Aposolo 1:13 - Panake Pi La: Ula: Buka pita: Kine Pieke Buka

¹³ Mo teke da tieke pa꞉ta꞉ puaata꞉ ika꞉ pelia hao haemeke manda da panda꞉ pa꞉ta꞉ opa꞉liaemekeme. Pida Dioni yaapo Dia꞉mesi A꞉ndutu yaapo Pilipi Tomasi yaapo Badolomiu Ma꞉tiu yaapo A꞉lopia꞉sina꞉ eiyeke Dia꞉mesi pita꞉ Saimono Seloti yaapo kutupa Dia꞉mesina꞉ eiyeke Diudasi makee.

Aposolo 1:13 Mawu Ofanana

Ma꞉tiu 9:9

Yesuma꞉ koto pa꞉ta꞉ mina꞉pa꞉lao pulu hata꞉ta꞉ dakisi mu hayeke hali bikita꞉ Ma꞉tiu ipika꞉ mani yata꞉po hayeke da pa꞉ta꞉ pitiekeeki handeekeme. Yesuma꞉ ipiki pa꞉ta꞉ alota꞉ I̱ teli mea epoe leekeme. Koto leeke Ma꞉tiu tiao ipiki telimea peekeme.

Maka 14:15

Kutupa ipikana꞉ma꞉ manda nane wamo pea ula꞉ da panda꞉ tieke walieke leekeme.

Maka 14:33

Kutupa Yesuma꞉ Pida Dia꞉mesi Dioni ameda hatuku puaata꞉ koto kone ipika꞉ pukima꞉ ka꞉nda꞉ wopu miekeme.

Maka 2:14

Pi wala pulu hata꞉ A꞉lopia꞉sina꞉ eiyeke Lipaeta꞉ mo dakisi mani mu hayeke alena꞉ pitina꞉ Yesuma꞉ handa ipiki pa꞉ta꞉ alota꞉ Yaka hoki nane teli mea a꞉pa꞉peke leeke handaa Lipaema꞉ tiao Yesuna꞉ hoki nane teli mea peekeme.

Maka 5:37

Yesuma꞉ Pida pita꞉ Dia꞉mesi Dioni hama̱la̱꞉ make koto haliweki homeke ipiki telina꞉ leekeme.

Maka 9:2

Kutupa hoto yunki mindiki hata꞉ hao Yesuma꞉ Pida Dia꞉mesi Dioni tepo handa꞉ meaata꞉ pote tumiki pa꞉ta꞉ pua ika꞉siki haemekeme. Kutupa ika꞉ leke popeleke nane hata꞉ Yesuna꞉ loke wonu piliekeme.

Luku 22:12

Kutupa ipikana꞉ma꞉ manda nane ula꞉ ala꞉ta꞉ ala꞉ta꞉ ana꞉lao wiki da panda꞉ tieke walieke. Koto pa꞉ta꞉ ipilikana꞉ma꞉ ala꞉ta꞉ ala꞉ta꞉ tikitiki yaalipipikie leekeme.

Dioni 11:16

Koto ekina꞉ Tomasita꞉ hande Manda꞉e halima꞉ ipika꞉ disaipolo yankeketiti pa꞉ta꞉ alota꞉ Nika꞉ Disa ame̱le̱ paeyao mandakena꞉ bape laa ipiki ame̱le̱ homomana꞉e leekeme.

Dioni 14:22

Yesuma꞉ koto leeke handaata꞉ Diudasi hande Isekatioti hali Diudasi pa꞉ta꞉ na loa꞉ma꞉ ipikana꞉ma꞉ Yesu pa꞉ta꞉ alota꞉ Tekehalio. Ekipa kenke wanda꞉halima꞉ na handena꞉ leke niki pa꞉ta꞉ homeke peneme yao walipikipe leekeme.

Dioni 18:17

Mo pota꞉ kake pa꞉ta꞉ hayeke wandikima꞉ Pida pa꞉ta꞉ alota꞉ Neketa꞉ do hande halina꞉ disaipolo hali ma꞉nda꞉ pate ya꞉la꞉me laa leekepate Pidama꞉ alota꞉ I̱ta꞉ dia꞉me leekeme.

Dioni 21:2

Saimono Pida make hande Manda꞉e lemeke hali Tomasi make hande Ka꞉lili nane Keina da hao epeeke hali Nada꞉niele make Sepedi ipika꞉ eiyeke yaapo make Yesuna꞉ disaipolo hali yaapo ma꞉nda꞉ make paeyao mandake pa꞉ta꞉ momba꞉la haemekeme.

Aposolo 12:17

Kutu pimikipate Pidama꞉ kikima꞉ kone pi na lapee leekeme. Kutupa Tekehalima꞉ mo dipula da pa꞉ta꞉ hatuku epeeke pi la haleekeme. Kutupa Pidama꞉ alota꞉ Dia꞉mesi pa꞉ta꞉ make Ketiso kametiti pa꞉ta꞉ make do pi la hala꞉pa꞉peke leekeme. Kutupa mina꞉pa꞉lao pua da ma꞉nda꞉ pa꞉ta꞉ peekeme.

