Aposolo 1:2 - Panake Pi La: Ula: Buka pita: Kine Pieke Buka

² Kutupa Holi Sipitidima꞉ walolo haena꞉ Yesuma꞉ ipika꞉ talopu mea haena꞉ leeke aposolo haliweki pa꞉ta꞉ pi lo paeyaota꞉ oli ya nane a꞉meiyeketa꞉ wape pu naowa꞉me.

Aposolo 1:2 Mawu Ofanana

Ma꞉tiu 12:28

Dia꞉me. I̱ma꞉ mo hoke temokomanu teliolo weleta꞉ Bielisibuluna꞉ welema꞉ na pitolopate Koda꞉na꞉ Sipitidina꞉ welema꞉ peaaso haena꞉ pitolome. Koto ekina꞉ta꞉ Koda꞉na꞉ Kilu Tombuao Hala꞉ ekita꞉ iki teke pa꞉ta꞉ a꞉pa hala꞉pate na handelememe.

Ma꞉tiu 3:16

Yesu bapitaisi peao paeyeketa꞉ koto kone mo ikali mina꞉pa꞉lao tea꞉ nane yapeekeme. Kutu pitolo haena꞉ta꞉ koto kone oli ya akolopa wiaata꞉ mo hande Koda꞉na꞉ Sipitidi melipu tupa꞉ hola꞉pa꞉niao ipika꞉ loke manda tapepeekeeki handeekeme.

Maka 6:30

Hande tapaeyeke haliwekima꞉ Yesu pa꞉ta꞉ paa a꞉paata꞉ ika꞉ pi walemeke ekimanu make ika꞉ pimiki ekimanu paeyao make Yesu pa꞉ta꞉ lemekeme.

Luku 24:51

Kutu pitolo haena꞉ta꞉ Yesuta꞉ iki mina꞉pa꞉lao oli hepeni nane hatuku peekeme.

Luku 9:51

Yesu oli hepeni nane mea polo pieke nate teke pa꞉ta꞉ yolo epeeketa꞉ ipikita꞉ mo Diutuseleme teke da nane ota꞉ polueke hone u paleke peekeme.

Dioni 1:16

Ipika꞉ pa a꞉ta꞉ma꞉ homa꞉la꞉eki tumba hala꞉eki mea niki kia꞉tiki kia꞉tiki peaata꞉ niki paeyao amba꞉ epeaala꞉me.

Dioni 13:1

Mo hande Lombei Pupa Yapeeke natena꞉ ne pambuluekema꞉ hata꞉ta꞉ Yesuma꞉ do kenke mina꞉pa꞉lao Ateke pa꞉ta꞉ polo pieke di amba꞉ tunkula꞉la꞉me hone wiekeme. Ipikana꞉ma꞉ do kenkena꞉ haemeke ipika꞉ wanda꞉hali pa꞉ta꞉ pukima꞉ homo hao paeyaalo pulu hata꞉ make iki pa꞉ta꞉ pukima꞉ homeekeme.

Dioni 13:18

I̱ma꞉ iki paeyao pa꞉ta꞉ na alome. Ya talopu molo haliweki amba꞉ handoa꞉me. Kutu pa꞉la꞉pate mo Baibolo bukana꞉ wape pa꞉la꞉ ekita꞉ yaapeke ya꞉la꞉me dupae. Dika꞉ mandakena꞉ pita꞉ ne nopa꞉ halima꞉ kone I̱ yaapo a꞉nda꞉ tunkula hala꞉me.

Dioni 13:3

Yesuma꞉ta꞉ hande ipika꞉ Atekema꞉ ala꞉ta꞉ ala꞉ta꞉ paeyao ipiki pa꞉ta꞉ haleekeeki make ipikita꞉ Koda꞉ yaapo hao a꞉pa Koda꞉ pa꞉ta꞉ polo piekeeki make hone wiekeme.

