꞉la mina witolo haena꞉ bapitaisi peao hayekepate wanda꞉hali pa꞉ta꞉ alota꞉ Ya hoki nane ipilie halina꞉ pi mea꞉pa꞉peke laa la꞉la꞉me leekeme. Koto ekita꞉ Yesu pa꞉ta꞉ la꞉la꞉me leekeme.

1 Kotindi 12:13

Koto tupa꞉ kone niki paeyaota꞉ Diu wanda꞉hali pita꞉ Diendaili wanda꞉hali yaapo make ma꞉nda꞉na꞉ e pa hameke pokaaseme wanda꞉hali pita꞉ ka꞉la꞉pa꞉ ta꞉pao haleme wanda꞉hali yaapo make niki paeyao mo homeke Sipitidima꞉ kone bapitaisi pea homeke loke tunao haloma꞉me. Kutupa nikana꞉ma꞉ ikali no haloma꞉ tupa꞉ mo homeke Sipitidi kone na꞉tiki pu haloma꞉me.

Taitasi 3:5

ipikana꞉ma꞉ niki pa꞉ta꞉la tamba꞉ miekeme. Pa nikana꞉ma꞉ nika꞉ epeke hau pumeke handa na pieke yekepate pa mo ipika꞉ a꞉ta꞉ma꞉ homeeke ekina꞉ niki tamba꞉ miekeme. Kutu piekeeki manuta꞉ niki panake weki tupa꞉ da꞉ta hamono Koda꞉ma꞉ ipika꞉ Holi Sipitidi pa꞉ta꞉ yama꞉ tanda pa꞉la꞉me.