Aposolo 15:13

Pi lo paeyaepeketa꞉ Dia꞉mesima꞉ ipilika꞉ pi hombo peaaso alota꞉ Ya kametitio. I̱ma꞉ alo pi opua꞉pe.

Aposolo 2:14

Kutupa Pidama꞉ mo hande 11 haliweki ame̱le̱ tiao hata꞉ wanda꞉hali pa꞉ta꞉ pi anekema꞉ alota꞉ Mo ya tapake Diu haliweki make do Diutuseleme teke da pa꞉ta꞉ hao haleme wanda꞉hali pa꞉ta꞉ make iki paeyao I̱ma꞉ lolua꞉ pita꞉ wotu opua꞉pa꞉pekee laata꞉

Aposolo 2:38

Koto lemeke handaa Pidama꞉ iki pa꞉ta꞉ alota꞉ Koda꞉ma꞉ ika꞉ hoke hau peleme ekimanu pa paeyaena꞉yeke hone ma꞉nda꞉ la꞉ka꞉la꞉ mina wiaata꞉ Yesu Ketisona꞉ bikina꞉ bapitaisi hau pea꞉pa꞉peke. Kutu pimika꞉na꞉ta꞉ Koda꞉ma꞉ kilie aleta꞉ mo Holi Sipitidi kilieke.

Aposolo 20:8

Kutupa nikana꞉ma꞉ momboloma꞉ da mandata꞉ lamepa wopu tea꞉me.

Aposolo 4:13

Mo haliwekima꞉ Pida Dioni yaapoma꞉ paala꞉ na homepekeeki handolo hata꞉ koto hali yaapoma꞉ sukuluna꞉ make na pepeke ota꞉ pa da haepeke hali yaapoe laata꞉ kota꞉ ikana꞉ma꞉ leke opa꞉ alu alu pea kutupa hone witolota꞉ Yesu ame̱le̱ pomu hata꞉ pa꞉la꞉ma꞉ hone wimikime.

Aposolo 4:19

Koto leeke Pidama꞉ alota꞉ Koda꞉na꞉ leke popelekena꞉ hata꞉ ikana꞉ma꞉ aleme pi opua pita꞉la꞉ ekita꞉ a꞉pa꞉la꞉pe o Koda꞉na꞉ pi opua pita꞉la꞉ ekita꞉ a꞉pa꞉la꞉pe. Ika꞉ hone wia pi hotia꞉pa꞉peke lepekeme.

1 Kotindi 15:7

Kutupa koto hoki naneta꞉ ipikita꞉ Dia꞉mesi pa꞉ta꞉ pua walaata꞉ mo aposolo haliweki paeyao pa꞉ta꞉ make paa pua waleekeme.

Ka꞉leisia 1:19

Koto hata꞉ta꞉ I̱ma꞉ aposolo hali ma꞉nda꞉ na handoa꞉pate pa mo Tekehalina꞉ hameke Dia꞉mesi homeke handoa꞉me.

Ka꞉leisia 2:9

Dia꞉mesi Pida make Dioni ikita꞉ you haliweki hake nono piki haliweki hata꞉ mo Koda꞉ma꞉ do I̱ pa꞉ta꞉ ka꞉la꞉ ta꞉ta꞉piki e handolota꞉ niki paeyao homeke tapake haloma꞉me laa handena꞉ walolo Banabasi yaapo kiki mina꞉ alualu puma꞉me. Kutupa nikana꞉ma꞉ homeke pi laata꞉ Banabasi make I̱ dikana꞉ma꞉ta꞉ Diendaili tapake ame̱le̱ hapono ikita꞉ Diu tapake ame̱le̱ hamena꞉e loma꞉me.

Dia꞉mesi 1:1

I̱ta꞉ Dia꞉mesi Koda꞉ make Tekehali Yesu Ketiso yaapona꞉ e pokaaso hali halome. Do wape pitolo ekita꞉ hande ika꞉ kenke nane mina꞉pa꞉lao pemeke Isulai 12 tapake ika꞉ wanda꞉hali pa꞉ta꞉ tapaasome. Iki pa꞉ta꞉ keiyae pi alome.

2 Dioni 1:1

I̱ta꞉ you halima꞉ mo hande yaka pukima꞉ homolo ankula꞉ ankula꞉ pa꞉ta꞉ do tameiya꞉ tapaasome. I̱ma꞉ homeke dia꞉ya꞉la꞉pate mo hande ota꞉eki hone ula꞉ wanda꞉halima꞉ make iki pukima꞉ homelememe.

Diudi 1:1

I̱ta꞉ Diudi Dia꞉mesina꞉ hameke hande Yesu Ketisona꞉ e pokaaso halima꞉ loa꞉me. I̱ma꞉ do tameiya꞉ta꞉ mo hande Koda꞉na꞉ wi la꞉la꞉eki opeleme wanda꞉hali iki pa꞉ta꞉ tapaasome. Dota꞉ mo hande Apa꞉ Koda꞉na꞉ pukima꞉ homa꞉la꞉eki oto pa꞉ta꞉ haleme make Yesu Ketisona꞉ handeteke hala꞉eki pa꞉ta꞉ haleme wanda꞉hali iki pa꞉ta꞉ loa꞉me.