Dioni 16:28

I̱ta꞉ hande yaka Apa꞉ yaapo hao do kenkena꞉ a꞉pa hao ameta꞉ do kenke mina꞉pa꞉lao yaka Apa꞉ pa꞉ta꞉ polueke leekeme.

Dioni 17:13

Ameta꞉ neke pa꞉ta꞉ epolo polopate do kenkena꞉ hata꞉ta꞉ I̱ma꞉ do haliwekima꞉ yaka ta꞉na꞉ pa꞉la꞉eki mea tumbao haena꞉yeke do pimanu alome.

Dioni 20:17

Yesuma꞉ ipiki pa꞉ta꞉ alota꞉ I̱ na mina꞉pe. Yaka Apa꞉ pa꞉ta꞉ a̱i̱ na la꞉ka꞉la a꞉meilo ekina꞉ loa꞉me. Yaka kametiti pa꞉ta꞉ yaka pi lawaalo pua꞉peke. Yaka Apa꞉ ika꞉ Apa꞉ make yaka Koda꞉ ika꞉ Koda꞉ make ipiki pa꞉ta꞉ paa la꞉ka꞉la a꞉meinolome lapeke leekeme.

Dioni 20:21

Kutupa Yesuma꞉ iki pa꞉ta꞉ paa alota꞉ Ika꞉ puki lopa꞉niao hape laa Hande Apa꞉ma꞉ I̱ epono tapaala꞉ tupa꞉ iki make pomina꞉ koto tupa꞉ tapaasome leekeme.

Dioni 3:34

Koda꞉ma꞉ tapaala꞉ halima꞉ta꞉ Koda꞉na꞉ pimanu lalieke. Koda꞉ma꞉ ipiki pa꞉ta꞉ Holi Sipitidi hala꞉la꞉ ekita꞉ tombo wia na hala꞉la꞉ ekina꞉ loa꞉me.

Dioni 6:62

Wanda꞉halina꞉ Eiyeketa꞉ amba꞉ hao epea꞉ nane paa la꞉ka꞉la polo pa꞉la꞉eki handemeka꞉na꞉ta꞉ eki piliepe.

Dioni 6:70

Yesuma꞉ ika꞉ pi hombo peaaso alota꞉ Iki 12 haliwekita꞉ I̱ma꞉ na talopu mea hamina꞉ loeke yekea. Kutu pua꞉pate iki ame̱le̱ hala꞉ hali homeketa꞉ hoke temoko hala꞉me leekeme.

Aposolo 1:11

Ka꞉lili haliwekio. Do pa꞉ta꞉ hata꞉ ya pa꞉ta꞉ ombu ekipeke handa꞉liao halemepe lepekeme. Do iki mina꞉pa꞉lao ya nane pula꞉ Yesuta꞉ paa ipulu make do ya nane puleke handa handeleme tupa꞉ kone paa ipilia꞉eki make koto tupa꞉ kone ipiliekee lepekeme.

Aposolo 1:13

Mo teke da tieke pa꞉ta꞉ puaata꞉ ika꞉ pelia hao haemeke manda da panda꞉ pa꞉ta꞉ opa꞉liaemekeme. Pida Dioni yaapo Dia꞉mesi A꞉ndutu yaapo Pilipi Tomasi yaapo Badolomiu Ma꞉tiu yaapo A꞉lopia꞉sina꞉ eiyeke Dia꞉mesi pita꞉ Saimono Seloti yaapo kutupa Dia꞉mesina꞉ eiyeke Diudasi makee.

Aposolo 1:9

Kotoeki lo paeyaota꞉ mo haliwekima꞉ handa꞉ poto poto la haena꞉ kone opa꞉liao peekeme. Kutupa ya hapi homekema꞉ a꞉pa ipiki a꞉mbaeyekeme.

Aposolo 10:38

Hande Na꞉sa꞉tete da halita꞉ Yesue. Ipikita꞉ Koda꞉ma꞉ wele peaaso hata꞉ mo Holi Sipitidima꞉ make suta꞉pe wiaeyekeeki opimika꞉ta꞉me. Kutupa ipikana꞉ma꞉ Koda꞉ ame̱le̱ hata꞉ epeke hau pea꞉tiki pu hao Sadanima꞉ hoeyaeyeke wanda꞉hali mea tiatiki pu hao pomu hayekeme.

Ka꞉leisia 1:1

I̱ Polo I̱ma꞉ aposolo hano wi la꞉la꞉ ekita꞉ halima꞉ o hali pa꞉ta꞉ yama꞉ wi na lea꞉pate mo Yesu Ketisoma꞉ make mo naku pa꞉ta꞉ ipiki mea da꞉taeyeke Apa꞉ Koda꞉ma꞉ make ipiliki telipina꞉ma꞉ I̱ wi la꞉la꞉me.

Epesese 2:20

Ikita꞉ Koda꞉ma꞉ a꞉eta꞉la꞉ da tupa꞉ halememe. Ipikana꞉ma꞉ koto da a꞉etolota꞉ niki aposolo haliweki make potopede haliweki make mea apa꞉tao pinkimanu tupa꞉ noka꞉pa꞉la꞉me. Kutu pa꞉la꞉pate Yesu Ketisota꞉ ota꞉ titina꞉ noka꞉pa꞉la꞉ pinki hala꞉me.

1 Timodi 3:16

Mo nika꞉ Ketiso hauna꞉ teketa꞉ ota꞉ hau tieke dia꞉me pita꞉ ma꞉nda꞉ma꞉ lapeke na ya꞉la꞉me. Do ekina꞉ alome. Ipikita꞉ ota꞉ halina꞉ loke kone mea opolo epeekeme. Mo hande Sipitidima꞉ ipika꞉ yako pa꞉la꞉ ekita꞉ ota꞉ ekie laa peneme waleekeme. Kutupa ipikita꞉ enisoloma꞉ make handeekeme. Ipika꞉ bikita꞉ mo tutu ma꞉nda꞉ ma꞉nda꞉ paeyao pa꞉ta꞉manu make walemekeme. Kutu pieketa꞉ mo kenke paeyao pa꞉ta꞉ haemeke wanda꞉halima꞉ ipiki pa꞉ta꞉ hone tulaemekeme. Kutaa ipikita꞉ Koda꞉ma꞉ oli ya nane hatuku mea peekeme.

Hibulu 9:24

Kota꞉ mo ota꞉eki manda꞉ meaaso hata꞉ haliwekima꞉ a꞉emeke Yako Piki Da pa꞉ta꞉ Ketiso na peekeme. Pate ipikita꞉ ota꞉ hepeni nane peekeme. Kutupa ameta꞉ Koda꞉na꞉ leke popelekena꞉ nikina꞉ hao hala꞉me.

1 Pida 3:22

Koto Ketisota꞉ ame hepeni tukiki pa꞉ta꞉ pua Koda꞉na꞉ popeke nane hata꞉ mo enisolo haliweki make hepeni nane haleme you haliweki make mo wele pita꞉la꞉ ekimanu make iki paeyao ipikana꞉ma꞉ handeteke hala꞉me.

2 Pida 3:2

Yaka hone pa꞉la꞉ ekita꞉ mo yakopiki potopede haliwekima꞉ amba꞉ hande la kimi pimanu make hande Pa꞉ta꞉la꞉la꞉ Tekehalina꞉ pi wiekeeki ika꞉ aposolo haliweki pa꞉ta꞉ yama꞉ iki kia꞉eki tonka꞉na꞉ niminatiki piomena꞉ loa꞉me.

Peneme Yaeyekeeki 1:1

Do bukata꞉ mo Yesu Ketisona꞉ peneme yaeyeke haumanu lao ula꞉ bukae. Koda꞉ma꞉ do peneme yaasa꞉ haumanu haleeke ekita꞉ ipika꞉ e pokaasa꞉ wanda꞉hali pa꞉ta꞉ koto kone pulu piekeeki waluekema꞉ piekeme. Ketisoma꞉ta꞉ ipika꞉ e pokaasa꞉ hali Dioni pa꞉ta꞉ ipika꞉ enisolo tapao dupiki haumanu walena꞉ leekeme.

Peneme Yaeyekeeki 2:11

Haleke haemeka꞉na꞉ta꞉ mo Sipitidima꞉ siosimanu pa꞉ta꞉ lo hala꞉eki manuta꞉ ota꞉ opua꞉pa꞉peke ya꞉la꞉me. Ma꞉nda꞉ epima꞉ a꞉nda꞉ pea bepolaasa꞉ halita꞉ hande hoto yaapo peao homa꞉la꞉ ekima꞉ta꞉ hoeyaapeke na yelieke.

Peneme Yaeyekeeki 2:17

Haleke haemeka꞉na꞉ta꞉ kota꞉ mo Sipitidima꞉ siosimanu pa꞉ta꞉ lo hala꞉eki manuta꞉ ota꞉ opua꞉pa꞉peke ya꞉la꞉me. Ma꞉nda꞉ epima꞉ a꞉nda꞉ pea bepolaeya꞉ka꞉na꞉ta꞉ kota꞉ I̱ma꞉ ipiki pa꞉ta꞉ mo a꞉mbao ula꞉ mandane ma꞉na halueke. Kutupa mo hake piki toopina꞉ panake biki laala꞉eki make halueke. Mo bikita꞉ ma꞉nda꞉ma꞉ make hone na ula꞉pate mo milia꞉ somema꞉ homeke hone wilieke.

Peneme Yaeyekeeki 2:29

Haleke haemeka꞉na꞉ta꞉ kota꞉ mo Sipitidima꞉ siosimanu pa꞉ta꞉ lo hala꞉ pi manuta꞉ ota꞉ opua꞉pa꞉peke ya꞉la꞉me.

Peneme Yaeyekeeki 2:7

Haleke haemeka꞉na꞉ta꞉ kota꞉ mo Sipitidima꞉ mo siosimanu pa꞉ta꞉ lo hala꞉eki manuta꞉ ota꞉ opua꞉pa꞉peke ya꞉la꞉me. Ma꞉nda꞉ epima꞉ a꞉nda꞉ pea bepolaeya꞉ka꞉na꞉ta꞉ kota꞉ I̱ma꞉ mo Koda꞉na꞉ e pa꞉ta꞉ opa꞉la꞉ da꞉ta꞉la꞉ tina꞉ kiliki nena꞉ waleke halueke.

Peneme Yaeyekeeki 21:14

Mo daonina꞉ papeta꞉ kiki yaapona꞉ ankena꞉ yaapo pinki nonopiki toopi oto tiekena꞉ noko peekeme. Koto toopi manuna꞉ta꞉ mo Sipisipi Ma꞉na꞉ Ikikina꞉ aposolo hali kiki yaapona꞉ ankena꞉ yaapona꞉ biki laeya꞉me.

Peneme Yaeyekeeki 3:13

Haleke haemeka꞉na꞉ta꞉ mo Sipitidima꞉ mo siosimanu pa꞉ta꞉ lo hala꞉eki manuta꞉ ota꞉ opua꞉pa꞉peke ya꞉la꞉me.

Peneme Yaeyekeeki 3:16

ikita꞉ kosa꞉ dia꞉ titipu dia꞉ pa tukikina꞉ haleme ekina꞉ yaka kake pa꞉ta꞉ yama꞉ dopita baalueke.

Peneme Yaeyekeeki 3:22

Haleke haemeka꞉na꞉ta꞉ mo Sipitidima꞉ mo siosimanu pa꞉ta꞉ lo hala꞉eki manuta꞉ ota꞉ opua꞉pa꞉peke ya꞉la꞉me.